06_1153A_catc_P24_25

25歲馮盈盈分手後眼腫行街 同居試婚失敗 IG高調身材大解放

馮盈盈敢愛敢做,參選港姐時已承認有個醫生男友 Martin鍾文浩(暱稱寶寶),一直愛得高調兼熱烈。今年馮盈盈更貼埋首期買樓同居,層樓寫男友名,出錢出力布置愛巢,箍到實男友以為打風都打唔甩,點知試婚半年,馮盈盈日前在IG單方面宣布分手,搞到一地都係眼鏡。分手後馮盈盈心情仍未平復,日前出席新劇活動更喊住接受訪問,透露分手不涉及第三者,只是「相處容易相住難」,據知因為同居後醫生男友經常因工作而夜返,而馮盈盈的演藝事業亦起飛,二人聚少離多拗撬頻生,同居生活不似預期,關係變得疏離,令馮盈盈忍痛斬纜。冇舊 又點會有新?下一個可能唔使馮盈盈貼首期呢?

撰文、圖片:東方新地

 

情人節孤單食蛋散

今年單身過情人節,馮盈盈分享了Eat Yourself Tonight的短片,示範了張開口食蛋散:

25歲馮盈盈分手後眼腫行街 同居試婚失敗 IG高調身材大解放
影片由麥美恩上載,配上eat yourself tonight文字,盈盈交足戲十分唏噓⋯⋯

25歲馮盈盈分手後眼腫行街 同居試婚失敗 IG高調身材大解放

25歲馮盈盈分手後眼腫行街 同居試婚失敗 IG高調身材大解放
仲有悲情的「樹葉飄落」特效,口含半截蛋散的盈盈,真係好坎坷⋯⋯

馮盈盈為做醫生太太 貼首期買屋同居

為了與醫生男友Martin雙宿雙棲,馮盈盈不理父母反對,貼埋首期與寶寶在何文田買樓築愛巢,今年6月入伙,她更周圍撲為愛巢添置傢俬與家品,希望能有一個溫暖的家,不過同居初期,馮盈盈已不止一次公開呻辛勞,放工後既要做家務,更為寶寶學煮飯,廿四孝女友做到足。

馮盈盈與 Martin今年買樓兼同居,早前盈盈更被指為做「醫生太 太」做足準備,積極搵錢及為嫁妝努力𢱑贊助,為未來老公慳荷包,估唔到會分手咁突然。
馮盈盈與 Martin今年買樓兼同居,早前盈盈更被指為做「醫生太 太」做足準備,積極搵錢及為嫁妝努力𢱑贊助,為未來老公慳荷包,估唔到會分手咁突然。
馮盈盈於12月 29日突然在IG出 po自爆與醫生男友 Martin分手,結束四年情,盈盈表示仍會支持和祝福對方。
馮盈盈於12月 29日突然在IG出 po自爆與醫生男友 Martin分手,結束四年情,盈盈表示仍會支持和祝福對方。
復單身的馮盈盈日前出席公開活動雖然喊住回應,但她除夕在社交網祈求2020年會遇到最好的事情,正能量爆燈。
復單身的馮盈盈日前出席公開活動雖然喊住回應,但她除夕在社交網祈求2020年會遇到最好的事情,正能量爆燈。

男友要私人空間 聚少離多惹爭執

對於25歲的馮盈盈來說,成為醫生太太是她的心願,但這種生活卻令她身心疲累,據知情者透露:「盈盈貼首期畀寶寶買樓,自己仲要冇名已經畀屋企人同朋友鬧佢蠢,點知同居後仲要做埋工人,盈盈父母見到個女咁都心痛,不過寶寶就乜都唔理,佢返醫院要輪更,成日都唔見人,呢半年嚟盈盈覺得同佢反而仲見少咗,寶寶假假地都係醫生,雖然做政府醫生搵錢唔算多,但醫院都好多護士吼住,盈盈當然好唔放心,佢哋開始為咗啲小事而嘈交。以前拍拖分開住大家都有私人空間,同居後盈盈認為唔應該有秘密同私隱,不過寶寶就唔係咁諗,盈盈愈箍得緊,寶寶就愈反抗,關係愈來愈疏離。」

