25歲馮盈盈蝕揸鄺潔楹棄兵 大隻主播大膽直接攻陷芳心

娛聞

廣告

現年25歲的馮盈盈,去年底宣布與十優醫生男友鍾文浩(Martin)分手,前度疑似有長髮新歡陪看日落,馮盈盈亦被爆同大隻主播鄭衍峰(Leonard)撻著,一切重新出發。不過, 28歲的鄭衍峰原來並非省油燈,早有「女神收割機」稱號,借拍《 3日2夜》狂冧女,17年就曾向甜美嬌滴滴的哈比女神鄺潔楹大獻殷勤,不過卻遭女神嫌棄派檸檬,估唔到身高和人氣都高一等的馮盈盈,兩年後會接收鄺潔楹棄兵,今鋪真係蝕章!

撰文、圖片:東方新地

馮盈盈箍唔實多女埋身醫生男友

出名敢愛敢恨、愛情至上的馮盈盈,當年為醫生前度Martin早已全程奉獻,即使事業起飛,仍高調公開承認戀情,不怕妨礙演藝前途,去年更倒貼首期幫Martin置業,即使物業冇加入自己名亦唔計較,又做埋阿四負責買家品布置新居及煮飯打掃一腳踢,可惜廿四孝女友箍唔實多女埋身的醫生男友,最終分手收場!

有愛情滋潤的馮盈盈,日前出席公司宣傳活動全程如沐春風,轉了新髮型的她更容光煥發,錄影完節目,馮盈盈即趕去會合男友。
有愛情滋潤的馮盈盈,日前出席公司宣傳活動全程如沐春風,轉了新髮型的她更容光煥發,錄影完節目,馮盈盈即趕去會合男友。
參選港姐時已經承認有個十優醫生男友鍾文浩的馮盈盈,經常高調晒愛,三句唔埋便將「寶寶」(鍾文浩暱稱)掛在嘴邊
參選港姐時已經承認有個十優醫生男友鍾文浩的馮盈盈,經常高調晒愛,三句唔埋便將「寶寶」(鍾文浩暱稱)掛在嘴邊
去年更瞞住父母貼埋首期幫男友買樓,新居連自己名都冇亦唔介意
去年更瞞住父母貼埋首期幫男友買樓,新居連自己名都冇亦唔介意
廿四孝女友為給男方安全感,更不時帶同男友出席圈中聚會,之前就試過帶同男友與麥明詩、陸浩明慶功,可惜最終仍箍唔實醫生男友分手收場。
廿四孝女友為給男方安全感,更不時帶同男友出席圈中聚會,之前就試過帶同男友與麥明詩、陸浩明慶功,可惜最終仍箍唔實醫生男友分手收場。

《後生仔傾吓偈》主播鄭衍峰大膽直接攻陷芳心

回復單身再放盤,有樣有身材有學歷的馮盈盈當然不愁冇人追,更火速有觀音兵埋身,因拍J2台節目《後生仔傾吓偈》與主播鄭衍峰撻著,被指推薦男方上節目,又被拍到除夕一齊拍拖行超市,雖然未肯公開認愛,但馮盈盈就享受人前人後晒恩愛,不避嫌與鄭衍峰經常合體出節目,再次貫徹其愛是全奉獻精神,連60萬新買愛車亦畀男友任揸,搬離前度何文田舊愛巢後以19,000元租住深水埗新居,又讓鄭衍峰入屋變半個男主人,早前各自Po相亦見同一張網墊,疑似在家玩煮飯仔。據知情者透露:「同Martin分手嗰段
時間,盈盈成日孤伶伶一個人好唔習慣,身邊朋友都好擔心,怕佢悶成日會搞聚會開解佢,Leonard(鄭衍峰)就因為拍《後生仔傾吓偈》加拿大特輯,同一班『後生仔』主持熟絡咗,佢知道盈盈甩拖,成日借機約盈盈帶佢周圍去玩,對盈盈照顧周到,女人寂寞時好想有倚靠,Leonard喺《後生仔傾吓偈》節目入面《盈盈的單身派對》『Speed Dating 』度更大膽直接表白,好快已經攻陷女神芳心!佢兩個喺電視城出雙入對,班拍檔一早知情,加上大家係年輕人,Leonard早就融入『後生仔』堆,盈盈仲成日推薦男友畀監製,等佢有多啲出鏡機會!」

