os_feat_1149_ashley

19歲長腿林愷鈴陪阿媽返教會 56歲失婚龔慈恩與女同行

56歲龔慈恩在1999年下嫁細5歲演員林煒,兩人之後在2000年誕下長女林愷鈴和細仔林卓毅,一家四口樂也融融。但早前龔慈恩接受訪問指,已經同林煒結束20年婚姻。龔慈恩19歲大女林愷鈴生得亭亭玉立,被喻為最靚星二代之一,靚女又孝順,無老公依然活得精彩。

撰文、圖片:東方新地

龔慈恩回流香港婚姻警號早已響起

三個月前,因為林煒同台灣女總裁戀情曝光,驚爆龔慈恩已經同老公林煒分居多年,一早已經結束20年婚姻。講開成件事又唔係話咁突然嘅,近年龔慈恩由加拿大回流同一對仔女居住,一家四口昔日齊齊整整畫面不復在,其實一早透露夫妻各行各路端倪。

雖然正式出咗道,不過剛剛入讀第一 志願港大建築系嘅林愷鈴都係學業為 重,本來已經係最靚星二代之一,做 咗港大生後,又多咗股仙氣喎!
雖然正式出咗道,不過剛剛入讀第一志願港大建築系嘅林愷鈴都係學業為重,本來已經係最靚星二代之一,做咗港大生後,又多咗股仙氣喎!

19歲林愷鈴孝順又靚女 放假陪阿媽返教會

對外人可能係新聞,對龔慈恩同仔女嚟講,其實習以為常,畢竟三仔乸回港生活都好幾年。早前,就見到龔慈恩一如以往同囡囡林愷鈴孖公仔返完教會步行回家,而平時一齊行動嘅細仔林卓毅就唔見人,唔知係咪約咗朋友仔有自己活動呢?

周日返教會係龔慈恩同一對仔女每周嘅指定動作,不過呢日就唔見16歲囝囝林卓毅身影。
等候過馬路期間,龔慈恩不斷篤手機,似乎好busy。