有片！38歲林子善《超能使者》跳艷舞勁落力 自爆褲襠穿窿曾「跌雀」
林子善、王君馨、劉穎鏇及伍樂怡日前為新劇《超能使者》拍一場在夜總會跳艷舞的戲份，劇中由林子善飾演「舞男」，要著上超性感舞衣，在王君馨經營的夜總會中表演跳艷舞！
撰文、圖片：東方新地
林子善《超能使者》跳艷舞
林子善介紹其身上舞衣名叫 「彩虹戰隊」：「原本個褲襠係穿窿嘅，搞到我試衫時成隻 『雀仔』 跌咗出嚟，最後要搵服裝姐姐補番，不過條打底T-back搞到我好唔舒服，本來陳山聰要同我一齊著嘅，後來監製話劇情講唔通，所以最後只得我一個。」林子善透露為了演好這個角色，在開拍前三個月已開始密密操肌，在拍攝這幕艷舞前一晚，他更以小便「脫水」至凌晨五點！
https://www.youtube.com/watch?v=7ZQaNBrLbws
