kathy_

法籍老公啜女斷正!沉默半個月 45歲周汶錡終開腔回應

45歲的周汶錡(Kathy)集名模與索媽於一身, 12年與法籍富老公Julien Lepeu大搞千萬夢幻婚禮,活像童話中的王子與公主,之後以高齡生埋兩個混血囝囝Jacques(4歲)及Avner(2歲),一家四口幸福滿瀉不時在社交網大放閃光彈。去年9月周汶錡才與老公 Julien慶祝結婚七周年,但原來七年之癢並未順利過渡。 即使除夕元旦一齊過,農曆年又舉家去完法國度假,但 Julien依然死性難改,早年與周汶錡拍拖時曾被影到啜爆奀星張苡嬍,今次更加膽生毛,在距離淺水灣寓所只5分鐘車程的深水灣,與貌似Mandy Lieu的外籍女於茶座纏綿,互啜攬實搞到㷫烚烚,最後同車離開繼續happy。沉默了半個月多,Kathy 終於在23日首度在IG發言…

撰文、圖片:東方新地


最新情況:周汶錡借兒子生日相回應

一直沉默面對的Kathy在事隔差不多半個月後在個人IG 終於發聲,以小兒子3歲生日的照片回應近來傳聞。Kathy首先多謝家人朋友的關心,再來指出最近的事件是她和丈夫「人生重要的功課」,彼此會努力改善關係、解決問題,Kathy更在最後希望大家在疫症當中保持身心健康。Kathy大方的回應得到一眾網民的支持,亦有少部份網民在留言揶揄。
法籍老公啜女斷正!沉默半個月 45歲周汶錡終開腔回應


部份網民回應:

法籍老公啜女斷正!沉默半個月 45歲周汶錡終開腔回應

周汶錡情傾法國型男姊弟戀修成正果

周汶錡(Kathy)憑甜美面孔與高䠷身形,出道不久已躋身名模之列,感情史除了杜德偉,還有大量名人及富家子追求,06年遇上比她細三年的鑽石級筍盤Julien Lepeu,來自法國的型男正是Kathy那杯茶,拍拖六年雖然曾有暗湧,甚至有傳因女方逼婚不遂而一度分手,但12年9月終於修成正果,在法國南部的古城格拉斯(Grasse)舉行浪漫婚禮,此後夫婦二人恩愛無比,15年Kathy更以41歲的高齡誕下大仔Jacques。

周汶錡和法籍丈夫Julien Lepeu拍拖六年,終於12年修成正果,在法國古堡莊園Chateau Diter舉行千萬豪華婚禮,二人有如童話故事中的主角。
周汶錡和法籍丈夫Julien Lepeu拍拖六年,終於12年修成正果,在法國古堡莊園Chateau Diter舉行千萬豪華婚禮,二人有如童話故事中的主角。

"去年9月慶祝了結婚七周年,周汶錡與Julien今年還放閃過除夕,與大班好友在外地倒數迎接新一年。<br

早前周汶錡夫婦還帶埋囝囝一起去滑雪,過了一個白色農曆新年。
早前周汶錡夫婦還帶埋囝囝一起去滑雪,過了一個白色農曆新年。

寓所附近會女無懼疫情忘形狂啜連環圖!

兒子出世後,Kathy與Julien都盡力做個稱職父母,Kathy在 Jacques一歲多再陀第二胎,產後未有放棄名模工作,而老公Julien無時無刻都表現出廿四孝爸爸的模樣,閒時湊仔為樂,但原來全部都是假象,趁老婆Kathy出埠,就是作反的好時機。早前本刊記者在深水灣的沙灘茶座見到Julien,該處與他位於淺水灣的家只相距不多於 5分鐘的車程,他把其白色開篷Benz停泊於路邊錶位,身邊女伴並非 老婆Kathy,而是一位貌似Mandy Lieu的外籍中女。

這日下午5時許,周汶錡老公Julien與一名貌似Mandy Lieu的女伴,在深水灣茶座見面。
這日下午5時許,周汶錡老公Julien與一名貌似Mandy Lieu的女伴,在深水灣茶座見面。

唔使熱身已經埋牙,不停啜嘴交換口水,二人均表現興奮。
唔使熱身已經埋牙,不停啜嘴交換口水,二人均表現興奮。

Julien平時左手無名指有戴婚戒,這日會女卻未有戴上婚戒。
Julien平時左手無名指有戴婚戒,這日會女卻未有戴上婚戒。

當時已下午5時許,Julien的女伴點了一碟雞翼飯,如狼似虎大 啖食,Julien飲啤酒陪食,飽肚後二人愈坐愈埋,傾偈深情互望一 輪,就開始埋牙激咀,在新冠肺炎肆虐下,冇戴口罩之餘,二人還毫不避忌交換口水,次數多到數唔到,總之邊飲邊傾一有眼神交流就啜,像極一對熱戀中的情侶般欲罷不能。現場所見,Julien望住女伴即呈現心心眼,不時溫柔地撫摸對方的頭髮又錫額頭,女伴亦含春畀反應,二人有大量的身體接觸而毋須熱身,關係非比尋常。攬實享受二人世界一個半小時後,Julien埋單去攞車,女伴亦先去洗手間,然後跳上他的車一同離開,車子經香港仔隧道極速行走。


