feat_1156_ding

73歲李家鼎遇第二春收晒火 對住女友變小綿羊齊享兒孫樂

鐵漢亦有柔情一面, 73歲鼎爺李家鼎,近年已經收晒火,全因被賢淑女友「李師奶」融化,早年遇上第二春,鼎爺對住女友即變小綿羊,躁火已成過去式。日前就孖實女友及其女兒與孫女歎茶享受家庭樂,平日剛烈的鼎爺慈祥公公上身,拖實哎吔孫女有講有笑,拍拖湊孫溫情洋溢,另一日鼎爺又有細仔泳豪陪按腳,盡享兒孫福!

撰文、圖片:東方新地

李家鼎遇第二春 火爆性格一去不返

老來不單事業行運,鼎爺感情生活一樣甜蜜,94年同施明離婚後,早年遇上第二春,現年年約60歲的鼎爺女友「李師奶」,外表斯文打扮樸實,同鼎爺一樣經歷過一段失敗婚姻,同是天涯淪落人,也因此二人能互相遷就體諒,鼎爺更被女友溫柔融化,火爆性格一去不返。

泳漢已有一子一女,現分別
個兒子泳漢及泳豪都非常照顧,大仔
同施明離婚多年,李家鼎對前妻及兩
3歲及
1
歲,鼎爺已升呢爺爺。
同施明離婚多年,李家鼎對前妻及兩個兒子泳漢及泳豪都非常照顧,大仔泳漢已有一子一女,現分別3歲及1歲,鼎爺已升呢爺爺。
與女友拍拖十多年,早已是一家人,17年 《鼎爺私房菜》 開幕,鼎爺女友帶同女兒及孫女到場,與泳漢、泳豪明顯關係良好。

據知情者透露:「鼎爺以前脾氣好火爆,講嘢又粗聲粗氣,但自從同咗女友一齊,佢成個變晒,你睇佢主持《阿爺廚房》,有時畀拍檔阿譚(譚玉瑛)窒一句,佢都唔上火就知,對住女友講嘢更加陰聲細氣,連粗口都冇講,鼎爺女友好賢淑,對佢簡直千依百順,鼎爺話乜就乜,呢個女人陪鼎爺捱過低潮,嗰時鼎爺發展唔順利,女友畀咗好多鼓勵支持佢,所以近年鼎爺事業行 運,對女友更加珍惜,雖然冇再婚打算,但鼎爺早就當女 友係老婆,見親朋友都叫『我老婆』、『我女人』咁,兩個 仔亦好接受阿爸呢段新關係,一家人相處融洽!」

鼎爺對女友外孫視如自己親生孫女一樣錫到燶,鼎爺拖住孫女行街期間還邊行邊傾,見到新奇嘅嘢又即時同孫女分享,逗得孫女笑開眉!

早年遇上第二春,剛烈的鼎爺對住女友收晒火,同樣經歷過婚姻失敗的鼎爺女友,與前夫所生的女兒及孫女更同鼎爺相處融洽。
日前一家人外出家庭樂,哎呀公公鼎爺好有愛,行街全程拖到孫女實一實,盡展鐵漢柔情一面。

一個人擔起兩頭家 鼎爺享受教仔湊孫

一個人擔起兩頭家,鼎爺近年亦搵得就搵,除咗幕前演出,私房菜生意亦親力親為,同女友更好有默契,經常夫唱婦隨,女友不時陪鼎爺入電視城開工,又會落私房菜館幫手打點,幾年前女友做咗外婆,鼎爺更視女友孫女如親孫女一樣愛錫,一得閒便弄孫為樂。趁著新年假期,鼎爺忙完工作即把握時間陪家人共敍天倫。

原來女友的女兒及孫女早在酒樓內等候,孫女還著住校服似剛剛放學,鼎爺更孖住孫女坐,感情好到不得了。

鼎爺全程緊拖哎吔孫女,同女友拍拖十多年,已如同老夫老妻好有默契。外表剛烈的鼎爺原來好細心,飯後煙癮起,他亦自己行開一邊食煙。

攞完嘢,鼎爺將車泊到女友寓所停車場,二人再行去附近的仕德福酒店。

鼎爺對女友呵護備至,見下大雨叮囑女友在車上等他,自己一個人落車。

當日鼎爺約咗朋友到太子攞嘢,期間突然下傾盆大雨,令鼎爺相當狼狽!

日前,鼎爺就孖住女友與女友家人歎茶,當日鼎爺駕車載同女友由西貢寓所出發,鼎爺先到太子搵朋友攞嘢,之後將車泊到女友寓所停車場,然後同女友步行去附近的仕德福酒店,拍拖十多年感覺有如老夫老妻,雖然說話不多但好有默契,到達酒店內的酒樓,原來女友的女兒及孫女早已在內等候,孫女還著住校服相信是剛剛放學,鼎爺和女友更一左一右貼實孫女坐,不時夾嘢食給孫女照顧周到,同平日火爆性格大相逕庭。另一日,鼎爺則同細仔泳豪到九龍城按腳,然後去茶餐廳醫肚,曾話過最自豪就係教出兩個乖仔的鼎爺,吃飯期間對住泳豪講到口沫橫飛,難得畀阿爸哦足全程的泳豪,一直聽得入神冇反駁,嚴父出孝子,鼎爺果然教仔有方!

自小已經跟實爸爸鼎爺入片場開工的李泳豪,同爸爸感情深厚,兩父子日前結伴去九龍城食飯,泳豪更陪爸爸去按腳,父子情深。
父子去茶餐廳食快餐醫肚,唔怕人多搵位逼住坐,食飯期間鼎爺更講唔停,狂向兒子訓話。
撐完枱腳,泳豪排隊畀錢,鼎爺則趕住出門口吸煙。
出名孝順的泳豪,食完飯仲陪爸爸去按腳鬆一鬆。
鼎爺沿途搭住泳豪一邊行一邊傾,父子關係要好!

關鍵詞
李家鼎