os_feat_1148_Martin

54歲曾華倩育子成兵 六呎三寸20歲囝囝成港隊精英

96年結婚、02年離婚,曾華倩與前夫林肇基結束六年婚姻時,兒子林浩賢(Martin)才三歲多。為個仔拒絕多段大好姻緣,獨立撫養囝囝成材,眨吓眼,Martin今年20歲、身高六呎三吋、從喇沙飛魚變港隊精英亦正在中文大學就讀體育科學,唔止高大威猛年輕有為,最緊要聽話孝順終於識得報答含辛茹苦養育之恩。日前陪媽媽去超市入貨,調轉身份做 番柴可夫、擔擔抬抬任勞任怨、遇到路人生起糾紛,仲護母識揸緊「中指」,好乖好用過兵多多聲!

撰文、圖片:東方新地

曾華倩育子成兵20歲囝囝成港隊精英

今年1月1日,獨子林浩賢20歲生日,曾華倩就上載廿年前大肚照感慨歲月如梭兒子已經長大成人。生得牛高馬大又係運動健將,事實上年前華倩接受訪 問時就透露,Martin一滿十八歲,第一件事就係考車牌:「咁多年每日如是,返學前五至七、放學後五至七陪佢練水,辛苦啲都係想幫個仔爭取多十五、二十分鐘瞓多陣。依家就輪到佢自己返學練水,做番司機車我去街買餸。」

單身多年全副心機放在兒子身上,而自幼習水的Martin亦不負媽媽 重望入選港隊,高大威猛身高六呎三吋,比圈中高人「游生」袁文傑 仲高。
單身多年全副心機放在兒子身上,而自幼習水的Martin亦不負媽媽 重望入選港隊,高大威猛身高六呎三吋,比圈中高人「游生」袁文傑 仲高。
離婚後做單親媽,華倩除了衣食住行照顧妥當,最大功勞都係配合Martin愛好,風雨無改陪練水出賽,終於教出個學界飛魚、港隊精英。
一直表示與前夫關係未去到水火不容,亦在 教養兒子工作上做得到互相配合,Martin與爸爸關係亦十分融洽緊密,年初就父子檔去泰國布吉旅行。

高大威猛兼好火 為護母揸緊「中指」

唔係得把口,日前本刊就目擊華倩現身九龍城,剛剛恤完個靚髮的Martin 一出現,即同媽媽調轉坐,登上駕駛座驅車前往超市購物。柴米油鹽仲有雞蛋 生果大舉入貨,六呎三吋Martin一馬當先,輕鬆抬八公斤米上車先,再折返為華倩帶來購物袋行多轉。期間疑似經過屋苑入口惹來入車場司機不滿,年少氣壯 又鬼仔性格的Martin直腸直肚第一時間以中指回敬。好彩出完啖氣就算,小糾紛沒有再升溫。

54歲曾華倩離婚後一個人捱大囝囝林浩賢(Martin),可幸 Martin除了品學兼優還是港隊游泳精英外,亦孝順顧家,日前就有講有笑陪媽媽去超市入貨。
一馬當先幫華倩運八公斤大米上車先,Martin疑似與駛入停車場司機有爭執,年少氣盛第一時間舉起中指回敬。
日前駕車去到九龍城區,原來華倩去接剛剛恤完個靚髮的Martin。
兩母子去超市大舉入貨,擔得抬得的Martin運完袋米上車,再行多轉從車上拿下環保袋運多一大袋雜物上車。

留番少少雞蛋、水果由華倩自己捧上車,不過 Martin都又細心又體貼,離遠接過物品幫媽媽騰空 雙手。

拒絕再婚、當年更為兒子反對而放棄與馬國明一段情,單身超過十年,多年來都習慣圍著兒子團團轉,54歲曾華倩雖然不施脂粉,不過去到邊有孝順囝 囝伴在身邊,平淡是福一臉滿足笑容已經說明一切付出都是值得。

全副心機放在兒子身上,拒婚亦拒絕不少追求者,生活除了兒子還有一班多年好姊妹。
其實稍作打扮就睇到, 54 歲華倩依然好索。