feat_1180_16

39歲關智斌魔鬼式操肌再玩濕身誘惑 唯美寫真集《尋蝶戀花》內容率先睇

娛聞

英皇藝人關智斌(Kenny)去年在紅館個唱盡騷爆肌身材令歌迷眼前一亮,十四年前出過寫真集的他今年再encore,把自己最完美的一面紀錄下來,寫真集在日本取景,Kenny花了六天走遍東京、伊東及大島三個區域,上山下水拍攝出這本唯美寫真《尋蝶戀花》。現年39歲的Kenny顏值高企多年,今次為影靚相絕無偷懶,日夜無間斷魔鬼式操肌,更大玩濕身誘惑,呈現另一種輕熟男性美。

撰文、圖片:東方新地

關智斌事隔13年再出寫真集

關智斌(Kenny)入行十七年,由歌手發展到演員,他對工作全情投入,由內至外都一直保持完美狀態,靚仔樣固然要keep,身材亦唔可以忽視。自26歲出過《尋找美惠》寫真集後,他一直念念不忘,去年開完紅館個唱,他開始著手籌備和策劃新的寫真集,終於在2020這個盛夏推出《尋蝶戀花》。

寫真集除了以騷肌作賣點外,團隊更遠赴日本取景拍攝,靚仔Kenny濕身chok樣,令粉絲相當期待。
寫真集除了以騷肌作賣點外,團隊更遠赴日本取景拍攝,靚仔Kenny濕身chok樣,令粉絲相當期待。
關智斌推出以健康生活為主題的實體寫真集《尋蝶戀花》,內有約180頁圖片和文字,因受疫情影響於網上發售。
關智斌推出以健康生活為主題的實體寫真集《尋蝶戀花》,內有約180頁圖片和文字,因受疫情影響於網上發售。
寫真集中Kenny會在面及身體放上蝴蝶標本及甚有日本色彩的鮮花,構圖非常新鮮。
寫真集中Kenny會在面及身體放上蝴蝶標本及甚有日本色彩的鮮花,構圖非常新鮮。

39歲關智斌魔鬼式操肌再玩濕身誘惑 唯美寫真集《尋蝶戀花》內容率先睇

赴日前做足準備

Kenny是完美主義者,為了以最弗狀態示人,赴日拍攝前他日
夜魔鬼式自我加操,胸肌脹卜卜,手臂愈來愈粗,「男神」以十四個不同的造型,道盡無數個成長中不同的情緒和故事。據知情者透露:「Kenny真係好緊張自己身形唔靚,今次寫真集雖然比較藝術,其實唔會有太多露肉相,但浸溫泉同濕身透視都要有美感,Kenny想身形keep住結實,完全冇疏懶,去健身室搵教練之餘,仲自己喺屋企狂操,佢愈操愈大隻,狀態真係超好。」

唔好以為Kenny天生有副好身材,其實03年初出道時的他是紙板人,得個瘦字。
唔好以為Kenny天生有副好身材,其實03年初出道時的他是紙板人,得個瘦字。
近年開始操大隻的Kenny,去年為了《 Kenny is Born 關智斌演唱會》日操夜操,曾經操到虛脫休克。一身肌肉受盡讚賞,Kenny一於keep住操,在影寫真前更魔鬼式自我加操,無間斷健身及做運動,更每星期檢查體重、體脂百分比、肌肉含量、內臟脂肪含量,再調節飲食令自己能以最佳狀態示人。
近年開始操大隻的Kenny,去年為了《 Kenny is Born 關智斌演唱會》日操夜操,曾經操到虛脫休克。一身肌肉受盡讚賞,Kenny一於keep住操,在影寫真前更魔鬼式自我加操,無間斷健身及做運動,更每星期檢查體重、體脂百分比、肌肉含量、內臟脂肪含量,再調節飲食令自己能以最佳狀態示人。

39歲關智斌魔鬼式操肌再玩濕身誘惑 唯美寫真集《尋蝶戀花》內容率先睇

39歲關智斌魔鬼式操肌再玩濕身誘惑 唯美寫真集《尋蝶戀花》內容率先睇

個唱勾起回憶靠寫真尋回自己

記:本刊記者 關:關智斌

記:點解會喺今年出寫真集?
關:其實我喺06年嘅時候,出咗一隻專輯連寫真集《尋找美惠》。我記得上年演唱會嘅時候,我唱番好多呢隻專輯嘅歌,因為呢隻專輯當時係一隻概念專輯,以「尋找」作為主題。而 喺演唱會之後,好多人都對當中嘅歌有回響,於是就諗其實經過咗咁多年,喺呢個尋找嘅過程,有冇尋找到呢?或者其實尋找嘅係咪真係一個人呢?究竟點樣再去探索自己呢?於是引申咗呢個《尋蝶戀花》寫真集,有少少係延續上次《尋找美惠》,事過境遷隔咗咁多年之後,究竟我喺呢個尋找嘅過程入面,有啲乜嘢得著呢?

