feat_1184_20

七公主|直擊33歲高海寧紮胸演麻甩司機 融入男人堆與黃翠如街頭拉扯

娛聞

受盡情傷的高Ling高海寧,一早開竅事業為上,肯博肯捱之外,更出名聽教聽話,深得無綫高層痛錫,為擴闊戲路嘗試不同類型角色,去年為接拍新劇《七公主》演麻甩司機,更紮胸求突破變粗線條在所不計,演出脫胎換骨!

撰文、圖片:東方新地

高海寧封胸除狐味擴戲路

同唔少花旦一樣透過選美入行的高海寧(高 Ling),幾年前高 Ling開竅,決定封胸唔再刻意露肉,不過收起最煞食武器,亦要捱過低潮。據知情者透露:「高 Ling唔想再刻意賣弄身材,初期都受盡冷眼,有人質疑佢唔賣身材,仲有乜嘢睇頭,不過佢好努力,雖然嗰時工作少咗,但佢寧願一步步嚟,就算只係接到一個小角色,佢都好用心揣摩,希望用演技去被人肯定,近年佢演技昇華,逐漸多咗人留意,好多監製用佢,多咗好多演出機會!」

無綫花旦凋零,一班姐仔力爭上位,近年演技得網民激讚的高 Ling,就大有機會出線,其實早在她擔演女一的第一套劇《婚姻合伙人》,高 Ling演被黃德斌強姦後,在廁所爆喊一幕已經被網民激讚,贏盡口碑。
無綫花旦凋零,一班姐仔力爭上位,近年演技得網民激讚的高 Ling,就大有機會出線,其實早在她擔演女一的第一套劇《婚姻合伙人》,高 Ling演被黃德斌強姦後,在廁所爆喊一幕已經被網民激讚,贏盡口碑。
在《金宵大廈》單元《鴉烏》,劇中做虎媽的高 Ling,因兒子東東消失,連在人們的記憶都被抹走,連場傷心欲絕情緒失控戲,演技爆發!
在《金宵大廈》單元《鴉烏》,劇中做虎媽的高 Ling,因兒子東東消失,連在人們的記憶都被抹走,連場傷心欲絕情緒失控戲,演技爆發!
做慣靚女的高Ling, 為 拍《七公主》演麻甩貨Van司機,除了將短髮剪得更短睇落更粗魯,為怕導彈身材破壞角色,還專登紮胸上陣,衞衣下真的成功減Cup。
做慣靚女的高Ling, 為 拍《七公主》演麻甩貨Van司機,除了將短髮剪得更短睇落更粗魯,為怕導彈身材破壞角色,還專登紮胸上陣,衞衣下真的成功減Cup。
首次做貨Van司機的高Ling,不單要將外形、舉止改變,還要控制一部貨Van,見佢坐喺司機位,動作及姿勢都非常豪邁,麻甩司機入型入格。
首次做貨Van司機的高Ling,不單要將外形、舉止改變,還要控制一部貨Van,見佢坐喺司機位,動作及姿勢都非常豪邁,麻甩司機入型入格。

直擊!33歲高海寧紮胸演麻甩司機 融入男人堆與黃翠如街頭拉扯

本來身材突出的高Ling,刻意紮胸下側面睇D奶唔見咗。
本來身材突出的高Ling,刻意紮胸下側面睇D奶唔見咗。
為拍劇完全將自己淑女形象放下的高 Ling,花了不少時間揣摩角色,現場所見,她每個動作都感覺 man爆。
為拍劇完全將自己淑女形象放下的高 Ling,花了不少時間揣摩角色,現場所見,她每個動作都感覺 man爆。

為更神似紮胸演麻甩司機

繼續搏殺期,近日高海寧便為新劇《七公主》開工,日前同劇中另一公主黃翠如一齊出外景,在劇中演貨Van司機的高Ling,為劇中粗魯角色將頭髮剪得更短,一身衞衣、長褲,戴上Cap帽相當粗豪,當日除了和翠如拍攝一場在街上的拉扯戲,高Ling亦要拍攝駕駛貨Van戲份,舉手投足都相當麻甩,為了演出更神似,原來高Ling為角色紮胸上陣。據高Ling好友透露:「以前高Ling好貪靚,唔鍾意演醜角,但近年佢開咗竅,最緊要角色有發揮,最近拍緊《七公主》,監製同佢講角色要好麻甩,叫佢剪男仔頭,又提議佢紮胸以免出來效果,身材太突出唔夠Man,高Ling都一口答應。」從前曾在訪問被問到會否紮胸拍古裝片,當時高Ling揚言怕紮到個胸變形拒絕,現為事業犧牲,付出必定有回報,捱足十二年的高Ling,一定最清楚!

當日外景,高 Ling要同黃翠如在街頭拉扯爭執,兩人都非常入戲,為培養情緒,拍攝前刻意各據一方,甚少交流,正式拍攝時,高 Ling拉翠如時似乎力度不足,要嚟多個 take!
當日外景,高 Ling要同黃翠如在街頭拉扯爭執,兩人都非常入戲,為培養情緒,拍攝前刻意各據一方,甚少交流,正式拍攝時,高 Ling拉翠如時似乎力度不足,要嚟多個 take!

直擊!33歲高海寧紮胸演麻甩司機 融入男人堆與黃翠如街頭拉扯

翠如在劇中飾演一名狠辣律師,時刻保持生人勿近嘅表情,同高 Ling一樣跟過去演過的角色大不同!
翠如在劇中飾演一名狠辣律師,時刻保持生人勿近嘅表情,同高 Ling一樣跟過去演過的角色大不同!
演麻甩司機的高 Ling,本身亦不拘小節,放飯同工作人員去大牌檔醫肚,等埋位期間,同一班 Crew佬亦傾得非常投契。
演麻甩司機的高 Ling,本身亦不拘小節,放飯同工作人員去大牌檔醫肚,等埋位期間,同一班 Crew佬亦傾得非常投契。

直擊!33歲高海寧紮胸演麻甩司機 融入男人堆與黃翠如街頭拉扯

讀者留言