43歲少爺占疫情下廚藝進步 搣甩「地獄廚神」稱號
廣告
近來因新冠肺炎,學生持續停課,唔少打工仔又轉為WFH,大家都聽從醫生建議,盡量避免聚會同出外。冇得出街食,又要慳口罩,最好方法當然自己下廚,唔少人因呢次疫情廚藝進步不少,地獄廚神都搣甩呢個稱號!其中一個成功例子就係少爺占啦!
撰文、圖片:東方新地
少爺占疫情下廚藝進步日台泰菜都識煮
商台DJ少爺占(甄子康)都變成一家之煮,近來只要6歲囝囝Timmy話想食乜,少爺占都想盡辧法煮出嚟,好似台式肉燥飯、泰式冬陰功、日式溫泉蛋等,主菜之外,連甜品都炮製埋,呢個老竇真貼心 ﹗唔單止咁,為了停課的Timmy安排活動,少爺占仲安排親子焗麵包㖭!

