os_feat_1150_wing3

30歲黃心穎賤價續約求無綫放生 觀眾唔受狂轟反胃

淫完人夫嘅黃心穎,除咗失去滿分男友馬國明,事業亦都直線插水,早前避走美國8個月,近日竟然高調回港,有傳係因為無綫開綠燈,佢有機會翻身,所以明知會受到唾罵都要返港搏一鋪,喺機場喊晒口搏同情。不過網民似乎唔多受,早知今日何必當初呢。

撰文、圖片:東方新地

黃心穎淫人夫人財兩失累全家避走美國

一子錯,滿盤皆落索。今年4月發生「安心事件」,黃心穎錯在淫人夫,結果賠上了多年來的努力,形象毀於一旦,而男友馬國明亦痛定思痛與她斬纜,人財兩失,面對風頭火勢,黃心穎飛美國逃避現實,亦因為牽連甚廣,其有份參演的多套劇集亦被抽起或易角,無綫損失慘重,黃心穎自食其果唔抵可憐。

黃心穎人盡可夫,雖然有個滿分男友馬國明,仍發姣不斷,最後人又冇,更賠上了大好前途。
黃心穎人盡可夫,雖然有個滿分男友馬國明,仍發姣不斷,最後人又冇,更賠上了大好前途。
今年4月的「安心事件」,揭發黃心穎與安仔有染。
上周六(14日) 早上7時許,黃心穎由美國返抵香港,步出禁區時見她笑住行,見到遠處在等她的記者即抿嘴忍笑。
愈行近記者,黃心穎個樣開始變,話晒出事後第一次見記者,唔扮慘點得?

老戲骨帶挈《牛下女高音》重見天日厚顏心穎解凍有望

闊別香港8個月,有傳黃心穎有意在美國重新開始,甚至轉行做金融,不過早前《牛下女高音》一劇重見天日,卻為她帶來新的契機。據知情者透露:「《牛下》有得播,其實係因為黃心穎佔戲唔多,高層睇完覺得套劇拍得好,唔應該嘥,點知出嚟見外界都唔係插得黃心穎好勁,所以就覺得可以藉住呢次機會試吓幫佢解凍。」

黃心穎出事後,《牛下女高音》本來一度被抽起唔播,不 過上月突然解禁,據知黃心穎因為佔劇不重,劇情主要圍繞King Sir鍾景輝及其他資深演員,所以無綫才放行。
見《牛下》播出後有反應,黃心穎亦在社交網試水溫,繼而出盡力為自己返港鋪路。
黃心穎一個累全家,與她合作多套劇的張振朗首當其衝被連累得最慘。

無綫開綠燈播新劇 黃心穎賤價續約求翻身

知情者續指:「有無綫開綠燈,黃心穎𢱑爛塊面,明知會受到唾罵都要返港。其實呢段時間黃心穎都冇放棄過香港市場,佢一直keep住跪求公司原諒,話自己會洗心革面唔會再錯,仲發晒毒誓唔會再亂搞男女關係,而且仲主動提出約滿後會以賤價續約,以後聽晒公司話,要行就行要企就企。件事已經過咗8個月,無綫諗住博一博,希望大家對黃心穎冇咁憎恨,嚟緊又會播《丫鬟大聯盟》試反應,黃心穎係女主角,所以就幫佢鋪路返香港,等大家接受番佢。」

眼見無綫逐步開放被抽起的劇集,黃心穎亦打蛇隨棍上,有傳她向高層提出會以賤價續約,為求換來公司放生的機會。
《丫鬟大聯盟》將於月尾出街,有指無綫乘勢救劇也救人,試水溫令黃心穎出雪櫃,劇中另一女主角湯洛雯更雀躍表示:「黃心穎真的回港了,可以幫忙宣傳一下《丫鬟大聯盟》,拍了一年多,是我們努力的成果。」

事實上,無綫近月的舉動真的有意放生黃心穎,播完《牛下女高音》,再播《丫鬟大聯盟》,不過另一套《堅離地愛堅離地》就只在馬來西亞播出,原 來是因為黃心穎在《堅離地》中的角色非常姣,若在香港播出,恐怕會令觀眾對其反感加深。

黃心穎高調回歸,觀眾反應一面倒,狂鬧她小三死性不改,甚至見到佢都唔開胃。
而她仍有一套劇《堅離地愛堅離地》 在港未能解封,據知是因為劇中的她姣到出汁,怕觀眾對她憎恨加深。