高海寧新作「劇本出事」被叫停 演8歲智商有難度?!

娛聞

廣告

加入無綫十二年,由演壞女人、做女配角到躋身上女一位置, 高Ling(高海寧)每次拍劇都唔錫身,早已拍到周身傷;來到2021接拍新劇《童時愛上你》,首次與張振朗作、飾演只有8歲智商的女生,本來有機會試下新挑戰,點知劇組早前試完造型開過記招,一班演員圍讀劇本未夠一個月,就被高層叫停⋯⋯

撰文、圖片:東方新地

《童時愛上你》劇本出事被叫停

高海寧今次首度拍攝《BB來了》、《她她她的少女時代》監製的新劇《童時愛上你》,上月底已經進行宣傳試造型,不過還未正式開拍,就傳出要延期,有消息指該劇劇本要大幅度修改,亦有來自高層聲音不滿劇本內容,即使演員已經就位,劇組亦被要求改到六月才開拍。

高海寧在IG張貼了自己玩兒童滑梯的短片,可能想表示自己已經Ready低智商角色。
劇本傳出要「大執」,高海寧同日在IG張貼了自己玩兒童滑梯的短片,可能想表示自己已經Ready低智商角色。
同劇仲有糖妹演出,之前宣傳時曾預告與張頴康有激情戲,二人身高差成為焦點。(娛樂新聞台截圖)
同劇仲有糖妹演出,之前宣傳時曾預告與張頴康有激情戲,二人身高差成為焦點。(娛樂新聞台截圖)

被傳「篤監製背脊」高海寧否認

有消息指今次指出劇本出事的正是高海寧本人,不過佢就向傳媒否認「篤背脊」,仲搬出監製(廖晉碩)的回應,表示因為係疫情原因,未能借到外景進行拍攝,不過亦補多一句 「希望有更多時間寫好劇本」。

有消息指今次指出劇本出事的正是高海寧本人,不過佢就向傳媒否認「篤背脊」!
有消息指今次指出劇本出事的正是高海寧本人,不過佢就向傳媒否認「篤背脊」!
楊卓娜在上月尾張貼了演員圍讀劇本的場面,不過之後就無再更新,反而多咗好多時間分享飲食同花藝作品(楊卓娜IG)
楊卓娜在上月尾張貼了演員圍讀劇本的場面,不過之後就無再更新,反而多咗好多時間分享飲食同花藝作品(楊卓娜IG)

低智商角色唔易做佘詩曼都「中過招」!

其實今次高ling要演8歲角色,真係有難度,即使係公認好戲的佘詩曼,十年前演出《花花世界花家姐》,演繹善良單純、只有十歲小孩智商的「花家姐」角色,一樣不被觀眾受落,同林峯首次合作陰影超巨大,及至三年後憑《使徒行者》,才能洗去這段黑歷史:

佘詩曼十年前演出《花花世界花家姐》一樣出事。
佘詩曼十年前演出《花花世界花家姐》一樣出事。

高海寧拍劇賣命周身傷 拍動作戲有陰影

在去年播放的倉底劇《 C9特工》中,演特工的高海寧非常賣命,為應付大量動作場面,一度撞傷頭入院,令雙眼睇嘢出現重影,盆骨亦撞傷要接受治療。幸好博盡演出苦盡甘來,《 C9特工》已是她近期第四套劇出街,人氣熱爆!不過,雖然角色入屋卻始終未有代表作,加上對手強勁,下月擔演兩部台慶重頭劇《踩過界II 》及《使徒行者3 》的蔡思貝,更來勢洶洶搶獎,令高Ling搶視后大多陪跑;不過,日日有劇拍,機會仍然大把的高Ling,33歲有劇未為輸!

 

日前出席完《 C9特工》宣傳活動,高 Ling駕車返回正在租住的酒店附近商場,泊低車後行去買咖啡提神。
日前出席完《 C9特工》宣傳活動,高 Ling駕車返回正在租住的酒店附近商場,泊低車後行去買咖啡提神。
身材出眾的高Ling,當日穿上簡單的入膊背心,側面睇好養眼。
身材出眾的高Ling,當日穿上簡單的入膊背心,側面睇好養眼。
新劇角色入晒屋,等外賣咖啡期間,高Ling被粉絲認到,她表現開心同粉絲好好傾,相當親民。
新劇角色入晒屋,等外賣咖啡期間,高Ling被粉絲認到,她表現開心同粉絲好好傾,相當親民。

現年33歲的高海寧(高 Ling),由於34D身材出眾,出道被封「咪神」經常被派演賣弄身材角色,花了幾年時間才成功擺脫花瓶演出,苦盡甘來事業漸入佳境,近期更激罕四套劇輪住播,人氣高企。拍劇博到盡爭取機會,高 Ling其實早已捱到周身傷,在熱播的新劇《 C9特工》,鏡頭前的她身手敏捷好打得,但其實背後遇上唔少挫敗,更被拍檔黎諾懿戲稱她為「豆腐 Ling 」,可想而知她為拍劇有幾傷。