Julien連飲三杯啤酒,女伴叫了一碟雞翼飯大啖食,其間Julien食指大動,徒手執飯放入口,好豪氣。
Julien連飲三杯啤酒,女伴叫了一碟雞翼飯大啖食,其間Julien食指大動,徒手執飯放入口,好豪氣。

食吓飲吓又互啜吓,二人十指緊扣面貼面,Julien更用鬍鬚不停摩擦女伴的面,女方一臉受落。
食吓飲吓又互啜吓,二人十指緊扣面貼面,Julien更用鬍鬚不停摩擦女伴的面,女方一臉受落。

"由坐低開始,二人真係啜嘴未停過,絕對唔會係初相識。<br

現場所見,二人好似初戀一樣,攬實狂咀如入無人之境,仲不時互望傳情,甜蜜程度爆燈。
現場所見,二人好似初戀一樣,攬實狂咀如入無人之境,仲不時互望傳情,甜蜜程度爆燈。

Julien埋單去攞車,女伴先去洗手間,原來中女版Mandy Lieu身形高大,身材亦豐滿,
Julien埋單去攞車,女伴先去洗手間,原來中女版Mandy Lieu身形高大,身材亦豐滿,

之後坐上Julien架白色開篷Benz離開。
之後坐上Julien架白色開篷Benz離開。

Julien早有前科 曾啜奀星酒吧攬女

身為人夫人父的Julien,已把妻與子拋諸腦後,只顧埋頭沉醉於溫柔鄉,這日就連婚戒都除得快,一身輕鬆晒。據知情者透露:「法國人天生就好感 性同鍾意追求心靈溝通,Julien都唔例外,佢好易就動情,之前同Kathy未結婚已經有前科畀人影過啜奀星,有女人自動埋身,佢真係好易出事。其實早半年已有人見過Julien喺中環Soho成日同一個外籍女仔一齊食飯同飲嘢,不過Kathy眼不見為乾淨!估唔到佢愈嚟愈大膽,約個女仔喺屋企附近見面,佢可能諗住自己最近發福咗唔少,外國人個樣個個差唔多,冇人認到佢,點都好,佢今次真係玩火。」


上月情人節,周汶錡只在社交網上載兩個仔在其結婚畫像前的照片放閃,未見有任何慶祝活動。
上月情人節,周汶錡只在社交網上載兩個仔在其結婚畫像前的照片放閃,未見有任何慶祝活動。

周汶錡冷靜回應:「唔好問我!」

記:呢排疫情咁嚴重都帶小朋友出街?
周:佢哋出嚟剪頭髮。

記:上個月情人節唔見你同老公Julien一齊出嚟嘅?
周:佢飛咗!

記:我哋影到佢同一個女仔出街仲有親熱行為,你識唔識個女仔?(遞上Julien與女友的親熱照給她過目)
周:(瞄了照片兩秒)咩事呀你哋?

獨家!45歲周汶錡婚姻難敵七年之癢 法籍老公住所附近啜女遭斷正


記:你老公近排係咪成日出街?
周:吓!唔好再問喇!唔好問我!

記:佢同個女仔好似唔止一次一齊出去?
周:係咪呀?

記:咁你有冇嘢想回應?
周:冇呀!唔該,bye bye!

上周二 (3日) ,周汶錡一拖二到達銅鑼灣利舞臺,帶兩個仔去剪頭髮,Jacques與Avner等𨋢時好調皮周圍走,搞到媽咪手足無措。
上周二 (3日) ,周汶錡一拖二到達銅鑼灣利舞臺,帶兩個仔去剪頭髮,Jacques與Avner等𨋢時好調皮周圍走,搞到媽咪手足無措。

周汶錡睇完本刊記者遞上老公Julien與女友人親熱的照片,反應冷靜刻意迴避。
周汶錡睇完本刊記者遞上老公Julien與女友人親熱的照片,反應冷靜刻意迴避。

隨即拉住兩個仔入𨋢,顯然唔想面對。
隨即拉住兩個仔入𨋢,顯然唔想面對。

下一頁:周汶錡厚底老公啜女斷正後扮無事 2日後陪仔去沙灘 「好爸爸」上身