feat_1158_4

35歲周柏豪父愛滿瀉 IG透露愛囡英文名

35歲周柏豪同老婆Stephanie(朱敏君)結婚三年,去年成功造人,12月初榮升爸爸,老婆Stephanie為佢誕下 6.7磅小公主周芯悅,自此每次柏豪一提湊女就眉開眼笑,講到幫囡囡換尿片一樣咁開心,完全掩不住做爸爸嘅興奮!

撰文、圖片:東方新地

周柏豪愛囡遺傳老竇靚靚基因

小芯悅剛兩個月大,柏豪忍唔住喺IG開心share囡囡嘅近照,雖然只係見到B女半邊面珠仔,但可見芯悅嘅眼睫毛又長又密,而且天生向上鬈,眉粗粗,再加上濃密嘅頭髮,應該遺傳咗老竇嘅靚靚基因 ﹗

柏豪對囡囡愛不釋手,充滿父愛。

柏豪對囡囡愛不釋手,充滿父愛。

35歲周柏豪父愛滿瀉 IG透露愛囡英文名
眼睫毛又長又密
小芯悅英文名叫「Sonya」,頭髮濃密、眉粗粗、眼睫毛又長又密,遺傳咗老竇嘅靚靚基因。
小芯悅英文名叫「Sonya」,頭髮濃密、眉粗粗、眼睫毛又長又密,遺傳咗老竇嘅靚靚基因。
小芯悅嘅出現的確為周家上下帶來喜悅,柏豪笑謂以前父母最喜歡去旅行,依家連旅行 都唔去,日日都要去佢屋企見小公主。
小芯悅嘅出現的確為周家上下帶來喜悅,柏豪笑謂以前父母最喜歡去旅行,依家連旅行 都唔去,日日都要去佢屋企見小公主。

小芯悅 英文名曝光叫「Sonya」

相片更附上囡囡嘅英文名,原來小芯悅叫「Sonya」呀!呢個名都大有來頭,計起上嚟,係列夫托爾斯泰小說《 戰爭與和平》其中一個女角色的名字。

▲ 月前初生芯悅出院,由柏豪媽抱實,當時包到冚未有露面。
▲ 月前初生芯悅出院,由柏豪媽抱實,當時包到冚未有露面。

相關文章:周柏豪太太Stephanie揭秘 識於微時、幫補家用 真正「多功能老婆」

早前在劇集《多功能老婆》演不羈正直富二代的周柏豪,劇中經常幫多功能老婆楊千嬅湊仔,恨做老竇恨到出面,現實生活,柏豪亦剛榮升老竇,周柏豪老婆Stephanie為他誕下6.7磅小公主,原來周太亦同樣是個多功能老婆,多年來甘為男方無條件付出,將自己黃金歲月埋在地下陪柏豪走過高低,真係唔係人人做得到!

周柏豪太太Stephanieo係幕後軍師 打理家中大小事務

一齊13年做埋周太生埋女的 Stephanie,名副其 實是個多功能老婆,多年來對柏豪照顧有加,除咗打理家中大小事務,仲幫柏豪處理時裝生意,更一早融 入周家,同柏豪父母
相處融洽,就算近年柏豪事業有成,一樣唔會宣示主權!老婆咁能幹,柏豪又點會唔珍惜!

做老竇笑唔停 出院包到冚 公開「多謝老婆」

從事時裝買手的周太Stephanie,在柏豪未紅時已甘為男方默默付出,經濟扶持當年收入有限的男友走過難關,對柏豪照顧無微不至,持家有道更助柏豪打理時裝生意,還深懂投資,幫老公身家滾大!如此賢淑能幹,難怪能將外形煞食的周柏豪治得貼貼服服!

▲ Stephanie極度低調,只在早年睇騷 時被拍過一張照片!
▲ Stephanie極度低調,只在早年睇騷 時被拍過一張照片!