多產高海寧周身傷搶視后 對手強勁賣命等運到

近日趕為劇集《七公主》埋尾的高Ling,難得可以下午收工,不過她卻趕返酒店做宅女,回家休息前先去買越南粉外賣。
近日趕為劇集《七公主》埋尾的高Ling,難得可以下午收工,不過她卻趕返酒店做宅女,回家休息前先去買越南粉外賣。
今年六月前度鄧智偉爆出桃色糾紛,同前度已分手大半年的高 Ling,近月因疫情關係,由父母住所搬到將軍澳酒店居住。
今年六月前度鄧智偉爆出桃色糾紛,同前度已分手大半年的高 Ling,近月因疫情關係,由父母住所搬到將軍澳酒店居住。
聽教聽話的高Ling,是高層樂易玲愛將,近年被力捧上位。
聽教聽話的高Ling,是高層樂易玲愛將,近年被力捧上位。
除咗拍劇搞到身上傷痕纍纍,為演不同角色,近年高Ling再解放性感,在《反黑路人甲》這場谷胸挑逗王浩信一幕,相當搶fo。
除咗拍劇搞到身上傷痕纍纍,為演不同角色,近年高Ling再解放性感,在《反黑路人甲》這場谷胸挑逗王浩信一幕,相當搶fo。
《殺手》演清道夫,造型打扮花盡心思!
《殺手》演清道夫,造型打扮花盡心思!

為令師奶角色形態更神似,高 Ling專登增肥十磅,除了驚現巨躉,拍攝動作戲時身手亦變得遲鈍。據知情者透露:「拍動作戲始終唔係高 Ling拿手嗰瓣,加上佢身形大件頭,打起嚟睇落比較論盡,最慘係拍《 C9 》開工無耐,就成個撻低撞傷頭又整親盆骨,受傷仲要繼續開工,但因為撞擊力大影響到神經線,對眼睇嘢出現重疊,盆骨又成日痛,拍到難度高嘅動作戲就有陰影,令佢壓力好大,因為增肥之後,著上特工衫身形都顯肥,拍一個動作鏡頭,要拍六、七個 take導演先肯收貨,擦傷扭親已經係家常便飯!」話晒女人條腰好重要,今次傷及盆骨,其實高 Ling早在三年前於大馬拍劇,亦曾傷腰骨,至今舊患仍間中發作隱隱作痛,雖然醫生表示不會影響生育,但始終不可掉以輕心!今次再受傷,她亦接受了幾個月的治療!

《C9特工》要應付大量動作場面的高Ling,在街市首日開工因要企在滑板車上拍攝,不小心跣低撻親撞傷頭及盆骨要入醫院治療,之後有一段時間雙眼望嘢出現重影。
《C9特工》要應付大量動作場面的高Ling,在街市首日開工因要企在滑板車上拍攝,不小心跣低撻親撞傷頭及盆骨要入醫院治療,之後有一段時間雙眼望嘢出現重影。
在劇集《迷網》做女一,有唔少內心戲發揮,不過高Ling拍該劇,又畀電單車死氣喉「辣」燶小腿。
在劇集《迷網》做女一,有唔少內心戲發揮,不過高Ling拍該劇,又畀電單車死氣喉「辣」燶小腿。
近年劇接劇的高Ling,雖然表面風光,但其實早已壓力爆煲,18年拍攝《BB來了》時便因壓力過大出現「鬼剃頭」,「後尾枕」有個五蚊銀大的「禿洞」,要食西藥治療。
近年劇接劇的高Ling,雖然表面風光,但其實早已壓力爆煲,18年拍攝《BB來了》時便因壓力過大出現「鬼剃頭」,「後尾枕」有個五蚊銀大的「禿洞」,要食西藥治療。
17年到馬來西亞拍網絡電影《福二代》,拍攝時便因不小心跣腳跌倒撞落石塊令雙腳有多處瘀傷,之後要拍攝孭住鄭敬基跑步場面,又撞瘀尾龍骨。
17年到馬來西亞拍網絡電影《福二代》,拍攝時便因不小心跣腳跌倒撞落石塊令雙腳有多處瘀傷,之後要拍攝孭住鄭敬基跑步場面,又撞瘀尾龍骨。

