feat_1192_18

30歲JW被拖婚硬攻歌影視 加簽經理人合約雙線發展

四年前撻著12億卓悅太子爺葉韋彤(Tarzan),JW(王灝兒)已一副唔憂做心態等做豪門少奶,工作量少之又少,全副精神融入男友富貴生活圈子,不過,拍拖四年男友未有脫單計劃,至今婚期冇著落,JW惟有女人當自強,去年八月宣布加盟星夢娛樂,硬攻歌影視三棲!最近JW指自己已跟TVB加簽經理人合約,正式開始演員生活!

撰文、圖片:東方新地

JW被億萬男友拖婚硬攻歌影視 加簽經理人合約接劇拍

JW加入星夢後氣勢如虹,除了年底在頒獎禮搶獎,更有意拍電影,近日指自己已加簽經理人合約,歌視同時發展。至今JW已有兩套劇完成拍攝,分別是《逆天奇案》及《欺詐劇團》,等待播映。原本有傳JW會在《欺詐劇團》擔正女一,無綫為捧她更巴閉搵金牌監製潘嘉德回巢操刀,不過當提及男女主角人選,監製德哥卻直言:「對燈發誓,我冇份揀主角!」最終JW只擔任劇中配角,主角落實為蔣家旻。但睇嚟備受無綫力捧的JW,將來有機會可以跳過監製揀蟀一環。

JW與卓悅太子爺葉韋彤(Tarzan)經常人前放閃,拍拖四年屢傳婚,不過一直只聞樓梯響,原來Tarzan仍享受單身,加上表明想專注事業先,令JW至今未有婚期。
JW與卓悅太子爺葉韋彤(Tarzan)經常人前放閃,拍拖四年屢傳婚,不過一直只聞樓梯響,原來Tarzan仍享受單身,加上表明想專注事業先,令JW至今未有婚期。
出道十年的JW,15年離開黎明A Music轉到小型唱片公司發展,亦開始放慢演唱步伐,近年幕前演出不多,一副唔憂做姿態。過去五年最大Project,是18年1月才舉行首個紅館個人演唱會。
出道十年的JW,15年離開黎明A Music轉到小型唱片公司發展,亦開始放慢演唱步伐,近年幕前演出不多,一副唔憂做姿態。過去五年最大Project,是18年1月才舉行首個紅館個人演唱會。
15年過檔小型唱片公司 ,推出歌曲〈矛盾一生〉在網上大受歡迎,17年與坤哥合唱〈原來只因深愛著〉,之後無以為繼。
15年過檔小型唱片公司 ,推出歌曲〈矛盾一生〉在網上大受歡迎,17年與坤哥合唱〈原來只因深愛著〉,之後無以為繼。
去年底客串無綫劇《逆天奇案》,突然事業心返晒嚟!
2019年客串無綫劇《逆天奇案》,突然事業心返晒嚟!

同卓悅太子爺葉韋彤(Tarzan)拍拖四年打得火熱的JW(王灝兒),近年可謂優哉游哉,經常做跟得女友陪男友出入馬場及生意應酬,不時在社交網分享同男友的家庭生活放閃,以為她快嫁人上岸,但原來JW太子爺男友仍然享受單身,至今未有結婚計劃,想升呢富貴人妻冇著落的JW,惟有寄情工作。據知情者透露:「同Tarzan(葉韋彤)拍拖之後,呢幾年JW已經冇乜事業心,寧願爭取時間陪男友,Tarzan出去生意應酬JW亦跟到實,為咗冧Tarzan又學整嘢食同陪打乒乓波,仲行埋奶奶政策,成日傍實未來奶奶出入,成個新抱仔咁款,明眼人都睇出佢有顆恨嫁嘅心,不過Tarzan就唔係咁諗,寧願同JW過吓同居生活先,搞到長期倚賴男友嘅JW,耐咗都覺得冇乜安全感,呢排仲好積極話要再衝事業㖭!」

