feat_1182_20

獨家!38歲譚凱琪單拖殺入高危街市 攻讀營養學自度安胎餐

2月入紙註冊、3月低調完婚、跟手就被指連推兩劇深居簡出疑似有喜,新婚譚凱琪 (Zoie)上月即被本刊拍到凸肚出遊,終於出 PO公布有孕喜訊。38歲首次懷胎,Zoie即時全副心機時間放在養胎、食療和胎教上,三餐自煮、報埋營養學課程,連家中大小食物日用品都親自去街市採購再烹飪。不過非常時期、疫症反彈、確診病例日日創新高,粗身大細自己買自己搬自己對住無上裝冇戴罩豬肉佬買肉煲湯,非常牙煙!

撰文、圖片:東方新地

譚凱琪單拖殺入高危街市

婚前三年已經搬入前男友現老公莊日宇(Enrico)置入的九龍塘帝景峰單位,明明有工人姐姐可代勞就近又有大型連鎖超市,日前卻見 Zoie一個人驅車出發,專程去到南山邨街市買餸買糧。近日爆發疫情第三波,各區舊式街市正是最高危重災區,而 Zoie光顧的南山邨街市超過四十年歷市更是殘破不堪、地下濕滑、猶如迷宮。明顯知慳識儉幫襯開好熟路,陀 B後又依然身材纖瘦行動便利,知碇買好水果蔬菜、又小心翼翼識得避開濕滑地面,不過防不勝防,來到豬肉檔買豬𦟌和瘦肉煲湯,還是遇上肉眼都睇到污糟不堪的豬肉檔,和豪邁奔放真空無上裝又勇武處理食物都唔戴口罩的豬肉佬,一塊砧板切肉係佢、收完數放下紙幣係佢、裝好豬肉放低膠袋都係佢,口水、血水、紙幣上的細菌交織融和不知道已經交叉感染變型了幾多輪,大肚婆嚟講,真係危機四伏。

相戀七年、今年二月入紙註冊,譚凱琪一早入住老公莊日宇購入的九龍塘帝景峰豪宅,不過為方便泊車,不時自駕去南山邨街市買餸。
相戀七年、今年二月入紙註冊,譚凱琪一早入住老公莊日宇購入的九龍塘帝景峰豪宅,不過為方便泊車,不時自駕去南山邨街市買餸。
今年三月低調完婚後,譚凱琪即被傳有喜,直到上月終於發布大肚靚相正式公布。
今年三月低調完婚後,譚凱琪即被傳有喜,直到上月終於發布大肚靚相正式公布。
年初定妝照Zoie本 來 落 實演出《BB大晒》第二女主角,結果大肚推劇,角色由陳自瑤頂上。
年初定妝照Zoie本 來 落 實演出《BB大晒》第二女主角,結果大肚推劇,角色由陳自瑤頂上。

第三波後知驚禁足

本刊致電 Zoie,問候懷孕近況、又了解吓當天情況,好彩 Zoie再三澄情,本來的確喜歡行街市、享受入口食物自己採購自己把關,不過疫情再爆後,已經識驚全日留家:「嗰次去街市因為當時十幾日冇本地感染,身邊的確個個都放鬆咗好多。其實有 BB之前我都係鍾意煮又鍾意研究食材,屋企人飲食不嬲都係我負責採購。揀南山邨都係因為方便泊車啲嘢又齊,我諗住趁住個肚未係大、身體又冇乜不適,可以做就盡量做呀嘛。不過最近爆第三波,我真係乖乖再冇出街,買餸都係用apps叫人送上門嗰啲。」至於是不是為了養胎和腹中寶貝未來健康飲食學埋營養學,Zoie表示不盡是:「呢個課程可以長期報讀,初級、中級、高級之後再考埋認可都仲得。我個人飲食習慣一直都好檢點,無論中醫調理、食療保養都好有興趣留意開,咁有時間可以學多樣嘢,唔影響 BB又唔影響生活,就會繼續學落去。」

