os_feat_1150_karen

49歲莫文蔚25周年香港個唱撻Q 紅館唔批場淚灑台灣舞台

人生有幾個十年,何況係25周年,當然好值得慶祝,莫文蔚為紀念入行廿五年,去年已籌備舉行超大型的世界巡迴演唱會,更計劃以香港為終站,作為事業一個里程碑,可惜紅館唔批期,令她大失預算,惟有變陣做完外地巡唱再返香港唱,年半以來走遍大江南北及世界各地,甚至是首位華人女歌手在倫敦、巴黎、日本以及拉薩等地開騷,不過人生總有不完美,計劃在今年元宵舉行的巡唱香港最終站,卻被紅館拒絕而撻Q,日前在台北小巨蛋舉行演唱會,香港開騷心願落空的她,個唱臨近尾聲已難掩激動灑淚,揚言唔知幾時會再開演唱會!看來香港開唔成騷,的確為她的25周年留 下遺憾!

撰文、圖片:東方新地

莫文蔚入行廿五年 終點站紅館唔批期

為紀念入行廿五年,莫文蔚早在去年已計劃在紅館開show,作為 世界巡唱第一站,演唱會由藝能主辦,不過,兩度入紙都畀紅館拒 絕。據知情者透露:「喺呢個圈廿五年,仲可以開到大型演唱會,真係唔容易,所以上年決定做25周年世界巡唱,Karen已經好落力操fit,亦 入紙申請紅館檔期,好想喺自己地方開騷作為紀念,不過紅館唔批期,打亂晒佢嘅計劃,因為內地和外地都有好多地方傾好咗開騷,場地 更加係可以容納幾萬人嘅場館,咁佢惟有喺外邊唱先,諗住今年巡唱完返香港做終點站!」

 先後已在世界各地舉行了 40 多場巡唱,

莫文蔚更每站都換歌衫,相當揼本!
先後已在世界各地舉行了 40 多場巡唱,莫文蔚更每站都換歌衫,相當揼本!
上周在台北小巨蛋二度舉行 25 周年世界巡唱,更唱足兩場,尾場當晚在台上 high 爆的她,唱至興起更除去上衣,露出內裡的運動 bratop , 49 歲依然身形 fit 爆!

首位倫敦日本開show華人女歌手 終站香港撻Q

這一年半以來,莫文蔚先後唱了40多場巡唱,更是首位華人女歌手在倫敦、巴黎、日本等地開show,紀錄輝煌,不過原本計劃在今年元宵前夕(明年2月8日)在香港舉行的巡唱最終站,最終又畀紅館拒批 期,準備好的歌衫和Rundown 都用唔著,令她大失所望。據知情者透露:「被拒後佢即刻再入紙申請下年元宵開騷,外邊做到咁好成績,又知道同期冇藝人攞期,佢都好有信心可以如期開騷,為演唱會完美總結,所以都準備咗唔少靚衫,Rundown 亦plan好晒,始終香港人口味同外邊地方好唔同,佢加咗好多廣東歌,仲叫晒自己班好朋友留定檔期嚟捧場,當知道攞唔到期,佢真係好失落!」

音樂和電影事業在莫文蔚生命同樣重要,96年推出大碟《全身莫文 蔚》時,她更全裸拍唱片封套,大膽創新成為佳話!
相比唱歌,莫文蔚在香港的電影事業更輝煌,曾經同周星馳合作擦出唔少火花,當中《食神》及《喜劇之王》都令人印象深刻。

淚灑台灣舞台最後一次演唱會失望結尾

香港開唔成,日前在台北小巨蛋連開兩場演唱會的她,臨近尾聲對住過萬觀眾演唱〈不散不見〉時,已在台上激動爆喊表示:「我好少喊,因為咁大型嘅演唱會應該好難再做,事情都要有一個結尾,也要好好的到達終點,不要拖拉!看到我的眼淚好值錢!」明年六月便踏入50歲,已決定唔再開演唱會的莫文蔚,被紅館拒絕唔失望就假!

莫文蔚去年六月已在全世界展開巡唱, 地方遍及中國各地,甚至去到日本、巴黎及倫敦開騷, 觀眾入場人數屢破紀錄,不過, 偏偏籌備多時的元宵前夕(明年 2月8日)香港站,因紅館唔批期而撻Q!日前她在台灣站台,激動爆喊!
「絕色世界巡迴演唱會」在去年12月已登上台北小巨蛋, 當時Karen老公Johnannes 亦有上台賀老婆,更與老婆擁抱及拖手陪唱,不過, Karen(莫文蔚)原本預咗香港站再邀老公上台的計劃已成泡影。

謝霆峰、周國賢都失敗 紅館批期冇準則

紅館批期冇準則,亦唔係鬥快,即使大受歡迎及有叫座力,一樣慘被紅館拒絕!不過亦有新進歌手如吳業坤、Dear Jane 被批上到紅館,認真估佢唔到!

謝霆鋒申請今年年底紅館檔期開騷被拒, 紅館轉批明年四月檔期給他,可惜日期只得兩日,對有叫座力的霆鋒來說,真係搭台時間都唔夠,難怪令粉絲嬲爆!
周國賢八年來每年都入紙申請紅館檔期,但政府唔批,今年最終在麥花臣球場開騷。
陳小春「Stop Angry」 演唱會由去年申請紅館檔期,先後入紙申請十次一樣唔批!