os_feat_1151_ling

32歲高海寧與鄧智偉「秘戀」5年 當家花旦事業、愛情兩得意

TVB藝人青黃不接,演得又睇得嘅當家花旦買少見少,入行多年嘅高海寧就睇準時機,最近密密接job密密拍劇,希望儲到錢結婚又賺到人氣。幾套劇排住出,同音樂才子鄧智偉感情又穩定,事業、愛情兩得意,睇嚟好快會有好消息!

撰文、圖片:東方新地

高海寧鄧智偉「秘戀」5年 默默守護唔公開

拍拖五年,明明係公開秘密,不過高海寧一直唔肯公開認愛,仲大條道理話要保護戀情:「雖然我哋很穩定,但還是等我哋去到能接受大家祝福的時 候,才向大家慢慢分享。」其實高Ling做法絕對有道理,同音樂才子鄧智偉一段戀情多得佢低調處理,愈嚟愈穩定甜蜜,亦都令高Ling可以專心事業。

同音樂才子鄧智 偉拍拖五年,愈 嚟愈穩定甜蜜。
同音樂才子鄧智偉拍拖五年,愈嚟愈穩定甜蜜。

雖然唔肯公開示愛,不過高 Ling 都係忍唔住經常 po 男友視角靚相晒恩愛,今年生日,
鄧智偉就炮製咗個驚喜 birthdaydinner 冧高 Ling ,高 Ling 即喺 IG 開心 share。

盛裝打扮去活動高Ling身材愈見標青

日前高Ling去上環出席活動,盛裝打扮下,32歲嘅高Ling愈嚟愈有女人 味、身材愈嚟愈標青凹凸有緻,見佢收工後即歸心似箭撲返愛巢,睇嚟佢好快被鄧才子私有化喇!

電視台當家花旦地位愈坐愈穩,戀情半公開後形象亦都愈嚟愈討好,日前高 Ling 獲邀到上環出席品牌活動。
戀情穩定自然歸心似箭,做完嘢高Ling半步都唔停留,即落停車場返歸。

下一頁:32歲高海寧狙擊37歲李佳芯 冰鮮Ali懶理繼續慢活