Kenny表示女攝影師在拍攝過程中採用很多大自然元素,把他拍得非常唯美,又很有個性,這張半身赤裸貼上碎花的照片,相信大家都只專注在他的腹肌上。
Kenny表示女攝影師在拍攝過程中採用很多大自然元素,把他拍得非常唯美,又很有個性,這張半身赤裸貼上碎花的照片,相信大家都只專注在他的腹肌上。
提到寫真集內容,Kenny大賣關子,只表示其騷肌的比例應該比別人少,他更建議粉絲可將重點放在寫真集的取景和拍攝技巧上。
提到寫真集內容,Kenny大賣關子,只表示其騷肌的比例應該比別人少,他更建議粉絲可將重點放在寫真集的取景和拍攝技巧上。

記:今次本寫真,最想呈現到乜嘢畀大家睇?
關:其實我想講喺呢十幾年裡面,自己一啲成長嘅體會、對於一啲夢想嘅追求,同埋對於一啲理想嘅睇法,所以點解叫《尋蝶戀花》,「蝶」係有蝴蝶破繭而出嘅意思、繁花盛放嘅一個感覺,所以我希望會呈現到畀大家睇經過呢十幾年嚟自己嘅一個成長,就用咗蝴蝶同花去呈現。

Kenny的寫真集由香港新生代攝影師Miss Bean(羅豆)操刀,這位女攝影師曾追隨國寶級攝影師瀧本幹也研修,這次一行人前往東京,展開了數個不同主題的色調、燈光、情懷的創作之旅。
Kenny的寫真集由香港新生代攝影師Miss Bean(羅豆)操刀,這位女攝影師曾追隨國寶級攝影師瀧本幹也研修,這次一行人前往東京,展開了數個不同主題的色調、燈光、情懷的創作之旅。
寫真集全以菲林拍攝,攝影師希望能保存時光的真實感,不少靚相都在天然光線下進行拍攝,拍出Kenny自然的一面。
寫真集全以菲林拍攝,攝影師希望能保存時光的真實感,不少靚相都在天然光線下進行拍攝,拍出Kenny自然的一面。
Kenny表示想讓生命結合藝術,讓寫真集的文藝和詩意水平得到提升,所以會遊走在復古和現代之間的氛圍、主題及設計,這個造型甚有《阿飛正傳》feel。
Kenny表示想讓生命結合藝術,讓寫真集的文藝和詩意水平得到提升,所以會遊走在復古和現代之間的氛圍、主題及設計,這個造型甚有《阿飛正傳》feel。

與新晉女攝影師有火花

記:整個拍攝有乜嘢係最難忘?
關:其實有好多部分都好難忘,最難忘係今次嘅攝影師羅豆,佢係一個新晉嘅女攝影師,曾經喺日本跟大師學藝,所以佢呈現出嚟嘅風格係好配合我今次喺東京嘅主題。今次拍攝取景嘅地方除咗我哋睇開嘅東京,佢搵咗好多好特別嘅地方,而我哋喺東京成日去玩嘅時候都冇發掘過嘅,佢帶咗我哋去伊豆一個好有特色、好古舊又有啲詭異美麗嘅一間酒店;又去咗一個叫「大島」嘅地方,我亦都冇諗過日本竟然有啲好似火星、沙漠咁嘅地方,所以整個拍攝過程入面,location對我嚟講其實係幾難忘。

Kenny把寫真集之旅東京篇 Vlog放上網,積極為自己宣傳,他表示花絮跟寫真集的風格截然不同,笑言鏡頭後的自己比較騎呢。
Kenny把寫真集之旅東京篇 Vlog放上網,積極為自己宣傳,他表示花絮跟寫真集的風格截然不同,笑言鏡頭後的自己比較騎呢。
猶如火星、沙漠的拍攝景點
猶如火星、沙漠的拍攝景點

