51歲王馨平留家抗疫開live晒靚屋夜景 「寶麗金小花」青澀舊照現女神氣質

王馨平肥得健康留家抗疫晒靚屋夜景

結婚就快二十年、出名有個好脾氣次次嗌完交都會先道歉、錫到佢燶嘅富豪老公李家輝，唔知係唔係太幸福呢，當年的女神現在雙下巴乍現、亦有些少豪華臀現形。不過咁，Linda 近年醉心瑜仲做埋瑜伽教練，呢排人人留家抗疫，佢仲好體貼不時喺網上開Live 唱歌又教大家做瑜伽，著上緊身瑜伽衫做高難度動作，腰幼腳長 figure 依然標準，雖然圓潤過小花年代少少，不過肥得嚟健康，呢種幸福肥又何妨呢？

3年前與陳凱琳同場 一反常態「中門大開」露胸獻唱

退出幕前多年，其實王馨平在2017年曾於《博愛歡樂傳萬家》露面獻唱，當時因為電影《春嬌與志明》選取了王馨平的1993年代表作《別問我是誰》作為電影歌曲，令年青觀眾都對她提高了關注。

另一個令電視觀眾難忘，就係王馨平與鄭嘉穎的一段情，因為《博愛》騷有王馨平與陳凱琳同場，新歡舊愛聚頭，鄭嘉穎都未敢正面回應，但Linda就做足功夫、以難得一見的性感現身搶盡風頭。

51歲Linda在家勤keep Fit，在家開Live教瑜伽

「寶麗金小花」之一 青澀舊照現女神氣質

王馨平畢業於台灣國立政治大學新聞系，著名歌曲有《別問我是誰》、《問你問我》、《伴你一生》和《生命有價》等。她與劉小慧、黎瑞恩、湯寶如、周慧敏並稱「寶麗金五小花」。曾與鄭嘉穎拍拖，但因父親高調反對而最終於1998年分開，後與於金融界任職的男友李家輝（Stephen Lee）結婚，婚後淡出演藝圈。近年成為瑜伽導師，並熱衷Barre。