feat_1156_tin

42歲田蕊妮效力無綫12年不再續約 臨別秋波大酬賓

亞視出身、無綫走紅奠定其當家花旦地位仲攞埋雙料視后,可惜天下無不散之 筵席,效力TVB十二年至去年開始傳出離巢不續約消息,日前田蕊妮終於回應傳媒正式宣布向外闖,連老公杜汶澤都慨嘆:「只能說一句,替TVB難過。」

撰文、圖片:東方新地

田蕊妮唔心急工作馬不停蹄瞬間看地球

向外闖即係闖去邊呢?暫時未有消息話阿田會過檔任何公司,反而有網友提議 佢加入杜汶澤嘅網台一於兩公婆齊上齊落,不過阿田一概冇回應話新計劃落實前先闖去瞬間看地球喎!講到做到呀,呢排阿田馬不停蹄走勻西藏、尼泊爾、怡保,真係盡情享受自由空氣,一償做個旅行家心願。

其實去年九月宣傳完劇集《她她她的少女時代》,

阿田已經出 po 話同各位同事「江湖再見」,預告 離巢。
其實去年九月宣傳完劇集《她她她的少女時代》,阿田已經出 po 話同各位同事「江湖再見」,預告離巢。
杜汶澤嘅網台搞得有聲有色,阿田就算唔撈都唔成問題啦!
未來動向未落實未公布,阿田話放自己半年假做旅行家,早排去完尼泊爾又飛怡保歎世界。

返電視城趕最後工作 粉絲集郵人人有份大酬賓

遊足幾個月,又係時候返嚟現實世界,話說同無綫最後一份約尚欠幾個月至 滿,日前阿田就帶埋助手返無綫開工,化行妝set行頭拍攝賀歲節目。話晒效力十二年、年資仲長過娘家亞視,唔知係咪出入電視城機會買少見少始終唔捨得,呢日拖住大篋收工走人,阿田面上係有啲欷歔!出到電視城門口,被大批粉絲爭相集郵,阿田亦冇托手踭人人有份,就當臨別秋波大酬賓!

雖然正式宣布唔續約,但田蕊妮同無綫合約其實仲未滿,所以日前阿田都返咗電視台盛裝錄影賀年節目。
門口有大批粉絲接收工,影合照機會開始倒數,阿田有求必應盡量滿足大家。
在電視城出 入機會買少見少,阿田收工離 開時面容欷歔有點兒落寞。
當日錄影時間唔長,阿田貪方便將座駕泊喺電視城對開馬路,收工即可上車返歸。