feat_1154_au

27歲歐鎧淳移情別戀轉性向 胡子彤避談前度心情未平伏

都2020年,咩時代呢?攣又好直又好,love is love,勇敢愛就值得被祝福!不過一邊祝福,一 邊都因為過往歐鎧淳同胡子彤外形太相襯曾經太甜蜜,八姨太始終都因為事情來得太突然而覺得惋惜。更何況歐鎧淳失驚無神咀嘴女籃球員前冇耐,至撞見到佢同舊愛胡子彤恩愛撐枱腳呢!

撰文、圖片:東方新地

歐鎧淳、胡子彤冰室拍拖醫肚邊講邊笑最後恩愛

真係話分就分事前一啲預兆都冇,一向高調拍拖、形影皆雙,驚爆分手前冇耐,先見到歐鎧淳同胡子彤一齊去冰室拍拖醫肚。兩個坐埋一邊黐到實一實,你一言我一語一邊講一邊笑,有默契甜 到漏咁樣,邊估到唔夠兩個月,女方就移情別戀仲轉埋性向㖭!

歐鎧淳有新戀情之所以驚爆, 皆因同拍拖三年嘅男友胡子 彤完全冇分手跡象,而分手 前冇耐二人仲糖黐豆撐枱腳。
歐鎧淳有新戀情之所以驚爆,皆因同拍拖三年嘅男友胡子彤完全冇分手跡象,而分手前冇耐二人仲糖黐豆撐枱腳。
席間歐鎧淳不時睇手機,見到有趣嘢第一時間向男友分享,胡子彤亦由心底裡笑出來,默契笑點都一 樣,點睇都咁恩愛。
過往二人愛得甜蜜,經常被影到拍拖行街食飯。

歐鎧淳IG宣布分手 移情別戀轉性向

同甲一女籃球員倪碧賢爆出「SheShe」戀情後,歐鎧淳喺IG宣布同拍拖三年嘅胡子彤已分手一段時間。爆出已移情同性籃球員後出席活動嘅歐鎧淳看來心情不俗,未有正面回應感情事,但指 2019年「有好有壞」來形容,默認已投入新戀情。

游泳健將配棒球員,旁人眼中襯到絕嘅一 對,可惜一切已成往事。
去年尾突然爆出歐鎧淳同甲一女子籃球員萬人迷倪碧賢嘅親熱照,歐鎧淳才承認跟胡子彤已經分手。
同樣係運動員嘅倪碧賢,係甲一女子籃球隊中嘅萬人迷,有唔少粉絲㗎!

胡子彤未敢同舊愛聯絡 預備去旅行散心

上周四(9日)胡子彤出席ViuTV新劇探班時承認已經冇同舊愛聯絡,更大方送上祝福:「知道佢要集訓準備奧運比賽,希望佢有好成績,祝福佢開心。」失戀嘅胡子彤心情明顯未平伏,更直言未敢聯絡舊愛,又不停迴避談及前度,並轉移話題話會留港同家人過農曆新年,之後想去旅行沉澱一下。

胡子彤出席ViuTV新劇《地產仔》探班時,笑容牽強,但仍大方向舊愛送上祝福。