feat_1157_24

27歲有米何雁詩倒貼嫁36歲鄭俊弘 搲爆贊助誓要豪一次

鄭俊弘17年背未婚妻撻著何雁詩,被封賤男形象跌谷底,戀情不被睇好,不過二人愈愛愈高調,今年元旦日(1月1日),何雁詩在社交網上載婚紗照自爆嫁得出,準備做鼠年新娘。出身有米家庭的何雁詩,表示會去美加酒莊搞婚禮,話就話一切從簡,都要請埋一班親戚及身邊友好,婚禮開支再加機票 住宿,埋單條數都唔嘢小,鄭俊弘儲蓄多年的老婆本都應該搞唔掂,不過娶到何雁詩就有運行,為了風光大嫁,誓要有個難忘婚禮,新娘倒貼在所不計,邊個話做小三冇好結果㗎?

撰文、圖片:東方新地

鄭俊弘、何雁詩自爆求婚過程

鄭俊弘與何雁詩拍拖兩年半,期間傳過感情有阻滯,何雁詩更被指在外國冧鬼仔,不過無損二人感情,現在更修成正果,早前鄭俊弘在蘇梅島求婚成功,何雁詩冧爆say yes,元旦日何雁詩在社交網公布婚訊後,二人每次出席公開活動都興奮大講年底婚禮籌備的進度。

早前在台慶頒獎禮上,何雁詩翹實鄭俊弘行紅地氈進場,被指預演婚禮。
早前在台慶頒獎禮上,何雁詩翹實鄭俊弘行紅地氈進場,被指預演婚禮。
何雁詩在社交網上載鄭俊弘當日在蘇梅島 求婚的照片,自爆當晚二人正品嘗燭光晚 餐,男友突然拿出戒指求婚。
何雁詩在社交網上載鄭俊弘當日在蘇梅島 求婚的照片,自爆當晚二人正品嘗燭光晚 餐,男友突然拿出戒指求婚。
成功後,一對準新人和何雁詩父母及友人舉杯合照,準岳父何爸爸更笑到見牙唔見眼。
成功後,一對準新人和何雁詩父母及友人舉杯合照,準岳父何爸爸更笑到見牙唔見眼。

何雁詩恨嫁 準新娘話晒事

其實27歲的何雁詩一直恨嫁,鄭俊弘求婚成功後她即著手搞婚禮,未婚夫搵幾多、老婆本有幾多?何雁詩當然一清二楚,據知籌備婚禮的主要開支都由女家負責,而鄭俊弘只努力搵了唔少贊助,慳得就慳。知情者透露:「Step(何雁詩)自細對婚姻有憧憬,好命嘅 一生人嫁一次,婚禮梗係要搞得好好睇睇,再加上屋企有米,父母錫到燶,絕對唔可以失禮,不過Step都知Fred(鄭俊弘)經濟能力有限,最後佢哋決定去美加搵個酒莊搞,有睇頭 又不失浪漫。成個婚禮預算一定過百萬,因為要請埋男女家親戚同一班真係要好嘅朋友,Step拍晒心口叫Fred唔使擔心,仲話一定會搞掂。」

何雁詩身穿似足婚紗的晚裝,戴住超過一卡的求婚鑽戒接受訪問,面露幸福之情。
何雁詩身穿似足婚紗的晚裝,戴住超過一卡的求婚鑽戒接受訪問,面露幸福之情。
今年元旦日,何雁詩在社交網上載多張婚紗照,自爆將於年尾與鄭俊弘結婚,成為鼠年新娘。
今年元旦日,何雁詩在社交網上載多張婚紗照,自爆將於年尾與鄭俊弘結婚,成為鼠年新娘。
據知鄭俊弘為減省結婚開支,四圍𢱑贊助,就連影婚紗相都係,由頭到腳都幾乎有贊助。
據知鄭俊弘為減省結婚開支,四圍𢱑贊助,就連影婚紗相都係,由頭到腳都幾乎有贊助。

搞婚禮易嘈交二人貌合神離撐枱腳

搞婚禮絕對係考驗一對準新人嘅時候,意見不合嘈交就一定會有,而鄭俊弘與何雁詩女尊男卑亦唔係今時今日嘅事,日前本刊記者見鄭俊弘在尖沙咀閒逛然後會合何雁詩一齊食晚飯,離開時見二人貌合神離,非常冷淡,希望只係籌備婚禮攰得滯啦!

這日鄭俊弘獨自在尖沙咀鬧市現身,先閒逛韓國小店。
這日鄭俊弘獨自在尖沙咀鬧市現身,先閒逛韓國小店。
然後到一間日本料理會合何雁詩食晚飯。
然後到一間日本料理會合何雁詩食晚飯。
去年完約無綫後,何雁詩唔再續約,專注打高爾夫球並代表香港出賽,這日一身高球員打扮,應該是剛練完波。
去年完約無綫後,何雁詩唔再續約,專注打高爾夫球並代表香港出賽,這日一身高球員打扮,應該是剛練完波。
一對準新人鏡頭前不時晒恩愛,但鏡頭外卻各自各行,何雁詩仲面燶燶,唔通為籌備婚禮意見不 合?
一對準新人鏡頭前不時晒恩愛,但鏡頭外卻各自各行,何雁詩仲面燶燶,唔通為籌備婚禮意見不 合?