馮盈盈去年底宣布和十優醫生男友 Martin分手,前度早前就被拍到拖長髮新歡看日落,而馮盈盈亦被指撻著娛樂主播鄭衍峰三個月,各自各精彩!
馮盈盈去年底宣布和十優醫生男友 Martin分手,前度早前就被拍到拖長髮新歡看日落,而馮盈盈亦被指撻著娛樂主播鄭衍峰三個月,各自各精彩!
有指馮盈盈引薦鄭衍峰拍《後生仔傾吓偈》的《盈盈的單身派對》,節目上與另外八個男仔追盈盈的鄭衍峰,在「 Speed dating」環節就因真情剖白:「希望盈盈女神可收我做你條仔,必定每天愛你多一些!」成功打動女神,兩人在節目上更上演蝦條之吻!
有指馮盈盈引薦鄭衍峰拍《後生仔傾吓偈》的《盈盈的單身派對》,節目上與另外八個男仔追盈盈的鄭衍峰,在「 Speed dating」環節就因真情剖白:「希望盈盈女神可收我做你條仔,必定每天愛你多一些!」成功打動女神,兩人在節目上更上演蝦條之吻!
《盈盈的單身派對》上,鄭衍峰更攝到靚位經常黐實女神。
《盈盈的單身派對》上,鄭衍峰更攝到靚位經常黐實女神。
馮盈盈與鄭衍峰早前一齊上新一輯《後生仔傾吓偈》節目,馮盈盈更出手幫男友驗胸,測試對方有冇外傳的43吋胸肌,公然大耍花槍!
馮盈盈與鄭衍峰早前一齊上新一輯《後生仔傾吓偈》節目,馮盈盈更出手幫男友驗胸,測試對方有冇外傳的43吋胸肌,公然大耍花槍!

鄭衍峰曾拍《 3日2夜》狂冧鄺潔楹

本來寂寂無名的鄭衍峰,因女友馮盈盈而廣為人識,更一度被誤傳是有米富二代,但其實長居溫哥華的父母只是打工仔,鄭爸爸是航空公司工程部維修人員,而鄭媽媽則是電器店售貨員,不過,畢業於著名學府英屬哥倫比亞大學(UBC)的 Leonard,即使不是高富帥一樣好有自信,讀書時已經鍾意操肌冧女,更因為43吋發達胸肌及六嚿腹肌而被《 3日2夜》監製睇中,曾拍攝多輯《 3日2夜》,在女神鄺潔楹、陳詩欣及蘇可欣身邊團團轉,借拍節目狂冧女,更因而有「女神收割機」稱號。17年便因為拍節目狂追哈比女神鄺潔楹,不過,家境富裕的 Judy(鄺潔楹),身邊早有唔少富貴兵,對外形一般的鄭衍峰根本睇唔上眼。

鄭衍峰17年與鄺潔楹合拍《3日2夜》,當時仲有幸被安排與女神一齊浸溫泉,一早對嬌滴滴身材有睇頭的Judy(鄺潔楹)嗒糖的他,即使大獻殷勤亦無功而回,未有被哈比女神垂青。
鄭衍峰17年與鄺潔楹合拍《3日2夜》,當時仲有幸被安排與女神一齊浸溫泉,一早對嬌滴滴身材有睇頭的Judy(鄺潔楹)嗒糖的他,即使大獻殷勤亦無功而回,未有被哈比女神垂青。
其貌不揚的鄭衍峰最愛在社交網晒其43吋胸肌。
其貌不揚的鄭衍峰最愛在社交網晒其43吋胸肌。