feat_1156_9

36歲苟芸慧嫁富三代樂做少奶奶 放下事業追求個人夢想

結婚年多,老公陸漢洋係富三代當然唔憂做,苟芸慧乾脆放下事業追求吓個人 夢想,享受吓少奶奶生活!

撰文、圖片:東方新地

苟芸慧嫁富三代樂做少奶奶 周遊列國盡情玩

苟芸慧呢幾個月不斷飛加拿大、韓國、日本等地周遊列國盡情玩,之後返港鑽研Disciples Escoffier 專業文憑課程,然後又去享受陽光與海灘relax吓放 空,苟姑娘仲話日日瞓到自然醒,不知幾爽!

苟姑娘不時將製成品放上網分享,見 佢整得有板有眼,睇到都覺得好味, 老公陸漢洋真係有口福!
苟姑娘不時將製成品放上網分享,見佢整得有板有眼,睇到都覺得好味,老公陸漢洋真係有口福!

苟姑娘四圍玩,又去度假享受日光浴,非常歎!

同老公合體遊街晒恩愛 做知情識趣好老婆

日前佢終於回歸,陪老公合體遊街晒恩愛。兼任多家公司董事、因熱愛賽車而轉型做職業賽車手嘅陸漢洋瓣數多多,陪老 婆拍拖時電話冇停過不斷傾公事,呢頭至收線,嗰頭去到商場門口又撞到熟人嗲番幾句。而成功男人背後,當然有個知情識趣嘅好老婆,陸漢洋同朋友打招呼時,苟姑娘就乖乖靜靜地隱身背後,等老公傾夠為止,非常識做!

去歎陽光與海灘度假,日前苟姑娘終於回歸同另一半合體拍吓拖。
生活充實婚姻美滿,苟姑娘心情靚爆,見到八姨太都笑笑口主動打個招呼先。
呢頭傾完電話,嗰頭又撞到熟人,陸漢洋忙不停,苟姑娘就乖乖企埋一邊等。
終於傾完又等到司機到,陸漢洋好有風度,開車門畀老婆上車先。

關鍵詞
苟芸慧