同卓悅太子爺拍拖生活優哉游哉,經常陪男友出入馬場,早已學定做豪門新抱。
同卓悅太子爺拍拖生活優哉游哉,經常陪男友出入馬場,早已學定做豪門新抱。
JW早已融入男友的家庭及生活圈子,今年農曆大年初一,JW在男友豪宅與男友一家團拜。
JW早已融入男友的家庭及生活圈子,今年農曆大年初一,JW在男友豪宅與男友一家團拜。
經常陪男友打乒乓波。
經常陪男友打乒乓波。
近年工作量不多,Hea爆的JW不時出埠旅遊享受生活。
近年工作量不多,Hea爆的JW不時出埠旅遊享受生活。
不時在男友豪宅搞party,早前更舉行泳池寵物派對。
不時在男友豪宅搞party,早前更舉行泳池寵物派對。
得閒拍拖行山,捕獲發哥。
得閒拍拖行山,捕獲發哥。

雞仔聲難入咪、外形條件限制多

八月初JW宣布加盟星夢娛樂,入無綫不止為再攻樂壇,更踩過界入埋電視圈。將於十月中開拍的新劇《欺詐劇團(暫名)》,已落實由JW擔正女一,男主角是以部頭約回巢的敖嘉年,據知該劇演員名單還有鄭丹瑞、蔣家旻、張秀文、星夢新人劉子碩及上屆冠軍港姐黃嘉雯。不過對於毫無演出經驗的JW,外形條件限制多,今次擔正亦令劇集拍攝加大難度。有幕後爆料:「JW冇演戲經驗,又得嗰五呎高身材矮小,外形已經輸蝕,想搵男主角襯佢都唔容易,而且佢講嘢同唱歌好唔同,講嘢把雞仔聲好難入咪,如果真係拍戲,有好多嘢都要改進,無綫夾硬捧佢上都算好博,所以今次開劇捧佢,公司都諗咗好多方案!」

JW八月初宣布加盟星夢娛樂,翌日即在《勁歌》季選奪金曲獎,稍後還被安排唱無綫重頭劇主題曲,機會多多,氣勢已揮低一姐菊梓喬及早前加盟星夢的連詩雅,勢成年底《勁歌金曲頒獎禮》 「最受歡迎女歌星」 大熱。
JW八月初宣布加盟星夢娛樂,翌日即在《勁歌》季選奪金曲獎,稍後還被安排唱無綫重頭劇主題曲,機會多多,氣勢已揮低一姐菊梓喬及早前加盟星夢的連詩雅,勢成年底《勁歌金曲頒獎禮》 「最受歡迎女歌星」 大熱。
八月初JW大鑼大鼓宣布加入星夢娛樂,無綫出動一班星夢歌手力撐之外,還搵來大班公司監製撐場,突顯JW超然地位。
八月初JW大鑼大鼓宣布加入星夢娛樂,無綫出動一班星夢歌手力撐之外,還搵來大班公司監製撐場,突顯JW超然地位。
演戲經驗近乎零的JW,被安排在月中開拍,由金牌監製潘嘉德回巢操刀的新劇 《欺詐劇團 (暫名) 》擔正女一,男主角是以部頭約形式回巢無綫的敖嘉年。
演戲經驗近乎零的JW,被安排在月中開拍,由金牌監製潘嘉德回巢操刀的新劇 《欺詐劇團 (暫名) 》擔正女一,男主角是以部頭約形式回巢無綫的敖嘉年。

金牌監製潘嘉德無份揀主角 未與各演員會面

為幫 JW上位,無綫除替 JW度身訂造角色,更不惜搵兩年前已經榮休的金牌監製潘嘉德回巢為新劇操刀,由於潘嘉德在無綫四十多年創作過不少經典劇集,有他助陣自然令劇集如虎添翼。不過可靠消息透露,今次潘嘉德神回歸拍攝新劇《欺詐劇團(暫名)》,只擔任監製一職,劇本由無綫旗下編劇創作,接到邀請的德哥,更冇份參與揀劇中男女主角,至今亦未與各演員會面,對於外傳男女主角已落實,兼籌備得如火如荼,向來事事要求高的德哥難免不悅,近日同友人傾起回巢拍劇便忍唔住狂呻。據知情人士透露:「德哥兩年前榮休,想專注做其他嘢,年初執導舞台劇《今晚打老虎》反應仲好好,今次佢返無綫幫手,都係因為出身 TVB,始終有一份情意結,但接受邀請之後,先知道好多嘢自己冇份參與,有好多嘢反而喺外間傳番去佢耳邊,感覺好唔受尊重,梗係會唔開心啦!」

