os_feat_1151_jinny3

27歲吳若希冧掂澳門闊少Alex奉女成婚 正值搵錢黃金期放棄追仔

2016年7月吳若希高調宣布跟澳門闊少Alex(何兆鴻)拍拖,不時放閃晒蜜遊照,足跡遍布台灣、布吉、日本、泰國,兩個半月後突然在IG宣布分訊,未幾再留言「有咗三個月、 結婚會通知大家」,原來未婚大肚逼住停工,秘密在澳門養胎等生。事隔2年,原本一直想趁後生追多個仔嘅Jinny最近無再提過,背後究竟咩原因?

撰文、圖片:東方新地

吳若希人前與Alex常放閃人後同「十哥」情誼未變

吳若希誕下女兒Giselle(乳名淼淼)後半年與Alex正式簽紙結婚,成為人妻後的她繼續四出惹火頭,把口仲唔收成日公開數臭老 公,但又不時在社交網大晒幸福片段,而表面上Alex對吳若希亦非常包容與忍讓,甚至肯陪老婆出席公開活動,人前人後都非常恩愛。

結婚兩年,吳若希港女性格未變,經常在社交網鬧 老公Alex
結婚兩年,吳若希港女性格未變,經常在社交網鬧老公Alex
吳若希同時亦會和老公Alex晒恩愛
今年雙十節是吳若希與 Alex 結婚兩周年,她高調大晒攬實老公的合照放上社交網,表面上夫妻恩愛熱情無減。

十哥體諒 keep住聯絡

但原來冧得掂老公的吳若希,結婚生女後與4年前傳過緋聞嘅地產猛人十哥的情誼依然未變,知情者說:「突然大肚要結婚係一個意外,Jinny覺得自己喺嗰段時間犧牲咗好多嘢,為咗養外家,佢點都要繼續搵錢,而十哥亦好體諒同原諒咗佢,佢哋keep住有聯絡,繼續有求必應。至於老公Alex,其實佢長駐澳門,又要打理生意,間中先會留喺香港,而囡囡Giselle因為喺香港讀幼稚園,所以Jinny同媽咪、細佬一齊住喺何文田,Giselle主要係由婆婆照顧。」

四年前同佢傳緋聞嘅十哥林棣權親自揸車去將軍澳電視城接放工,吳若希即刻飛撲埋去。
19 歲出道搵錢養家的吳若希,婚前與母親及年幼的細佬住在何文田豪宅,現 在因囡囡 Giselle 在港讀書,繼續與母同住。
去年吳若希被影到帶女面試名校,女兒最後順利入讀九龍區名幼稚園,吳若希不用開工會親自去學校接放學,湊女教女一腳踢。
社交網有不少母女外遊合照,可見吳若希甚為愛錫女兒。
本周日( 22 日)是冬至,吳 若希竟與囡囡二人外遊過節,在社交網出 po 透露食壽司做冬。

奉女成婚損失慘重 搵錢黃金時期煞停追仔

Alex長駐澳門,得閒過大海敍天倫,吳若希左右逢源不愁寂寞,在港又有十哥照應,難怪近年再沒提及想生第二胎,知情者說:「Jinny生完個女冇耐都想快啲追 個仔,因為後生身體會快啲復原,不過最近佢冇再提喇,佢話想趁後生賺多啲錢先,生仔遲啲先講,Jinny唔係蠢嘅人,兩年前喺最紅時走去生女,損失慘重,佢知道女人最值錢係青春,依家係搵錢黃金期,除非又有意外啫!」吳若希老公Alex係生意人在澳門擁千萬豪宅,鬥家底就肯定唔夠十哥雄厚,不過二人結婚兩年有個兩歲半的得意囡囡,吳若希繼續不避嫌與十哥來往,情誼果然夠晒深厚!

女兒Giselle出世,為吳若希與老公Alex增添不少歡樂,今年4月囡囡2歲生日更一家三口晒幸福, 為了繼續搵錢,吳若希已煞停追仔計劃。
產後返無綫再搏殺,吳若希拍劇又做主持,最近在新劇《多功能老婆》 的演出,更獲提名台慶頒獎禮「最佳女配角」,演技首獲認同。
吳若希與同門師妹菊梓喬盛傳為爭做一姐不和,今年一月菊在《勁歌金曲頒獎禮 2018 》勇奪女歌星獎,吳若希浮誇大笑13 秒祝賀,之後更在訪問講「造畀佢都應該啦」,近日有指吳若希更直接拒絕同菊梓喬合作,唔想再惹是非。

下一頁:獨家!已婚吳若希見「十哥」林棣權興奮撲前 見老公Alex表現勁冷淡