os_feat_1150_chu

黐32歲朱晨麗上位 31歲何廣沛被斷正摸上香閨短聚

真亦假時假亦真,17年合拍《超時空男臣》被傳撻著的朱晨麗和何廣沛,多次約會斷正但依然死口唔認拍拖,但日前就被本刊斷正,駕車到朱晨麗位於將軍澳的早前到新 Parkside寓所,上樓同女友短聚兩小時先離開。愛得咁sweet,幾時堂堂正正公開戀情先?

撰文、圖片:東方新地

記者撞破何廣沛摸上朱朱香閨短聚

堅持唔肯認愛,但原來兩人戀情早已升溫,何廣沛早就入埋朱朱屋做半個男主 人,經常到朱晨麗的將軍澳寓所短聚。據知情者透露:「 朱朱屋企人喺晒內地,媽咪只係間中先會嚟香港探佢,一個人住有時好悶,所以一有時間,佢就會叫 Matthew 上佢屋企陪佢,有時 Matthew 會買埋外賣,間中兩個又會一齊整吓嘢食,喺屋企過二人世界不知幾 Sweet!」

戀情愈燒愈 熱,近期收工後 朱晨麗都會趕返家 等男友,寓所已成 二人密會私竇。
戀情愈燒愈熱,近期收工後朱晨麗都會趕返家等男友,寓所已成二人密會私竇。
早前到新城電台做完訪問,朱晨麗即乘七人車返回將軍澳 Parkside寓所。
戀情傳足三年,日前何廣沛就被本刊斷正,獨自駕駛其Audi座駕摸上朱 晨麗屋企,上樓同女友短聚兩小時先離開。
何廣沛駕車直駛入朱晨麗寓所Parkside停車場,早已熟晒環境,相信是該處到訪常客

日前,何廣沛便被本刊斷正,獨自駕車到女友的將軍澳 Parkside 寓所,鬼祟上樓同朱晨麗短聚兩小時,盡興後獨自駕車離開,一個人到銅鑼灣借衫,相信是為工作準備,期間又密密 send 短訊,唔知係咪繼續隔空同女友傳情,借完衫後他就駕車返回自己的鰂魚涌寓所。

離開停車場時,何廣沛一直手機不離手,唔知係咪同女友滙報行蹤!
上女友屋企短聚兩小時後,何廣沛獨自離開去銅鑼灣借衫。
然後駕車返回自己鰂魚涌寓所。

「 翻版陳法拉 」朱晨麗跑出 買樓一炮過付清

有愛情滋潤的朱晨麗,事業愈戰愈勇,近期在新劇《多功能老婆》演活有義氣的傻大姐角色,不時大晒事業線露澎湃身材,演出夠放被網民激讚!其實早在11年參選香港小姐,朱晨麗已被譽為是「翻版陳法拉」,撞正陳法拉離巢,她亦火速受無綫力捧擔演唔少大製作如《名媛望族》、《衝上雲霄 2》等,17年奪「最佳女配角」時,她就喊住話:「希望內地成長,來香港的小朋友,可以創出一片天!」事實上留港發展短短幾年,她便已經富貴做業主,14年以700萬購入將軍澳 Parkside 兩房單位,更有本事翌年一炮過付清按揭款項,相當有米!

近年備受無綫力捧,機會不斷的朱晨麗拍劇亦相當之博。
在新劇《多功能老婆》一場泳池寸爆小三陳庭欣戲,朱朱就以比堅尼泳衣上陣,雖然下身有絲巾遮掩,但上圍峯湧搶晒鏡,胸贏身旁密實陳煒!
朱晨麗14年 以700萬購入將軍澳Parkside一個兩房單位自住,翌年更一炮過付清按揭,備受無綫力捧的她,財來自有方!

何廣沛黐女友有運行 新劇首度升呢做男一

當旺女神近年更帶挈埋男友何廣沛行運,在無綫機會不斷事業穩步上揚,有女友力撐,何廣沛近期在新劇《大醬園》首度升呢做男一,同緋聞女友朱晨麗打正名堂奉旨談情,先後兩年在無綫《 萬千星輝頒獎典禮 》奪獎的他,今年更被捧為是「 最佳男配角 」黑馬。

相隔三年,兩人今年再合體拍新劇《大醬園》,劇中更做埋夫妻,拍住開工寧舍 sweet !

據知情者透露:「 唔知係咪女友好旺佢,黐咗朱朱之後 Matthew 即刻行晒運,就算之前做男二,已經拍到唔少暖男好角色,監製見佢同朱晨麗情侶檔受歡迎,新劇《大醬園》搵佢兩個孭飛,Matthew 第一次擔正男一,愈嚟愈受歡迎,仲好有攞獎運,上年捧走咗「飛躍進步男藝員」獎, 今年佢喺《 白色強人》嘅醫生角色又好討好,大家都睇好佢會攞最佳男配角!」 有女友錫住,識得把握機會的何廣沛,上位話咁易!

《超時空男臣》令二小姐同小冬戲假情真,更令二人孖住上位,17年兩人在《萬千星輝頒獎典禮》同時獲獎,男方同蕭正楠、曹永廉一齊攞「最受歡迎電視拍檔」,朱晨麗更勇奪「最佳女配角」。
上年憑《跳躍生命線》暖男救護員成功上位,何廣沛更奪得 《萬千星輝頒獎典禮》「飛躍進步男藝員」,今年以《白色強 人》有機再下一城,被喻為是「最佳男配角」黑馬。