9219

54歲楊羚少女味不再 變雙下巴師奶晒幸福肥

楊羚20歲就加入無綫做演員,當年脆卜卜青春可人,鄰家少女樣深受歡迎。2000結婚後專心相夫教子做幸福少奶,上月終於喺幕前現身,一排無見嘅楊羚明顯發福不少,相信呢啲就係所謂嘅幸福肥啦!

撰文、圖片:東方新地

楊羚出身演藝世家 20歲出道勁青春

楊羚係著名演員兼粵劇名伶劉克宣嘅外孫女,亦係前亞洲電視「鎮台之寶」劉志榮嘅外甥女,1988年加入無綫成為演員嘅楊羚,當年20歲脆卜卜青春可人,於神劇《大時代》飾演劉青雲細妹而為人熟悉,一張娃娃臉深入民心!

在神劇《大時代》中飾演細妹方敏嘅 楊羚,青春無敵嬌俏可人。
在神劇《大時代》中飾演細妹方敏嘅楊羚,青春無敵嬌俏可人。
拍埋同劇一眾靚女演員如藍潔瑛、周慧敏、郭藹明、李麗珍身邊,一啲都唔輸蝕。

婚後專心做幸福少奶雙下巴見證家庭幸福

2000年結婚後退出幕前,相夫持家湊住對仔女,幸福小女人楊羚於上月蒲番頭,去咗開電視客串咗集煮食節目。係就係面圓圓發咗福,不過學楊羚話齋,最緊要老公唔介意咪得囉!

楊羚雖然比起全盛少女時期大不同,不過最緊要老公唔介意,呢啲幸福肥唔係人人可擁有。
側面睇佢個雙下巴,的確勁揪。

日前八姨太撞見呢位幸福小女人去咗九龍城入貨,家 住錦田出到嚟九龍城買餸,無他嘅,都係想一家大細食得 健康食得好啫!勞勞碌碌行完街市再入雜貨舖,買到一袋 二袋至捨得走,面上一啲倦容都唔見,只得滿意開心笑 容,幸福就係咁簡單!

呢日撇甩仔女,同親友結伴去到九龍城入貨。
小女人出城買每樣嘢都係為老公同仔女,買完餸再去雜貨舖踎低 又擒高揀貨。
雖然身形圓潤,但 54 歲仍保持皮光肉滑。