31歲前港姐許亦妮爆乳拍孕照 自爆未生已驚囡囡會嫁去外國

娛聞

廣告

2011年港姐季軍許亦妮嫁人之後就少咗喺幕前出現,做幸福少奶之餘亦都準備做新手媽媽!已經懷孕7個月嘅佢,早前就帶埋老公Alex去影大肚寫真,著上性感內衣後,爆乳巨肚表露無遺,幸福滿瀉!

撰文、圖片:東方新地

許亦妮性感孕照曝光坐老公大髀攬到實

許亦妮(現名許芷熒)與圈外男友Alex Fung婚後不足1個月宣布有喜,現時陀B近7個月,同時下大肚婆一樣,許亦妮日前挺巨肚影孕照留念,著上喱士內衣爆乳登場,性感誘人! 許亦妮喺IG大晒孕照,除咗腹中B女,老公Alex亦有現身,見許亦妮坐上老公大髀攬到實,老公Alex又輕吻巨肚,畫面溫馨。

未生已變緊張媽媽擔心囡囡會嫁去外地

許亦妮自爆未婚前常幻想生BB會有妊娠紋,會變肥,但陀B後就覺 得一切要以BB健康行先,唔會再擔心自己走樣,反而開始擔心個女將來會否嫁到外地、青春期反叛等問題,覺得自己變咗緊張媽媽!緊張還緊張,唔好變做怪獸家長就得嘞!

關鍵詞
許亦妮