os_feat_1149_wu

38歲胡定欣半裸力壓40歲Deep V 胡杏兒 馬爾代夫旅行大晒水著照

要數大台最搶眼女藝人,「胡說八道會」一班好姊妹總係唔會令人失望。前排胡杏兒、胡定欣、姚子羚、胡蓓蔚、李施嬅去咗馬爾代夫旅行,靚相一浪接一浪,最近一批水著照曝光,幾位花旦身材絕對唔輸蝕俾一班後生女啊!

撰文、圖片:東方新地

胡定欣辛苦keep fit有成果 半裸上身露半球

要享受陽光與海灘,唔一定孖honey去至開心,同一班閨密姊妹組團去一樣咁正!好似「胡說八道會」一班好姊妹胡杏兒、胡定欣、姚子羚、胡蓓蔚、李施嬅,近日難得相約到馬爾代夫旅行,全程吃喝玩樂勁開心,又派福利大晒水著照,胡定欣更大解放半裸上身露半球,擺明show off晒命!

胡定欣直認為保持美好身段keep得好辛苦,特意半裸露半球益街坊分享成果!
胡定欣直認為保持美好身段keep得好辛苦,特意半裸露半球益街坊分享成果!

兩子之母胡杏兒唔輸蝕 deep V上陣大騷長腿

戴上太陽帽嘅定欣,半裸上身望向大海,盡顯曲線相當火辣,定欣喺IG還附上留言:「平時keep得咁辛苦,呢張相係要影嘅!」擺明show off!而好姊妹胡杏兒亦以deep V 泳衣上陣大騷長腿,雖然冇定欣咁激,但作為兩子之母,仲keep得咁fit,係索嘅!

兩子之母胡杏兒表示生 B 後付出百倍努力,又節食又做運動,先至有今日嘅索 body 。
面對藍天白雲無敵大海景,一班靚女毫不吝嗇著上泳衣大晒美好身材。
一班好姊妹拉大隊到馬爾代夫旅行,不時喺IG大晒性感靚相,令粉絲目不暇給。