feat_1175_24

34歲吳雨霏慶生飯局約Stephy、區文詩飛走Miki 幸福人妻拖仔女放電容貌終曝光

婚後家庭至上的吳雨霏(Kary),自從一對仔女出世後更無心戀戰,幾乎全面停工專注照顧家庭,肺炎疫情陪仔女閉關多時,近日見疫情稍緩, Kary即廿四孝好媽帶同仔女出關去沙灘放電,享受一下陽光與海灘,兩歲兒子Asher同九個月大囡囡Galilee同時曝光,原來一對仔女同Kary似足餅印。貼心湊仔女享受家庭樂之餘,近日Kary還出關同好姊妹Stephy(鄧麗欣)及區文詩提早慶祝34歲生日,餅碎合體繼續飛起被指曾爆她小產的「大口」Miki,姊妹情一去不返!

撰文、圖片:東方新地

吳雨霏幸福人妻拖仔女放電

曾經歷小產傷痛的吳雨霏,現時已經成為幸福人媽,大仔Asher今個
月19日便滿兩歲,轉眼囡囡Galilee亦已經九個月大,低調享受家庭生活
的Kary,即使在個人社交網po仔女生活照,都不曾讓仔女正面見樣,不
過百密都會一疏,日前Kary帶同一對仔女去沙灘放電,兩個寶貝容貌終
於曝光。

樂於享受家庭生活的吳雨霏,甘為照顧一對仔女放下幕前演出,近日陪仔女閉關抗疫多時的她,見疫情稍有緩和,即帶仔女到沙灘放電,更同囝囝一齊玩沙,兩歲兒子蹲在沙堆玩到忘晒形,超級可愛!
樂於享受家庭生活的吳雨霏,甘為照顧一對仔女放下幕前演出,近日陪仔女閉關抗疫多時的她,見疫情稍有緩和,即帶仔女到沙灘放電,更同囝囝一齊玩沙,兩歲兒子蹲在沙堆玩到忘晒形,超級可愛!
除咗不停陪囝囝 Asher玩之外,吳雨霏當日亦帶同九個月大的囡囡Galilee同行,囡囡全程由工人姐姐用孭帶孭住,非常乖巧,仔女更同 Kary一個餅印。
除咗不停陪囝囝 Asher玩之外,吳雨霏當日亦帶同九個月大的囡囡Galilee同行,囡囡全程由工人姐姐用孭帶孭住,非常乖巧,仔女更同 Kary一個餅印。
見囡囡有睡意,現場又大風,吳雨霏即緊張同工人姐姐合力幫囡囡披上毛巾怕她著涼!
見囡囡有睡意,現場又大風,吳雨霏即緊張同工人姐姐合力幫囡囡披上毛巾怕她著涼!

兩歲囝囝Asher眼仔碌碌、嘴唇厚厚似足媽咪,而全程由工人姐姐用孭帶孭住的囡囡Galilee,眼睛較似爸爸,不過鼻仔同嘴仔都同媽咪似足餅印,對住一對得意仔女, Kary湊仔女極之享受,當日雖然還有一名女親友同行,加埋有工人姐姐幫手,不過, Kary全程貼身照顧大小寶貝,不時陪囝囝玩堆沙,又拖囝囝去水邊玩水, 兩歲Asher玩到成身濕透,Kary即緊張幫囝囝換上乾淨衫,不過廿四孝媽咪無偏心,雖然囡囡仲細未識玩沙,但Kary邊陪囝囝玩仍不時去逗囡囡,怕囡囡著涼,急忙為囡囡腳仔摟上毛巾,相當細心。

Kary帶囝囝去海邊攞水,母子齊玩水降溫!
Kary帶囝囝去海邊攞水,母子齊玩水降溫!
Kary蹲低陪囝囝玩堆沙。
Kary蹲低陪囝囝玩堆沙。
玩完水成身濕𣲷𣲷,吳雨霏和女親友合力幫兒子換上乾淨衣服,湊仔事事親力親為!
玩完水成身濕𣲷𣲷,吳雨霏和女親友合力幫兒子換上乾淨衣服,湊仔事事親力親為!
在沙灘放電個多小時,接近傍晚六時許,Kary開始收拾行裝準備離開。
在沙灘放電個多小時,接近傍晚六時許,Kary開始收拾行裝準備離開。
女親友抱囝囝上七人車,Kary則先將物件放上車內
女親友抱囝囝上七人車,Kary則先將物件放上車內
然後從工人姐姐手上接過囡囡,抱到實一同上車!
然後從工人姐姐手上接過囡囡,抱到實一同上車!

被爆小產友情破裂 Kary同Miki再冇聯絡

雖然湊仔女大個天,不過, Kary亦未有忽略好姊妹,日前她出關同鄧麗欣及區文詩,提早預祝快滿34歲大日子。其實16歲便加入Cookies入行的Kary,由九餅變四餅女,同好姊妹打拼多年才獨立發展,餅女齊上齊落感情深厚。不過,16年11月被爆年初小產秘密,有指爆料人是當時剛陀B不久的Miki,自覺被好姊妹出賣的Kary,同Miki亦從此斬纜,四年來不相往來。據知情者透露:「雖然件事過咗四年,Kary依家又有兩個小朋友,不過嗰次小產對佢打擊太大,偶然提起都會喊,加上被姊妹出賣好hurt,同Miki完全冇來往!」日前餅碎合體賀Kary34歲生日,Miki繼續被飛出局,相信呢個傷害好難撫平。

疫情閉關已經半年冇聚會,日前 Stephy 和區文詩提早為今個月生日的吳雨霏慶生,不過,餅碎合體吃日本菜,Miki繼續冇影。
疫情閉關已經半年冇聚會,日前 Stephy 和區文詩提早為今個月生日的吳雨霏慶生,不過,餅碎合體吃日本菜,Miki繼續冇影。
有指楊愛瑾(Miki)在16年底傳出有喜消息的同時,漏出好姊妹吳雨霏於年初小產一事,令姊妹感情從此破裂,自17年起餅碎聚會便四缺一,而四年來 Kary的生日聚會,亦再冇預 Miki參與。
有指楊愛瑾(Miki)在16年底傳出有喜消息的同時,漏出好姊妹吳雨霏於年初小產一事,令姊妹感情從此破裂,自17年起餅碎聚會便四缺一,而四年來 Kary的生日聚會,亦再冇預 Miki參與。
昔日四位一體已成過去式!
昔日四位一體已成過去式!