鏡頭前大情大性的馮盈盈,私底下是個廿四孝女友,為愛巢出錢出力添家品。
鏡頭前大情大性的馮盈盈,私底下是個廿四孝女友,為愛巢出錢出力添家品。
又去超市格價買洗頭水,他日一定是個入得廚房出得廳堂的好老婆。
又去超市格價買洗頭水,他日一定是個入得廚房出得廳堂的好老婆。

馮盈盈忍痛斬纜 放假獨自眼腫逛街

四年情唔係話斷就斷,馮盈盈雖然非常之唔捨得,但感情出現問題亦要去面對,長痛不如短痛,最終同居變分手。雖然馮盈盈表示分手是在12月發生,但其實她近月在社交網已不時出po表達不快心情,日前被踢爆與Martin雙雙現身中環嘉年華,馮盈盈解釋再見亦是朋友。

有傳馮盈盈為事業而棄愛情,所以近月拍劇都博到盡,早前她更以低胸短裙拍新劇《逆天奇案》,即使在中環鬧市拍攝亦收放自如。
有傳馮盈盈為事業而棄愛情,所以近月拍劇都博到盡,早前她更以低胸短裙拍新劇《逆天奇案》,即使在中環鬧市拍攝亦收放自如。
亦有指馮盈盈是因為和張頴康早前在 《解決師》中的激情戲成分手導火線,張頴康說:「如果真係因為呢件事,我好想佢男朋友知道,其實盈盈一開始佢已經不停講可唔可以唔拍、借位避開。其實盈盈都好保護男朋友,大家都想快啲完咗場戲,等大家嘅伴侶唔會唔開心。」
亦有指馮盈盈是因為和張頴康早前在 《解決師》中的激情戲成分手導火線,張頴康說:「如果真係因為呢件事,我好想佢男朋友知道,其實盈盈一開始佢已經不停講可唔可以唔拍、借位避開。其實盈盈都好保護男朋友,大家都想快啲完咗場戲,等大家嘅伴侶唔會唔開心。」

因為醫生男友經常唔得閒,鍾意行街買嘢的她早前被本刊記者捕獲獨自行商場,悶悶不樂又一個人食午餐,看來已受情困多時。塞翁失馬、焉知非福,馮盈盈係叻女嚟,呢個森林仲有大把好樹,攞番出咗嘅首期先再慢慢搵下一個筍盤啦!

馮盈盈把其電動座駕泊在停車場叉電,自己在商場內周圍逛打發時間,見她雙眼浮腫,重妝亦遮掩不了倦容。
馮盈盈把其電動座駕泊在停車場叉電,自己在商場內周圍逛打發時間,見她雙眼浮腫,重妝亦遮掩不了倦容。
行街行到攰,馮盈盈行去餐廳門口睇餐牌,大大個歡樂時光廣告牌。
行街行到攰,馮盈盈行去餐廳門口睇餐牌,大大個歡樂時光廣告牌。
不過盈盈就一個人孤伶伶,呢個午餐一啲都唔歡樂。
不過盈盈就一個人孤伶伶,呢個午餐一啲都唔歡樂。
食飽離開個樣都係嬲爆爆。
食飽離開個樣都係嬲爆爆。
這日馮盈盈手機不離手,行到邊睇到邊,記者見到佢搭扶手電梯時好聚精會神睇緊本地新聞。
這日馮盈盈手機不離手,行到邊睇到邊,記者見到佢搭扶手電梯時好聚精會神睇緊本地新聞。
愁眉不展,究竟係憂心感情問題定關心香港時事呢?
愁眉不展,究竟係憂心感情問題定關心香港時事呢?

情場失意 IG高調Show身材

喺現實愁爆的馮盈盈,最近開始係社交媒體高調出Post,不時Post性感泳照、運動生活相,唔通開始回復心情,準備再出Pool?