35歲李亞男專心做人妻 熱褲長腿索爆踢拖遊尖沙咀

娛聞

廣告

可能係娛樂圈外形同身高最懸殊嘅一對,當年王祖藍同李亞男公布戀情時,所有對呢段華姐配諧星嘅長短腳之戀唔多睇好嘅諸位,今日係唔係跌晒眼鏡呢?

撰文、圖片:東方新地

李亞男熱褲長腿 索爆踢拖遊尖沙咀

時間同事實證明一切,成功開拓大中華市場嘅祖藍愈撈愈掂,李亞男就愈活愈似闊太,再加埋個得意到暈嘅囡囡 Gabrielle,一家三口不知幾美滿幸福!

 婚後索性做埋王祖藍旗下藝人,副業出書亮相真人騷,正職相夫教女自煮為樂,早前攬住囡囡過母親節,蛋糕都係王太自家製作㗎!
婚後索性做埋王祖藍旗下藝人,副業出書亮相真人騷,正職相夫教女自煮為樂,早前攬住囡囡過母親節,蛋糕都係王太自家製作㗎!

35歲李亞男專心做人妻 熱褲長腿索爆踢拖遊尖沙咀

 有個識煮老婆係咩感受?祖藍話從來唔食牛腩,都因為亞男太識煮,清晒成盤咖喱牛腩。
有個識煮老婆係咩感受?祖藍話從來唔食牛腩,都因為亞男太識煮,清晒成盤咖喱牛腩。

早前就見王太李亞男出巡尖沙咀 shopping,簡簡單單 T-shirt 熱褲再踢對拖鞋,一身街坊裝都掩蓋唔到佢天生麗質嘅 fit 爆身形,熱褲下一雙白滑長腿尤其養眼!今次唔見老公同囡囡喺身邊,王太買完嘢辦完事,急 call司機歸心似箭。一上車低頭望住電話,不由自主露出關愛滿足笑容,唔使講,電話熒幕上唔係老公就係囡囡啦!

 上得大台又入得廚房,李亞男就算一身街坊裝遊街,又fit又靚一眼認得出。
上得大台又入得廚房,李亞男就算一身街坊裝遊街,又fit又靚一眼認得出。
 行完街買完嘢,李亞男打電話叫定司機駛去附近接載。
行完街買完嘢,李亞男打電話叫定司機駛去附近接載。

35歲李亞男專心做人妻 熱褲長腿索爆踢拖遊尖沙咀

 一上車,李亞男急不及待開電話收訊息,一臉甜爆笑容十成九又係老公同愛女催促回家。
一上車,李亞男急不及待開電話收訊息,一臉甜爆笑容十成九又係老公同愛女催促回家。
 唔使五分鐘,自訂車牌配上百萬名車已經駛到,睇真啲,車牌「HANDELA」來自當年王祖藍曾反串扮演嘅搞笑角色「Handelababy」。
唔使五分鐘,自訂車牌配上百萬名車已經駛到,睇真啲,車牌「HANDELA」來自當年王祖藍曾反串扮演嘅搞笑角色「Handelababy」。

最佳老公王祖藍 北上賺錢兼湊女

近年王祖藍北上發展後撈得算唔錯,賺到錢仲賺到美人,同李亞男不時放閃,二人身高差完全唔阻礙感情發展,囡囡出世後更見恩愛。呢對最萌身高差情侶的確令人再相信愛情啊。

當175cm選美冠軍遇上160cm諧星,李亞男同王祖藍呢一對排除萬難拍拖認 愛,繼而步入教堂結婚生女,用事實證明愛就是愛,身高背景外形完全唔成問題。 眨吓眼囡囡Gabrielle就快一歲,祖藍除咗勤力北上賺奶粉錢外,大部分時間都盡可能撲返屋企幫老婆手湊女。不過祖藍亦好識做,顧大又顧細,仲會抽空陪老婆 大人過吓二人世界㖭!

 囡囡Gabrielle就快一歲,亞男話個女似自己,但八姨太就覺得父系基因強啲囉!
囡囡Gabrielle就快一歲,亞男話個女似自己,但八姨太就覺得父系基因強啲囉!

35歲李亞男專心做人妻 熱褲長腿索爆踢拖遊尖沙咀

最萌身高差 出街唔拖手玩搭膊頭

早前本刊就曾拍到兩公婆出巡,李亞男都係著住同一對拖鞋,由司機接載齊齊拍拖去尖沙咀做facial 扮靚靚。其實身高同外形距離一直只係外人評論,當事人從未有放在心上,見佢兩公婆一落車,高出一個頭嘅亞男就搭住祖藍膊頭,順手得嚟仲好有愛,呢啲咪最萌身高差囉!

 祖藍新換架電動SUV車身有番咁上下高,二人落車時一個輕鬆一個吃力。
祖藍新換架電動SUV車身有番咁上下高,二人落車時一個輕鬆一個吃力。
 兩公婆齊齊戴超又戴帽,一黑一白造型相襯。
兩公婆齊齊戴超又戴帽,一黑一白造型相襯。
 難得兩公婆遷就到時間,王祖藍孖李亞男齊齊出車去尖沙咀做facial。
難得兩公婆遷就到時間,王祖藍孖李亞男齊齊出車去尖沙咀做facial。
 邊個規定高大威猛一定要係男方?落車後李亞男旁若無人順勢搭實祖藍膊頭,不知幾自然,不知幾恩愛!
邊個規定高大威猛一定要係男方?落車後李亞男旁若無人順勢搭實祖藍膊頭,不知幾自然,不知幾恩愛!

讀者留言