識於微時 經濟扶助

06年當時仍是Model的周柏豪,認識從事I.T時裝買手的Stephanie,戀情萌芽,當時收入有限的柏豪,經常冇工開經濟拮据,Stephanie曾在經濟上扶助男友。據知情者透露:「佢兩個一齊嗰時,柏豪做model仲未紅,收入有限,後來做歌手又要置裝又要生活費,加上柏豪係屋企經濟支柱,要養家又要交租,經常入不敷支,好彩有女友無條件付出⋯⋯」

柏豪做model仲未紅 幫埋手打理時裝生意

知情者表示:「Stephanie對柏豪好好,做時裝買手收入唔錯,佢唔介意幫補家用,喺經濟上扶持男友,柏豪逐漸走紅,工作多咗,好多時都要開工,Stephanie又會主動幫手照顧柏豪父母,對兩老好體貼,等男友可以安心喺外邊工作,柏豪搞自家時裝品牌,都係多得Stephanie鼓勵,係柏豪背後軍師仲幫埋手打理時裝生意,最重要咁多年嚟Stephanie對柏豪行蹤瞭如指掌,對柏豪身邊工作人員都熟晒,無論工作、家庭、經濟上都操控在手中,柏豪亦好願意配合,令Stephanie安心,所以娛樂圈咁多誘惑都影響唔到二人嘅感情。」

生女玩神秘 秘婚一樣瞞天過海

生女玩神秘,之前老婆被影到穿鬆身衫,周柏豪更揚言老婆穿鬆身衫已兩年,藉以瞞天過海,早在16年底秘婚一樣放煙幕,po相話趕拍劇集《使徒行者2》,其實飛泰國布吉舉行婚禮,被

踢爆秘婚先開腔承認多年來講大話,坦言自認單身全因想保護另一半:「我成日話有好消息會公布,有開心嘢會分享,但其實我講咗個大話,我想保護佢,所以我係唔會講!唔想佢因為我受到任何影響!」柏豪發表愛的宣言冧妻,其實老婆Stephanie更保護他,據知情者透露:「布吉結婚爆咗出嚟,嗰時有傳媒追到去嗰邊,令想婚禮低調嘅柏豪好緊張,嗰時Stephanie仲安慰男友話,不如hold住個婚禮先,處處為柏豪著想,同居咁多年都冇計較名份,柏豪又點會唔感動!」

▲ 太太 Stephanie 剖腹生女,休息咗五 日在6號出院,當日下午 12時半,新任爸爸先行步 出醫院同傳媒打招呼,受 訪時坦言已經幫囡囡換 過三次尿片,心情興奮!
▲ 太太 Stephanie 剖腹生女,休息咗五 日在6號出院,當日下午 12時半,新任爸爸先行步 出醫院同傳媒打招呼,受 訪時坦言已經幫囡囡換 過三次尿片,心情興奮!
▲ 出院當日周太 Stephanie戴住口罩,跟隨抱着 孫女的柏豪媽步出醫院,生完無耐的 Stephanie,戴著冷帽穿著厚衛衣和大褸 保暖,低頭低調行去上車!
▲ 出院當日周太 Stephanie戴住口罩,跟隨抱着 孫女的柏豪媽步出醫院,生完無耐的 Stephanie,戴著冷帽穿著厚衛衣和大褸 保暖,低頭低調行去上車!
創立個人品牌XPX,太太成柏豪幕後軍師!
創立個人品牌XPX,太太成柏豪幕後軍師!
老公開工,Stephanie亦會為老公準備愛心餐。
老公開工,Stephanie亦會為老公準備愛心餐。
▲ 老婆大肚收收埋埋冇人知,周柏豪直至囡囡 出世第三日,才開心向外報喜,並開心 share湊女甜蜜照,新任爸爸深情錫住 B女額 頭,父愛泛濫!
▲ 老婆大肚收收埋埋冇人知,周柏豪直至囡囡 出世第三日,才開心向外報喜,並開心 share湊女甜蜜照,新任爸爸深情錫住 B女額 頭,父愛泛濫!

多圖!獨家!周柏豪太太真面目曝光!觀塘孖咇出巡激罕露面

《東方新地》獨家捕獲柏豪護妻Stephanie出巡,周太廬山真面目極罕曝光,當日二人一齊返回觀塘寫字樓,快生產的周太,得天獨厚完全冇水腫,離開時柏豪一個人抽住兩大袋服裝,不用老婆操勞,更小心翼翼傍實老婆上車⋯⋯

35歲周柏豪父愛滿瀉   IG透露愛囡英文名
《《東方新地》獨家捕獲柏豪護妻出巡,揭開周太神秘面紗⋯⋯