feat_1171_17

39歲陳茵媺做超能媽咪 愛妻號陳豪疫市下照加家用兼狂送名牌袋

近日趕拍劇集《陀槍師姐2020》的陳豪,就成疫市奇「爸」,令一班無綫藝人羨慕不已!有指19年陳豪以3,000萬包薪經理人約續約留無綫,成功避過近大半年經濟衰退,即使連月來商業賺錢活動全面叫停,收入亦冇受影響,個個月仍有幾十萬糧落袋,停工一年照袋千萬,疫市行運,獨養九口之家(一家五口、陳母及三個工人)一樣冇難度,老婆陳茵媺不停換Hermès包包,對阿Mo來說都只是濕濕碎!

撰文、圖片:東方新地

陳茵媺做超能媽咪一個湊三個無難度

陳豪忙拍劇賺錢養家,老婆陳茵媺一樣為頭家非常忙碌,事源自農曆年後學校全面停課,三個寶貝留家抗疫, Aimee亦要出盡法寶哄三個仔女,除了輔導功課,仲會諗好多家中活動陪仔女一齊做,有時又去行山、去沙灘玩,同時在四月生日的陳豪夫婦和孻女Camilla,Aimee更為大家親整愛心蛋糕,單是為孻女便炮製了六個不同款式蛋糕之多,一妻當關令外出工作的陳豪十萬個放心。據知情者透露:「Aimee係廿四孝好媽媽,雖然屋企有三個工人,但佢湊仔女唔會翹埋手等工人做,反而自己乜都親力親為,佢好鍾意陪仔女玩,諗好多親子活動,等仔女唔會悶又學到嘢,佢試過拖住二仔Nathan又抱住個女Camilla,行三百級樓梯上石板街睇醫生,為咗仔女完全唔會覺得辛苦,真係個SuperMom,抵阿Mo咁錫佢!」

陳豪與陳茵媺是圈中模範夫婦,恩愛表現時刻甜到漏,近年兩人便不時透過社交網,分享一家五口幸福生活放閃,羨煞旁人!
陳豪與陳茵媺是圈中模範夫婦,恩愛表現時刻甜到漏,近年兩人便不時透過社交網,分享一家五口幸福生活放閃,羨煞旁人!
陳豪賺錢能力高企,老婆陳茵媺就係Super Mom,入得廚房出得廳堂,打理頭家頭頭是道,近日更在家中學埋打燈影相。
陳豪賺錢能力高企,老婆陳茵媺就係Super Mom,入得廚房出得廳堂,打理頭家頭頭是道,近日更在家中學埋打燈影相。
又多次一個人帶三仔女返加拿大娘家放暑假,魄力驚人。
又多次一個人帶三仔女返加拿大娘家放暑假,魄力驚人。

39歲陳茵媺做超能媽咪 愛妻號陳豪疫市下照加家用兼狂送名牌袋

被老公稱為Chef Aimee的 陳太,拿手美食多不勝數,教仔女又親力親為,經常同三子女齊齊整蛋糕、曲奇親子樂。
被老公稱為Chef Aimee的 陳太,拿手美食多不勝數,教仔女又親力親為,經常同三子女齊齊整蛋糕、曲奇親子樂。

陳豪錫老婆疫市下照加家用

為獎勵老婆,賺錢冇難度的陳豪,更在疫市加家用, Aimee可以放心扮靚無後顧之憂。據知情者透露:「阿Mo好錫老婆,成日都會製造驚喜畀Aimee,佢知道老婆喺屋企睇住幾個細路唔容易,又為咗佢同班仔女放棄咗自己鍾意嘅演藝事業,阿Mo都好心疼老婆為自己犧牲咁多,佢更加愛錫老婆,除咗一得閒就幫手湊仔,亦會成日買禮物送驚喜畀老婆,非常浪漫!總之佢時刻都希望氹老婆開心。」

