feat_1184_24

強勢插旗!JW加盟「星夢娛樂」與菊梓喬夾擊砌低連詩雅

同卓悅太子爺葉韋彤拍拖三年打得火熱的JW(王灝兒),一直盛傳快嫁入豪門做卓悅新抱,但原來JW並不心急嫁人上岸,更出人意表突然加盟「星夢娛樂」,原來JW事業野心未放低,除咗恨在樂壇頒獎禮攞獎,更想拍劇做女一!唱得又有實力,未爭已經贏的JW,就連「星夢」一姐菊梓喬,都寧願跟她拉攏,攞過兩屆「最受歡迎女歌星」的菊梓喬,深明今年《勁歌》頒獎禮,即使冧莊失敗輸畀實力前輩JW亦唔失禮,相反視18年底大鑼大鼓加盟星夢的連詩雅為眼中釘,勢孤力敵的連詩雅大獎未攞到手,突然被JW強勢插旗,加埋被菊梓喬夾擊,隨時變輸家!

撰文、圖片:東方新地

JW加盟「星夢娛樂」為拍劇鋪路

憑著一把靚聲兼唱得, JW 十九歲便給黎明發掘,簽做A Music成旗下藝人,有天王睇住出道贏在起跑線, JW亦不負所望在樂壇頒獎禮狂掃獎,更連《勁歌金曲頒獎禮》的「金曲金獎」都攞過,認真唔講得笑。不過,15年脫離Leon旗下, JW選擇加盟小型唱片公司,明顯愛自由做自己鍾意的音樂,近年更同卓悅太子爺Tarzan(葉韋彤)打得火熱,經常在社交網放閃,一副快嫁人上岸姿態。

近年同卓悅太子爺 Tarzan(葉韋彤)感情穩定的 JW,突然宣布加盟「星夢娛樂」,繼續勇闖個人事業,除了在勁歌爭女歌手獎,JW最大心願是拍劇,誓向女一進發。
近年同卓悅太子爺 Tarzan(葉韋彤)感情穩定的 JW,突然宣布加盟「星夢娛樂」,繼續勇闖個人事業,除了在勁歌爭女歌手獎,JW最大心願是拍劇,誓向女一進發。
無綫明顯對 JW加盟非常看重,出動三大高層杜之克、余詠珊、何哲圖歡迎之外,更傾盡「星夢」藝人撐場,還激罕請來一班無綫監製到場為 JW打氣,相當大陣仗。
無綫明顯對 JW加盟非常看重,出動三大高層杜之克、余詠珊、何哲圖歡迎之外,更傾盡「星夢」藝人撐場,還激罕請來一班無綫監製到場為 JW打氣,相當大陣仗。
星夢一姐菊梓喬對唱功了得的 JW加盟分一杯羹,就選擇埋堆伸出友誼之手,夾擊入「星夢」年多的連詩雅。
星夢一姐菊梓喬對唱功了得的 JW加盟分一杯羹,就選擇埋堆伸出友誼之手,夾擊入「星夢」年多的連詩雅。
身為「星夢」老闆何哲圖頭號愛將的菊梓喬,已經兩度奪得《勁歌》「最受歡迎女歌星」,去年更在勁歌頒獎禮連擸六獎。
身為「星夢」老闆何哲圖頭號愛將的菊梓喬,已經兩度奪得《勁歌》「最受歡迎女歌星」,去年更在勁歌頒獎禮連擸六獎。

強勢插旗!JW加盟「星夢娛樂」與菊梓喬夾擊砌低連詩雅

但原來JW事業野心依然大,更突然宣布加盟「星夢娛樂」強勢再戰樂壇,認真出人意表。據知情者透露:「其實JW一路好恨拍劇,不過,出道嗰時Leon睇得好緊,好多工作都嚴格篩選,始終冇機會,依家同男友感情穩定, JW反而更隨心去做自己鍾意嘅嘢,之前佢客串拍無綫劇《逆天奇案》,雖然只係做一個單元,但佢愈拍愈上癮,同星夢合作, JW除咗恨攞女歌手獎,仲有心願係拍電視劇,簽約時,佢都同高層表明自己想做女主角!」

