feat_1162_13

53歲型男蔡一傑又一成就解鎖 抗疫無新Job留家做新一代Youtuber

蔡一傑唱咗大半世歌,草蜢紅遍中港台華人世界,舊年又試過單飛仲出埋日本專輯,估唔到今年過年後人人留家抗疫,又畀蔡一傑解鎖多一樣個人成就,大家估唔估到係乜?

撰文、圖片:東方新地

蔡一傑做Youtuber紅人教煮餸

做得藝人通常都有幾張刀喺身,唱得跳得嘅蔡一傑都唔例外,但原來佢有項秘技唔係個個知,就係煮得一手好菜!新正頭開始網上教煮,短短個半月已經成為新一代廚神、Youtuber紅人喇,《傑少煮意》你睇咗未?

53歲型男蔡一傑又一成就解鎖    抗疫無新Job留家做新一代Youtuber

型男每次都會親自去街市買靚材料,絕不欺場!
型男每次都會親自去街市買靚材料,絕不欺場!
新年開始教煮餸,短短個半月傑少煮食YouTube頻 道點擊已經過百萬,由出街買餸到最後上碟全程由蔡一傑親自打點,最新一集芋頭燜鴨好考功夫,好掂咁喎!
新年開始教煮餸,短短個半月傑少煮食YouTube頻 道點擊已經過百萬,由出街買餸到最後上碟全程由蔡一傑親自打點,最新一集芋頭燜鴨好考功夫,好掂咁喎!
有時見到fans想合照都唔會say no,親和力十足!
有時見到fans想合照都唔會say no,親和力十足!

型男出關有台型

呢日銅鑼灣巧遇傑少,唔係落街市買餸,都唔係去帶隊揀廚具,一身牛仔裝、狂野鬈髮嘅傑少走咗上去渣甸坊寫字樓搵人開會。其實除咗唱歌跳舞同教煮餸,求其出街開個會都型爆勁有台型,傑少個人channel又可以諗諗,教吓男士裝身打扮改變形象㖭喎!

草蜢三子之中,蔡一傑出名係最貪靚嗰個,出街開個會,一身造型襯過嚟,再加埋個髮型,好狂野。
草蜢三子之中,蔡一傑出名係最貪靚嗰個,出街開個會,一身造型襯過嚟,再加埋個髮型,好狂野。
好多香港人都係睇草蜢大,等𨋢巧遇粉絲搭訕,傑少都開心吹兩句水先。
好多香港人都係睇草蜢大,等𨋢巧遇粉絲搭訕,傑少都開心吹兩句水先。
除咗教煮嘢,真係可以開班教人做型男!
除咗教煮嘢,真係可以開班教人做型男!