神級監製潘嘉德,由他監製的經典劇數埋一大堆,今次回巢監製新劇《欺詐劇團(暫名)》,相信會令劇集如虎添翼,但對於男女主角用 JW和敖嘉年,德哥卻表示:「對燈發誓!我冇份揀主角!」唔係咁不受尊重呀?
神級監製潘嘉德,由他監製的經典劇數埋一大堆,今次回巢監製新劇《欺詐劇團(暫名)》,相信會令劇集如虎添翼,但對於男女主角用 JW和敖嘉年,德哥卻表示:「對燈發誓!我冇份揀主角!」唔係咁不受尊重呀?
將於十月中開拍的黑色喜劇《欺詐劇團(暫名)》,除了女一JW王灝兒、男一敖嘉年,據知其他演員還有鄭丹瑞、蔣家旻、張秀文、星夢新人劉子碩及上屆冠軍港姐黃嘉雯等,做開無綫藝訓班導師的阿旦,今次同大班新人合作拍劇,隨時可以即場教戲。
將於十月中開拍的黑色喜劇《欺詐劇團(暫名)》,除了女一JW王灝兒、男一敖嘉年,據知其他演員還有鄭丹瑞、蔣家旻、張秀文、星夢新人劉子碩及上屆冠軍港姐黃嘉雯等,做開無綫藝訓班導師的阿旦,今次同大班新人合作拍劇,隨時可以即場教戲。

潘嘉德親回應:同以前監製好唔同

就傳聞向潘嘉德求證,他最初大耍太極表示:「自己都係最近先接到邀請,未了解成件事,今次合作形式係同以前監製好唔同,工作量冇咁大,公司考慮到我都半退休,好錫住我!」但提到有傳劇中男女主角他冇份揀,德哥亦未有隱瞞:「我只係被邀請嘅其中一人,一套劇被邀請參與有成百幾人,可能隨時唔止㖭!我只係其中一個,我唔係TVB員工,對燈發誓!我冇份揀主角!你等TVB公布新消息啦!」加入無綫兩個月,JW已獲高層萬千寵愛,有金牌監製加持,話唔定可以腐朽化神奇!

現年72歲金牌監製潘嘉德,兩年前的榮休盛宴,出席紅人星光熠熠更勝台慶,古天樂、宣萱、李克勤夫婦、汪明荃等亦畀面到賀!
現年72歲金牌監製潘嘉德,兩年前的榮休盛宴,出席紅人星光熠熠更勝台慶,古天樂、宣萱、李克勤夫婦、汪明荃等亦畀面到賀!

30歲JW被拖婚硬攻歌影視 金牌潘嘉德:對燈發誓,我冇份揀主角!

30歲JW被拖婚硬攻歌影視 金牌潘嘉德:對燈發誓,我冇份揀主角!

金牌監製經典多

金牌監製潘嘉德,在電視業全盛時期拍過不少經典神劇,除了是收視保證,亦捧紅過不少藝人。

91年《浪族濶少爺》李克勤、鄭秀文合體擦火花。
91年《浪族濶少爺》李克勤、鄭秀文合體擦火花。
95至97年《刑事偵緝檔案》系列,令陶大宇、郭可盈成觀眾心中最愛CP。
95至97年《刑事偵緝檔案》系列,令陶大宇、郭可盈成觀眾心中最愛CP。
01年《婚前昏後》為阿姐再拿下視后。
01年《婚前昏後》為阿姐再拿下視后。
02年《衝上雲霄》成功締造集體回憶。
02年《衝上雲霄》成功締造集體回憶。
12年《 On Call 36小時》是楊怡、羅仲謙定情作。
12年《 On Call 36小時》是楊怡、羅仲謙定情作。

讀者留言