os_feat_1154_kayee

31歲猴擒譚嘉儀辣㷫朱智賢 姣馬國明電謝東閔被封樂壇姣精

出道八年的巨聲小巨肺譚嘉儀,一直紅歌唔紅人,去年主唱劇集《白色強人》大熱插曲〈Can You Hear〉,在網上點擊率超過200萬,於是膽粗粗私下聯絡劇中男主角馬國明邀合唱,結果拍埋激咀MV,一直視馬明為男神,譚嘉儀被指別有用心,想食馬明肉。

撰文、圖片:東方新地

譚嘉儀成樂壇姣精拍MV無仔不歡又攬又錫

譚嘉儀自稱單身多年零緋聞,但每次拍MV都表現猴 擒,與合作的男主角例牌攬攬錫錫,姣完馬明,新獵物是巨聲幫的謝東閔(閔大人),男方生得高大又靚仔有家底,譚嘉儀拍MV時放足生電,親密坐大髀,更揚言好想 與對方錫錫,可惜閔大人早已有個地下情女友朱智賢。據知睇到譚嘉儀主動出擊情挑自己男友,朱智賢亦打爛醋埕嬲嬲豬。為博愛姣到出面,譚嘉儀真係咁饑渴?

譚嘉儀只有 5 呎高,身材嬌小玲瓏 樣子亦甜美,初出道曾被指有幾分似 賭王女何超雲,不過卻因為為人主動 對異性特別熱情而被封樂壇姣精。
譚嘉儀只有 5 呎高,身材嬌小玲瓏樣子亦甜美,初出道曾被指有幾分似賭王女何超雲,不過卻因為為人主動對異性特別熱情而被封樂壇姣精。
譚嘉儀雖然唔係星夢一姐,但每次拍MV都好有福利,奉旨有靚仔做男主角。
除了馬明及閔大人,她曾與關楚耀及周志文拍MV,而且全部都有親密的身體接觸。
被封得姣精都有共同的興趣,就是愛在社交網晒身材,譚嘉儀亦唔例外,在其IG內有不少性感水著照。
譚嘉儀與同是巨聲幫出身的何雁詩情同姊妹,早前她去美國登台,何雁詩專程現身撐場。

公器私用激咀馬明 網民狂插發晒姣

唔好睇譚嘉儀身高唔夠5呎,身材細細粒,其實佢都好有殺傷力,去年中與馬國明合唱劇集《白色強人》插曲〈 Can you hear〉的中文版,二人在拍MV時在床上攬攬及激咀場面,相當纏綿,當時正值發生黃心穎「安心事件」,事後馬明表示與譚嘉儀在MV中做盡一對情侶要做的事,仲話親熱時有初戀的感覺。譚嘉儀直言與男神咀嘴一刻無法思考,非常緊張,相當回味。

與黃心穎一樣,譚嘉儀多年來都視馬明為男神,去年中有幸在 MV 中親親馬明,譚嘉儀心花怒放。
二人溫馨玩貓、床上碌床單深情對望,最後還激咀,如此激情,令譚嘉儀被網民鬧爆。
就是這一場激吻,令馬明表示有初戀嘅感覺。

坐謝東閔大髀勁親密 地下情女友朱智賢嬲爆

姣完馬明的譚嘉儀,最近為新歌拍MV請來同是巨聲幫的謝東閔做男主角,據 知情者透露:「嘉儀次次都係自己揀MV男主角,次次都有好多親熱鏡頭,上次同馬明拍完,已經畀網友狂插佢想食馬明肉,又話佢太主動太姣,根本冇必要攬住碌床單同咀晒,今次同閔大人攬攬抱抱又貼晒面,爭在未咀咋!聽講閔大人驚女友朱智賢唔開心,所以唔想有太多親熱戲,不過嘉儀就繼續電力十足,鏡頭前後都黐到實,真係全情投入,當正閔大人係自己條仔,結果咪搞到朱智賢呷晒醋同班姊妹呻,話嘉儀拍個MV都姣成 咁,個男人少啲定力都唔掂,事後閔大人要出盡力氹女友,仲話導演要求冇得 say no。」擺明車馬姣人男友都算,譚嘉儀日前接受訪問竟公開表示想錫謝東 閔,她笑說:「唔會唔想錫,如果劇情需要都唔介意。」女仔都應該有番少少矜持啩!既然咁恨拍拖,正正經經搵個筍盤啦!

無綫新晉小花朱智賢與謝東閔早已被公認為一對,即使多次被斷正拍拖出街仍矢口否認,二人還經常獲邀以情侶檔出席活動。
玩足三年地下情,戀情終於有浮面跡象,去年聖誕節謝東閔帶朱智賢出席與圈中好友胡杏兒及胡定欣等的派對,甜蜜慶祝佳節。
日前譚嘉儀與謝東閔拍 MV ,話就話冇咀戲,不過就攬實坐大髀,雙方都好投入。
其中一幕深情對望,譚嘉儀狂電謝東閔。
事後不單在社交網 po 相,仲寫埋啲咁嘅嘢,難怪會令謝東閔女友朱智賢呷晒醋。