os_feat_1150_grace

28歲人妻陳凱琳紮紮跳少女味濃 著泳衣show白滑玉背

陳凱琳(Grace)可能係近年最幸福嘅香港小姐冠軍,22歲當選港姐冠軍,24歲認愛與鑽 石級筍盤小生鄭嘉穎拍拖,27歲結埋婚生埋仔,榮升媽咪以後,都仲係手腳纖幼同做女時一 樣咁索!未夠30歲無論事業、愛情發展都一帆風順,仲唔係人生勝利組!

撰文、圖片:東方新地

陳凱琳開工周街紮紮跳 28歲仍少女味十足

日前就見到Grace同經理人開完工一齊行去攞車收工,全程紮紮跳、表情多多又愛 笑,神情可愛仲少女味十足,一啲都唔似人妻兼人母囉!見Grace行經超市匆匆兜咗一個圈 就趕緊返歸,明顯急不及待要見寶貝仔Rafael啦!

 完仔火速收身復工,形象討好嘅陳凱琳 亦比以往更受品牌歡迎,日前又扮得靚靚 開工。
生完仔火速收身復工,形象討好嘅陳凱琳亦比以往更受品牌歡迎,日前又扮得靚靚開工。
雖然榮升人妻人母,其實Grace都係得嗰 28歲女,企喺街頭揮手大笑,表情誇張似足少女。
雖然得天獨厚,但性格依然討好又平易近人, Grace拍住經理人邊行邊傾,相處融洽。
途經見到商場靚靚聖誕燈飾布置,Grace表現興奮並用手機影低,充滿童真。

與鄭嘉穎享受家庭樂 大晒白滑玉背

的而且確,Grace同老公鄭嘉穎超錫 Rafael,未夠一歲人仔已帶佢四圍去玩見識世界。日前兩公婆又帶Rafael去泳池玩水,見嘉穎將囝囝抱起拋高,Grace又不時攬實錫錫,溫馨到痹,一家三口仲玩得非常盡興㖭!

日前Grace同老公鄭嘉穎帶同十個月大囝囝Rafael去泳池玩水,Grace話好enjoy同囝囝相處嘅時刻,但每次都會好攰囉!
回復苗條身材嘅Grace ,著上露背泳衣上陣,大晒白滑玉背。
嘉穎同囝囝開心玩水,兩父子互動畫面十分溫馨。