ft pic

80歲大壽 四哥收乖孫親筆畫作

上月30日係四哥謝賢80歲大壽,咁大件事,霆鋒同婷婷都有返香港同爸爸慶祝。不過老人家最想見到嘅,梗係寶貝孫仔啦!所以柏芝都好識做,親自帶兩個仔Lucas同Quintus去畫廊,畫畫送俾爺爺做生日禮物,冧到四哥開心過收金條呀!

其他文章:

落選港姐Maggie高踞Yahoo人氣搜尋榜

好事近 岑杏賢 袁偉豪甜蜜遊加國

同霆鋒離婚後一直與謝家保持良好關係嘅柏芝,日前趁四哥生日,特登帶埋Lucas、Quintus去學畫畫,親手整禮物送俾爺爺。除咗一對仔有畫,柏芝自己都準備咗一幅畫上四哥招牌黑超look嘅畫,Quintus仲拎住同爺爺、哥哥合照,相中見到四哥笑得好開心,比起同佘詩曼嘅拘謹合照,明顯有孫萬事足!

忙住中港兩邊飛嘅柏芝,早前傳出同中年鬍鬚男拍拖,事後極速否認,澄清鬍鬚男只係司機!為表清白,柏芝助手近日放了鬍鬚男同柏芝嘅工作合照,證明兩人只係賓主關係,唔好諗多咗呀!

全文完