37歲「呃妻號」陸永未有車牌 陪靚老婆買餸做跟得老公
農夫C君頭婚事終於順利完成，上月由花旦小生兄弟團陪住娶老婆，好拍 檔陸永應該最飲得杯落，仲有好多慰妻之道可以分享。
撰文、圖片：東方新地
陸永未有車牌陪老婆買餸做跟得老公
講多無謂，去片睇吓陸永對住靚老婆Reina到底有幾聽話又幾幫得手。平時生日紀念日送花送禮物就梗，出po讚吓老婆出得廳堂入得廚房亦係慣例，一 有時間實會爭取湊女幫輕吓老婆。呢日唔使返工又唔使湊女，就見陸永又陪老婆去街市幫手擔擔抬抬。兩公婆擺好餸菜、準備打道回府，老婆想問老公攞番條車匙，陸永就扭扭擰擰趷個pat pat叫老婆自己伸手去攞，結果咪又成功氹得 老婆騎騎笑囉！
不過陸永之前講過話唔想老婆成日車出車入咁辛苦，所以學車幫輕下老婆，點知自己口快快話其實只係交功課，當時激到Reina刪Po鬧爆老公，被封「呃妻號」，唔知陸永呢個承諾幾時先兌現到？
