os_feat_1148_Benjamin

38歲袁偉豪鋼條練成記 被催婚盛傳明年娶張寶兒

袁偉豪同張寶兒呢一對已經係圈中公認嘅恩愛情侶,無論張寶兒講錯乜,甚至被鬧係「冇腦港姐」,袁偉豪都會為佢護航,相信打風都打唔甩。最近袁偉豪同成班好兄弟拉大隊恭喜陳山聰娶妻,袁偉豪同張寶兒自然會被催婚,有傳下年會係好日子,唔知有幾成真呢?

撰文、圖片:東方新地

袁偉豪拉大隊賀兄弟做老襯懶理被催婚

陳山聰娶妻,袁偉豪同成班好兄弟拉大隊到賀,其實陳山聰同女友Apple有情人終成 眷屬固然值得開心,不過好多人都好想知,到底幾時輪到袁偉豪同女朋友張寶兒呢?

袁偉豪同張寶兒呢一對相信打風都打唔甩。

事業愛情倆得利38歲袁偉豪鋼條身形fit到爆

呢個問題被大家問咗好多次,亦都周不時盛傳好日子就係出年,不過當事人始終都係 嗰句,事業為重喎。咁又係,搵到對的人,其實又唔爭在嗰一時半刻嘅。重點係38歲嘅袁偉豪呢期絕對狀態大好,事業、愛情雙雙得利,兼且自律又勤力副偈愈操愈fit,日前一個 人頂住烈日喺寓所附近練跑,黑黑實實鋼條身形,呢個咁fit嘅狀態去影婚照好睇得喎!

當家小生唔易做,要把握好每個演出機會亦都要時刻保持最佳狀態,日前又見袁偉豪無懼烈日當空,喺將軍澳練跑。
當年嘅白臉校草,如今已經歷歲月洗禮,練成fit 爆型男一個,同區練跑人唔少,論搶鏡梗係呢個當家小生啦!
無論工作有幾忙,袁偉豪風雨不改都會keep住操,呢一身鋼條身形得來不易㗎!