feat_1164_27

30歲林作唔做大狀頻頻轉工 富貴老母撐腰日日玩膠

林作自認頭腦轉數快兼口才了得,深信自己做邊行都會有出頭,最近仲刻意執正啲扮專業,依然被指周身刀無張掂,近期新搞作係轉行sell保險,不過林作有嘅係無限自信同七呎厚的面皮,啱晒做保險,祝佢好運!

撰文、圖片:東方新地

林作百足咁多爪 唔做大狀做保險才俊

現年30歲的林作身兼多職,擁有大律師牌的他,是大狀清洪徒弟,曾任兩年執業大律師,又曾半隻腳踩入娛樂圈,客串過網絡電影,演過舞台劇。近年加入遵理做補習老師,又是夢想沙龍娛樂文化有限公司旗下藝人,亦是主板上市公司汛和(1591)的執行董事,處理上市公司法規同埋做策略顧問,就連KOL與移民專家都做埋,現在多個保險經紀身份,真是分身不暇。

執業大律師
執業大律師
藝人
藝人
補習老師
補習老師

疫境當前,各行各業都大受影響,曾經是大律師的林作,繼前度女友、「十優港姐」麥明詩放棄演藝工作,轉行做OL後,他亦有新搞作,在補習社停業期間,宣布加入保險行業。轉行絕對唔係講玩,做保險要考牌要對客人負責任,而林作宣布加入保險界後,有不少人問他是否受刺激?他日前拍片解釋竟說:「其實有兩單嘢,近年我女神余香凝同咗保險才俊一齊,令陳家樂十分傷心,令我意識到原來保險才俊係咁犀利。另一單係我小學女神梁靖琪,嫁咗畀細佢7年嘅保險才俊,令我意識到原來保險才俊係咁威,竟然係咁,我都好想好似佢哋咁。」

林作高調宣布轉行做保險,其中一個賣點是律師、保險專業雙拼於一身,仲話保障客戶的下一代變富二代。
林作高調宣布轉行做保險,其中一個賣點是律師、保險專業雙拼於一身,仲話保障客戶的下一代變富二代。
日前林作在社交網貼出請人的告示,想找一名有志之士加入他的團隊,更寫明入職要求很簡單,只需要有一至兩年經驗,更誇口說在他領導下可以創高峰,年薪可達幾十萬。
日前林作在社交網貼出請人的告示,想找一名有志之士加入他的團隊,更寫明入職要求很簡單,只需要有一至兩年經驗,更誇口說在他領導下可以創高峰,年薪可達幾十萬。

富貴老母撐腰 唔怕開唔成單

貫徹無厘正經冇句真嘅作風,林作近日穿上西裝扮專業拍照放社交網,仲未學行先學走,公開招聘下屬,組織自己的保險團隊,據知情者透露:「林作係食腦之人,佢把口𠺘過油,真係氹到吓人,而sell保險絕對要有口才,呢方面佢有凸,不過專業同說服力就欠奉囉!唔緊要,佢有個富媽媽喺背後撐腰,再叫啲親友幫襯,開單一定唔成問題,不過要成功同長久發展就要靠佢自己努力去經營喇!」

身為獨仔,林作有富媽媽支持,住緊半山區麥當勞道 3,400呎豪宅,有錢就是任性,生活無憂當然做乜都得。
身為獨仔,林作有富媽媽支持,住緊半山區麥當勞道 3,400呎豪宅,有錢就是任性,生活無憂當然做乜都得。

30歲林作唔做大狀頻頻轉工  富貴老母撐腰日日玩膠

林作從來唔理外界點睇佢,身為專業人士卻經常在社交網不顧形象,早前他展示自己出晒疹的背脊,仲話自己因為冇錢身痕所以要搵錢。
林作從來唔理外界點睇佢,身為專業人士卻經常在社交網不顧形象,早前他展示自己出晒疹的背脊,仲話自己因為冇錢身痕所以要搵錢。
新冠肺炎肆虐,林作留家不忘自娛,逼愛犬一齊戴口罩,古怪行徑被指愛刷存在感。
新冠肺炎肆虐,林作留家不忘自娛,逼愛犬一齊戴口罩,古怪行徑被指愛刷存在感。

關鍵詞
林作