"除了是顧家好男人,陳豪更是超級暖男,結婚快將七年對Aimee疼愛有增無減,經<br

見近日新冠肺炎疫情緩和,愛妻號陳豪就趁放假陪老婆外出拍拖享二人世界,日前就駕車同老婆出巡,去淺水灣寓所附近的The Pulse行街街,當日兩公婆一身casual wear,而一身運動服裝的Aimee更行頭十足,左手戴著六卡鑽戒,又戴上兩卡的鑽石耳環,雖然當日未有出動至愛的Hermès包包,反而斜孭住一個Prada腰包,打扮時尚,同型佬老公陳豪一齊行運動用品店,窩心老公全程陪老婆揀波鞋,樣樣有商有量,不過最後都揀唔啱款式, Aimee只睇中一個用來做伸展運動的儀器,陳氏夫婦恩愛放閃光彈,見到記者亦表現友善,揮晒手同記者打招呼,當紅又有品,呢啲咪係成功之道囉!

為避炎閉關多時,見近日疫情開始穩定下來,陳豪即刻做窩心老公,陪老婆出外放風兼行街買嘢,當日兩公婆在淺水灣The Pulse睇運動用品。
為避炎閉關多時,見近日疫情開始穩定下來,陳豪即刻做窩心老公,陪老婆出外放風兼行街買嘢,當日兩公婆在淺水灣The Pulse睇運動用品。
陳豪同老婆陳茵媺拍拖行街放閃,出名親民的陳氏夫婦,遇見記者表現友善,主動和記者揮手打招呼。
陳豪同老婆陳茵媺拍拖行街放閃,出名親民的陳氏夫婦,遇見記者表現友善,主動和記者揮手打招呼。
陳氏夫婦愛情恒久保鮮,兩公婆更似足熱戀情侶,揀嘢有商有量,對住甜心老公,Aimee更開心到掩住口罩笑到現出腰果眼,真係隔住個芒都畀佢哋燦爆!
陳氏夫婦愛情恒久保鮮,兩公婆更似足熱戀情侶,揀嘢有商有量,對住甜心老公,Aimee更開心到掩住口罩笑到現出腰果眼,真係隔住個芒都畀佢哋燦爆!

39歲陳茵媺做超能媽咪 愛妻號陳豪疫市下照加家用兼狂送名牌袋

揀唔啱波鞋,陳茵媺則買了一個用來做伸展運動的儀器,看來是用來留家做運動,得老公加家用的Aimee,當日就負責畀錢。
揀唔啱波鞋,陳茵媺則買了一個用來做伸展運動的儀器,看來是用來留家做運動,得老公加家用的Aimee,當日就負責畀錢。
過馬路期間,陳豪都體貼伸手扶住老婆!
過馬路期間,陳豪都體貼伸手扶住老婆!
為方便仔女返學,陳豪以月租十萬租住淺水灣寓所,陳氏夫婦行完街返家都係幾分鐘路程。
為方便仔女返學,陳豪以月租十萬租住淺水灣寓所,陳氏夫婦行完街返家都係幾分鐘路程。

做愛妻號名牌袋任買

有個賺到錢又錫自己嘅「絕世好老公」,陳茵媺可以放心扮靚, 近年更成為名牌Hermès超級粉絲,換包包頻率驚人,每有新款Hermès推出, Aimee都追到貼, 桃紅色Hermès Birkin要七萬 元, 又用過十萬的Hermès背囊,Garden Party亦有齊粉紅及鮮橙系列,18年生日又得老公送贈12萬的限量版Hermès包包, 睇 陳豪出手如此闊綽,就知他幾錫老婆!

39歲陳茵媺做超能媽咪 愛妻號陳豪疫市下照加家用兼狂送名牌袋

39歲陳茵媺做超能媽咪 愛妻號陳豪疫市下照加家用兼狂送名牌袋

39歲陳茵媺做超能媽咪 愛妻號陳豪疫市下照加家用兼狂送名牌袋