視后對手強勁 蔡思貝搶視后

雖然拍到周身傷,不過今年高Ling有四劇出街,被指有機會在台慶頒獎典禮開齋攞獎,不過今年視后之爭對手依然強勁,暫時未有一部代表作的高Ling,搶視后又係陪跑,當中下月擔正兩套台慶重頭劇《踩過界II 》及《使徒行者3 》的蔡思貝,更加來勢洶洶,年初由她擔演的《機場特警》,收視平均有33點,暫是全年收視第二位。據知情者透露:「Sisley(蔡思貝)出道已經被讚演戲有天份,本來形勢大好,不過佢緋聞不斷搞到形象衰晒,三年前喺《踩過界》本來好有機攞視后,最後都只係攞到『最受歡迎電視女角色』,不過近年佢努力洗底,無綫亦要捧花旦上位,佢最近接咗個大型金飾廣告, TVB好睇重佢!今次佢好大機會跑出!」

每年都扮到靚一靚出席台慶頒獎禮的高Ling,多年來都係陪跑角色,在《萬千星輝頒獎典禮》至今仍未能零的突破。
每年都扮到靚一靚出席台慶頒獎禮的高Ling,多年來都係陪跑角色,在《萬千星輝頒獎典禮》至今仍未能零的突破。
之前姣出禍的蔡思貝,近年努力洗底,早前成功接拍金飾廣告。
之前姣出禍的蔡思貝,近年努力洗底,早前成功接拍金飾廣告。
早在17年已憑《踩過界》趙正妹一角奪《萬千星輝頒獎典禮》「最受歡迎電視女角色」的蔡思貝,11月播出的兩部台慶劇都有份演出,由她擔正的《踩過界 II》更大有機會在台慶頒獎禮搶灘。
早在17年已憑《踩過界》趙正妹一角奪《萬千星輝頒獎典禮》「最受歡迎電視女角色」的蔡思貝,11月播出的兩部台慶劇都有份演出,由她擔正的《踩過界 II》更大有機會在台慶頒獎禮搶灘。
演技超班的陳煒,18年憑《深宮計》奪「最受歡迎電視女角色」,今年再有暫是全年收視冠軍的《法證先鋒IV》爭女主角獎。
演技超班的陳煒,18年憑《深宮計》奪「最受歡迎電視女角色」,今年再有暫是全年收視冠軍的《法證先鋒IV》爭女主角獎。
倉底貨《十八年後的終極告白》成功刀仔鋸大樹,黃智雯演的女督察演技再被肯定。
倉底貨《十八年後的終極告白》成功刀仔鋸大樹,黃智雯演的女督察演技再被肯定。
黃翠如在《那些我愛過的人》演單親媽媽,角色性格多層次。
黃翠如在《那些我愛過的人》演單親媽媽,角色性格多層次。

入行初期靠阿媽接濟孝順女孤伶住酒店

雖然搶視后被截胡,不過高Ling近年備受無綫力捧,劇接劇工作冇停過,收入大幅增長,對她來說已經是事業轉捩點。13歲由南京來港的高Ling,曾與父母住在女人街的天台屋,父母在女人街擺檔做小販,加上兩個比她少七歲及十歲的細佬,多年來都由她供書教學,令高Ling更積極賺錢。據知情者透露:「初入行收入唔穩定,高Ling戶口長期得幾十蚊,要媽咪接濟,佢知道媽咪喺女人街擺檔辛苦,自己更加努力賺錢,呢幾年收入多咗,佢負責照顧兩個細佬啲使費,仲成日鼓勵兩個細佬參加遊學團,或者出外旅行增廣見聞,開支都係佢畀,最大心願就係買樓改善屋企人生活。」15年高Ling終成功買樓做業主,近期她揚言想買多層樓給阿媽收租,出名孝順的她,因新冠肺炎疫情早前更搬住酒店,自我同屋企人隔離。日前,高Ling在電視城收工,駕車返回租住的將軍澳酒店,在鄰近的商場買咖啡及湯粉返上酒店房做宅女,永遠將家人放第一位的高Ling,獎金獎品畀佢揀,相信都是現金喇!

高Ling父母在女人街擺檔售賣首飾,曾與父母居住天台屋的她,入行最大心願是希望賺錢令父母生活舒適,15年終於以五百多萬首次置業,買入油塘兩房中層單位畀家人居住。
高Ling父母在女人街擺檔售賣首飾,曾與父母居住天台屋的她,入行最大心願是希望賺錢令父母生活舒適,15年終於以五百多萬首次置業,買入油塘兩房中層單位畀家人居住。
Ling早前貼出媽咪年輕時照片,母女如同餅印。
Ling早前貼出媽咪年輕時照片,母女如同餅印。
聽教聽話的高Ling,近年劇接劇機會不斷,四劇連播之外,正在趕拍的《七公主》,又紮胸做貨車司機求突破。
聽教聽話的高Ling,近年劇接劇機會不斷,四劇連播之外,正在趕拍的《七公主》,又紮胸做貨車司機求突破。
有份參演邵氏網劇《非凡三俠》。
有份參演邵氏網劇《非凡三俠》。