薛凱琪現少女感覺、陳靜變文青女神!齊抄女星瀏海造型超減齡
髮型來來去去都係嗰幾種玩法,長或短,直或鬈,瀏海定係冇瀏海。輕熟女長髮玩得多,不如學吓呢幾位女星留蔭換個look,真係有效減齡又添仙氣!
撰文、圖片:東方新地
薛凱琪
初出道時大眼甜美人見人愛,眨吓眼其實薛凱琪已經39歲,睇唔出呢?尤其最近變髮剪了瀏海,可愛少女感覺番晒嚟。
陳嘉寶
已經成為兩女之母,陳嘉寶由出道至今嘅齊蔭髮型多年來都冇乜變過。其實眼大大又清純,瀏海又的確最襯 Anjaylia。
陳靜
出道時以天使面孔魔鬼身材稱霸𡃁模界,近日陳靜 DaDa 突然變髮,齊蔭短髮唔止青春啲型格啲,形象由𡃁模變成文青女神。
蔣家旻
睇住馬子妮大,睇住蔣家旻由小女孩到剛剛過了31歲生日變成輕熟女,蔣家旻最近都剪番瀏海,感覺彷似回到過去。