記:咁有冇遇到有趣嘅事?
關:其實成個拍攝過程都好有趣,大家喺鏡頭前睇到我哋一啲好靚嘅相,其實背後過程都有少少辛酸。首先當時天氣都幾凍,然後又會黐一啲蝴蝶標本喺身上,同埋我又要含住朵花喺個口去影相,呢啲都幾有趣。每日收咗工之後,我哋一大班工作人員都會齊齊去食好多嘢、飲吓酒,成個過程好開心,因為成個團隊都真係好好玩。

上月端午節,受疫情影響留家多時的Kenny於 IG上載出海滑水英姿,一身健康膚色加上強勁臂彎,再加上影寫真上癮 chok到爆,引來粉絲瘋狂畀Like。
上月端午節,受疫情影響留家多時的Kenny於 IG上載出海滑水英姿,一身健康膚色加上強勁臂彎,再加上影寫真上癮 chok到爆,引來粉絲瘋狂畀Like。

39歲關智斌魔鬼式操肌再玩濕身誘惑 唯美寫真集《尋蝶戀花》內容率先睇

記:你自己最鍾意邊張相?或者係邊一part?點解?
關:我自己最鍾意係喺溫泉,有半邊面浸咗喺水嗰度嗰一part,其實嗰一part唔係好辛苦,因為啲水好彩係暖,不過我覺得喺成個水池入面擺咗好多好靚、日本當造嘅花,後面又有幅好靚嘅壁畫係一個富士山,成個意境好代表到日本嘅文化,成個構圖好靚,我最鍾意呢輯相。但如果係最難嘅一輯,就應該係「弓道」,因為當日真係有個老師教我點樣去擺嗰啲姿勢,日本人學嘢真係會用好多時間心機去學,所以其實嗰啲姿勢真係唔係一時三刻就可以擺到出嚟,嗰日嘅學習過程,老師都幾惡,我又要好快又要投入到個狀態,所以嗰一part「弓道」嘅相,應該係最辛苦。不過影出嚟嘅效果真係有嗰種「弓道」嘅感覺、係一個再出發嘅感覺,睇番啲相我覺得真係好滿意。

39歲關智斌魔鬼式操肌再玩濕身誘惑 唯美寫真集《尋蝶戀花》內容率先睇

Kenny 早前推出新歌〈日月〉,這歌是想送給所有在他生命中幫過他的人,他更拍膊頭搵關爸爸客串演出MV,原來 Kenny有個官仔骨骨的爸爸,他表示其演藝天份也遺傳自爸爸。
Kenny 早前推出新歌〈日月〉,這歌是想送給所有在他生命中幫過他的人,他更拍膊頭搵關爸爸客串演出MV,原來 Kenny有個官仔骨骨的爸爸,他表示其演藝天份也遺傳自爸爸。

今時今日,出寫真已非女藝人專利,有樣有身材的Kenny兩度出寫真,而且深受粉絲歡迎,證明美男一樣可以吸睛。今年因為疫情關係大家冇得出外去旅行,咁就等Kenny帶大家眼睛去旅行啦!

在電影《墮落花》中,Kenny演有毒癮的毒販,更與溫碧霞、郭奕芯、莊端兒連場肉搏,是入行以來第一部三級片,他被大讚演戲愈來愈放,一點偶像包袱也沒有。
在電影《墮落花》中,Kenny演有毒癮的毒販,更與溫碧霞、郭奕芯、莊端兒連場肉搏,是入行以來第一部三級片,他被大讚演戲愈來愈放,一點偶像包袱也沒有。

39歲關智斌魔鬼式操肌再玩濕身誘惑 唯美寫真集《尋蝶戀花》內容率先睇

五年冇拍劇的Kenny,早前在網劇《戰毒》中與黃宗澤及吳卓羲組成「泰國三兄弟」,以臥底身份進入毒品集團查案,Kenny更犧牲色相,穿上囚衣捱打到吐血,博到盡。
五年冇拍劇的Kenny,早前在網劇《戰毒》中與黃宗澤及吳卓羲組成「泰國三兄弟」,以臥底身份進入毒品集團查案,Kenny更犧牲色相,穿上囚衣捱打到吐血,博到盡。

39歲關智斌魔鬼式操肌再玩濕身誘惑 唯美寫真集《尋蝶戀花》內容率先睇

讀者留言