72歲汪明荃揸Benz撞大貨車維修費過10萬當破財擋災

Feb 12 2020

廣告

邊個新年流流撞車咁唔好彩？之唔係阿姐汪明荃囉！上星期三（5日）阿姐揸車途經太子道，不幸撞上前面架大貨車，座駕損毀嚴重，估計維修費超過10萬，不過好彩人冇事，就當破財擋災啦！

撰文、圖片：東方新地

汪明荃撞一撞車跌10萬

阿姐喺IG交代事件，承認自己唔小心：「是我不小心，我的車碰撞到一架大貨車，對方的車尾有一條bumper跌落，我的車頭則嚴重受損，今日入廠維修，初步評估超過10萬元，最好彩人冇事，對方司機同我都冇事，真係破財擋災！」阿姐更霸氣向貨車司機表示會作出賠償，願意承擔責任，阿姐好嘢！

汪明荃日前撞車，座駕損毀嚴重，好彩人冇事，算不幸中之大幸！

阿姐揸Benz途經太子道時，唔小心撞向前面架大貨車，撞爛對方車尾一條 bumper ，自己架車車頭亦撞凹咗，估計維修費超過 10 萬。

唔止阿姐好彩冇受傷，老公羅家英亦好彩當時未有喺車廂中。

關鍵詞