43歲陳山聰宣布做老竇 求子心切結婚4個月即造人成功

娛聞

廣告

曾經失戀失財失業仲一鋪清袋失埋形象,2019年絕對係陳山聰跌倒後再爬起身人生最豐收嘅一年,去年11月同拍拖多年嘅圈外女友Apple拉埋天窗,一直恨做爸爸嘅 山聰日前終於如願以償,宣布老婆有喜!

撰文、圖片:東方新地

陳山聰老婆有喜 緊張過中六合彩

山聰喺IG上載跪地錫錫老婆肚皮相,報喜留言:「我老婆情人節好少會畀驚喜 我,不過今年佢送咗份我最想要又好鍾意嘅禮物,感恩上天賜畀我哋一粒小蒜 頭。2020我又多一個身份『陳爸』,我會努力好好保護同照顧你同媽媽,希望你可以 健康快樂成長。」山聰話平時老婆對佢照顧周到,今勻輪到佢煲湯畀老婆飲:「真係一 鋪還番晒!」山聰笑言等待確認好消息一刻非常緊張:「真係緊張過中六合彩!」

去年11月結婚,二月就有好消息,證明山聰真係求子心切,一直不設防努力造人
去年11月結婚,二月就有好消息,證明山聰真係求子心切,一直不設防努力造人
宣布老婆有喜,陳山聰表現興奮:「真係忍得好辛苦,終於可以宣布。
宣布老婆有喜,陳山聰表現興奮:「真係忍得好辛苦,終於可以宣布。
爸爸順便大晒BB嘅超聲波照片。
爸爸順便大晒BB嘅超聲波照片。
同時宣布有喜嘅楊怡亦有喺IG留言恭喜山聰,並指大家可以組成 BB團!
同時宣布有喜嘅楊怡亦有喺IG留言恭喜山聰,並指大家可以組成 BB團!

終有代表作 最感謝老婆支持

陳山聰終於擔正擁有第一個演藝代表作《金宵大廈》,又攞埋《萬千星輝最受歡迎拍檔大獎》,最大收穫就梗係娶到患難見真情嘅老婆何麗萍(Apple)啦!所以呢,山聰都真係好識感恩又珍惜呢個好老 婆,豬年最後一個po發表感言話娶到個好老婆,鼠年第一po又係同老婆一 齊拜年,恩愛到呢!

43歲陳山聰娶到好老婆 名牌男變住家男

陪在身邊由人生最低谷爬番起身,老婆Apple被山聰視為人生最大收穫。豬年最後一po同鼠年第一 po都係同老婆晒恩愛,仲有佢最錫嘅姨甥女。
陪在身邊由人生最低谷爬番起身,老婆Apple被山聰視為人生最大收穫。豬年最後一po同鼠年第一 po都係同老婆晒恩愛,仲有佢最錫嘅姨甥女。
今時唔同往日,家陣勤力工作謙虛咗踏實咗,呢頭過完年,山聰已孖陳煒飛咗去加拿大登台搵錢。
今時唔同往日,家陣勤力工作謙虛咗踏實咗,呢頭過完年,山聰已孖陳煒飛咗去加拿大登台搵錢。

名牌男唔逛名店變住家男

最緊要嗰樣,係山聰愛錫老婆唔係得把口,日前就見佢唔使開工,特登揸車過海出銅鑼灣接Apple收工,見早到咗仲有大把時間,仲走去家俬店睇 吓有乜家居用品添置!新婚燕爾剛剛置頭新家,梗係好多日用品要睇要添置,以前渾身名牌只會逛名店,今日踎低起身睇吓碗碟又度吓窗簾尺吋,真係踏實咗大個仔咗,絕對係廿四孝老公潛力股!

太太從事美容生意,日前山聰唔使開工就專登過海去銅鑼灣接老婆收工。
太太從事美容生意,日前山聰唔使開工就專登過海去銅鑼灣接老婆收工。
預多咗時間,順便去睇碗碟又度窗簾,睇怕愛巢布置都係由陳山聰一手包辦。
預多咗時間,順便去睇碗碟又度窗簾,睇怕愛巢布置都係由陳山聰一手包辦。
「潮山聰」之稱嘅陳山聰向來對衣著講究,以前見佢都係行時裝名店 多,婚後即變身住家男轉睇家居用品。
「潮山聰」之稱嘅陳山聰向來對衣著講究,以前見佢都係行時裝名店 多,婚後即變身住家男轉睇家居用品。

關鍵詞
陳山聰