南山邨街市雖然歷史悠久貨齊又夠平,不過各個處理食物的檔主衞生意識就麻麻,唔戴口罩仲好奔放咁真空上陣。
南山邨街市雖然歷史悠久貨齊又夠平,不過各個處理食物的檔主衞生意識就麻麻,唔戴口罩仲好奔放咁真空上陣。
Zoie買了豬𦟌和瘦肉回家煲湯,不過同一張砧板切肉係佢、放銀紙都係佢,非常牙煙。
Zoie買了豬𦟌和瘦肉回家煲湯,不過同一張砧板切肉係佢、放銀紙都係佢,非常牙煙。
難怪各區街市成為疫症重災區要齊齊大清洗,繼續豬肉佬唔肯戴罩,去到買節瓜時,菜檔大媽又係冇罩經營。
難怪各區街市成為疫症重災區要齊齊大清洗,繼續豬肉佬唔肯戴罩,去到買節瓜時,菜檔大媽又係冇罩經營。
單拖買完肉買完瓜又再睇埋生果檔買牛油果做早餐,正如Zoie所講,一家人飲食都係靠佢一個打點。
單拖買完肉買完瓜又再睇埋生果檔買牛油果做早餐,正如Zoie所講,一家人飲食都係靠佢一個打點。
舊區街市的確平靚正又多選擇,一睇就知Zoie熟路,不過上上落落衞生欠佳、洗菜洗魚水周圍潑地下又濕滑,一個人買餸嘅Zoie一路行得小心翼翼。
舊區街市的確平靚正又多選擇,一睇就知Zoie熟路,不過上上落落衞生欠佳、洗菜洗魚水周圍潑地下又濕滑,一個人買餸嘅Zoie一路行得小心翼翼。
搬完一轉上車、再行埋雜貨舖,臨走又醒起未買廁紙又拎多卷。
搬完一轉上車、再行埋雜貨舖,臨走又醒起未買廁紙又拎多卷。

大肚後BB大晒 攻讀營養學自度安胎餐

拍拖八年年初結婚,Zoie婚後表示財政獨立、享受工作會繼續拍劇。不過果然小生命可以改變心態,今時今日工作事業大計完全不一樣:「生完之後仲會唔會工作,我真係唔知,唔知到時 BB出世之後會唔會唔捨得;讀營養學有冇機會繼續讀落去甚至做營養師,我都冇特別諗,呢個時候唔想畀太多壓力自己。不過我諗我都想湊 BB以外可以有適當嘅工作可以做,唔想淨係單一做個全職媽咪。」恐怕又多一個有戲又有觀眾緣靚媽媽將會淡出幕前踏入人生新階段!

▲時間多咗、肚入面仲有個細,Zoie重拾童年興趣搬番部琴出嚟彈,又自爆古典樂對個胎好,經常播貝多芬畀BB聽。
▲時間多咗、肚入面仲有個細,Zoie重拾童年興趣搬番部琴出嚟彈,又自爆古典樂對個胎好,經常播貝多芬畀BB聽。
據悉陀B將近六個月,Zoie加埋都係肥咗十磅,身體健康手腳纖瘦,長肉最多都係個胎。Zoei透露一向飲食習慣甚為檢點,亦有自家一套安胎營養秘技。▲有報告指出一日三餐最能夠被吸收營養、提供全日能量必屬早餐,Zoie話每日最用心、最多時間炮製就係自己份早餐,水果、穀類、蛋白質樣樣有齊。
據悉陀B將近六個月,Zoie加埋都係肥咗
十磅,身體健康手腳纖瘦,長肉最多都係個
胎。Zoei透露一向飲食習慣甚為檢點,亦有自
家一套安胎營養秘技。▲有報告指出一日三餐最能夠被吸收營養、提供全日能量必屬早餐,Zoie話每日最用心、最多時間炮製就係自己份早餐,水果、穀類、蛋白質樣樣有齊。
自細飲得湯水多,Zoie大個女獨立甚至婚後住埋,幾忙都非常注重老火湯水。尤其近月放假安胎,一個星期梗有三四次親自買料煲湯滋潤全家。
自細飲得湯水多,Zoie大個女獨立甚至婚後住埋,幾忙都非常注重老火湯水。尤其近月放假安胎,一個星期梗有三四次親自買料煲湯滋潤全家。
▲戒立雜、重營養過甜過鹹零食立雜嘢盡量少食,入得口都係天然有營食品為主。口痕想食脆卜卜零食,Zoie就介紹咗呢味羽衣甘藍脆片,又香口又健康。
▲戒立雜、重營養過甜過鹹零食立雜嘢盡量少食,入得口都係天然有營食品為主。口痕想食脆卜卜零食,Zoie就介紹咗呢味羽衣甘藍脆片,又香口又健康。

為人母往往想給兒女最好的,不少圈中女星就是在為人母後甚至十月懷胎
時,已經悉心研究食物營養和配搭,最後索性讀埋營養學,咁就包保寶貝仔女食入口最健康有營。

想一對兒女食營啲、又想做個好學好榜樣畀兒女睇,所以歐倩怡18年重拾書本修讀營養學,目標係做註冊營養師。
想一對兒女食營啲、又想做個好學好榜樣畀兒女睇,所以歐倩怡18年重拾書本修讀營養學,目標係做註冊營養師。
現時育有兩個女兒,張嘉兒大學時係營養學學士、近年又修多個香港大學公共衞生碩士,育兒心得特別多。
現時育有兩個女兒,張嘉兒大學時係營養學學士、近年又修多個香港大學公共衞生碩士,育兒心得特別多。
廿四孝家姐馮盈盈大學年代揀營養學,就係因為細佬從小體弱多病,希望學以致用幫細佬。
廿四孝家姐馮盈盈大學年代揀營養學,就係因為細佬從小體弱多病,希望學以致用幫細佬。

關鍵詞
譚凱琪