os_feat_1150_fala

37歲人妻陳法拉零片酬作品獲獎 貼錢拍戲為挑戰自己

已經好耐無喺香港露面嘅法拉,最近有好消息!法拉讀完戲劇碩士之後,零片酬更貼埋錢幫手拍獨立短片電影,近早收到消息電影攞獎啊,雖然無錢收,但學到嘢識到一班志同道合嘅朋友,仲攞埋獎,比起金錢更可貴啊!

撰文、圖片:東方新地

陳法拉成首位華人高材生榮升人妻繼續挑戰自己

37歲嘅陳法拉,離開TVB後走咗去美國著名學府茱莉亞學院修讀4年制戲劇碩士課程,成為該系首位華人畢業生。畢業後嘅法拉一直嘗試新挑戰,又跟不同單位合作。今年5月遠嫁至法國,榮升人妻,近日更獲知主演嘅獨立短片電 影《雁南飛》得到第25屆美國導演工會嘅學生電影大獎,可謂愛情事業兩得意!

 法拉花 4 年時間將自己再昇華上另一個層次,成為茱莉亞學院首個華人碩士 學生,亦係首個華人以全 A 成績畢業。
法拉花 4 年時間將自己再昇華上另一個層次,成為茱莉亞學院首個華人碩士 學生,亦係首個華人以全 A 成績畢業。
當日毅然不再續約無綫遠赴美國進修戲劇,如今獲獎足證明當日選擇正確,法拉和導演元圓更親身出席頒獎禮。

資金緊絀主動唔收錢 拍攝地點無啖好食仍堅持

第一次踏足內蒙古拍攝嘅陳法拉,當初知道電影資金緊絀,即主動提出唔收片酬,就連美國出發到蒙古嘅機票錢都貼埋亦在所不計,咁蝕底都肯做,法 拉解釋:「因為拍攝團隊來自世界各地,美國、香港、內地嘅人都有,為咗今次電影大家一同齊心合作,即使喺一個好凍、無論食住都好艱辛嘅地方下,大家嘅熱情令成個片場都好溫暖!」

畢業之後嘅法拉,第一個作品就係拍攝美國HBO迷你美劇 《TheUndoing》,拍住妮歌潔曼(NicoleKidman)及曉格蘭特 (HughGrant)等國際影星合作。
法拉人生第一次踏足內蒙古拍攝,面對大草原靚景自言大開眼界。

法拉表示整個團隊都係熱愛電影、喜歡演戲嘅 人:「今次拍攝認識咗好多當地演員,好似我飾演佢繼母嘅小演員,年紀細細已經識騎馬,好厲害!成個拍攝過程亦好順利,喺蒙古包、大草原取景又靚,我仲同其他演員齊齊喺大草原影相,盡情感受大自然㖭!」拍得咁開心仲攞埋獎,更錦上添花!

於得獎電影《雁南飛》中飾演法拉繼女嘅小演員係蒙古人,法拉話佢年紀輕輕已經識騎馬,非常厲害!
拍攝團隊雖然來自世界各地,但大家都一條心為呢部電影付出很多,尤其法拉更連片酬都唔收㖭!