憑住一把靚聲加上唱功了得,JW在10年由黎明一手發掘,有指當時 Leon捧 JW取代唔聽話的衞蘭,Leon更經常陪在左右!
憑住一把靚聲加上唱功了得,JW在10年由黎明一手發掘,有指當時 Leon捧 JW取代唔聽話的衞蘭,Leon更經常陪在左右!

強勢插旗!JW加盟「星夢娛樂」與菊梓喬夾擊砌低連詩雅

同卓悅太子爺Tarzan拍拖三年的 JW,寧願衝事業都唔心急做卓悅家嫂,認真估佢唔到!
同卓悅太子爺Tarzan拍拖三年的 JW,寧願衝事業都唔心急做卓悅家嫂,認真估佢唔到!

連詩雅急忙搵經理人爭取

唱功冇得輸的JW突然加盟,一班星夢姐仔難免人心惶惶,當中加盟「星夢」一年多,一心想做一姐的連詩雅,就對JW插旗大為緊張。據知情者透露:「JW出道十年,根本唔同層次,Hana(菊梓喬)係公司頭寵,又已
經攞過『最受歡迎女歌星』,就算今年蟬聯唔到輸畀JW,Hana都唔覺失
禮,但Shiga(連詩雅)就唔同,佢入星夢,最大目標都係想攞『最受歡迎女歌星』,早前喺劇集《那些我愛過的人》成功洗脫港女之名,以為上位有
望,準備出新歌,點知JW突然插旗,佢都好愕然,知道形勢變咗,都即刻
搵經理人幫佢爭取多啲嘢。」

18年底加盟「星夢娛樂」的連詩雅,想在《勁歌金曲頒獎典禮》攞大獎,又點估得到,大獎未到手,JW加盟令形勢大變,隨時坐歪!
18年底加盟「星夢娛樂」的連詩雅,想在《勁歌金曲頒獎典禮》攞大獎,又點估得到,大獎未到手,JW加盟令形勢大變,隨時坐歪!
18年底有兩高層杜之克、何哲圖撐場加盟「星夢娛樂」,連詩雅更被指入公司做一姐,當時她就信心爆棚露出勝利笑容。
18年底有兩高層杜之克、何哲圖撐場加盟「星夢娛樂」,連詩雅更被指入公司做一姐,當時她就信心爆棚露出勝利笑容。
在《那些我愛過的人》擔演女二後,連詩雅再有份拍攝中港合拍重頭劇《刑偵日記》,就連演出經驗少的 Hana菊梓喬亦有份拍,「星夢」歌手果然機會不斷。
在《那些我愛過的人》擔演女二後,連詩雅再有份拍攝中港合拍重頭劇《刑偵日
記》,就連演出經驗少的 Hana菊梓喬亦有份拍,「星夢」歌手果然機會不斷。

多隻香爐多隻鬼,JW加盟,「星夢」旗下一班女歌手又點會唔緊張,何止分少個獎,失寵冇得留低,都唔係冇可能!話晒「星夢娛樂」女將多,爭寵博上位亦屢見不鮮,多埋JW加入,戰況隨時勁過宮鬥片!

多次被指唔聽話激嬲星夢老闆何哲圖的吳若希,現正安胎,若生完唔加緊努力,隨時冇碇企。
多次被指唔聽話激嬲星夢老闆何哲圖的吳若希,現正安胎,若生完唔加緊努力,隨時冇碇企。
被讚唱得的譚嘉儀,對住超級唱家班 JW,都怕比下去!
被讚唱得的譚嘉儀,對住超級唱家班 JW,都怕比下去!
林穎彤聽話識氹高層開心,但論歌藝始終跑輸。
林穎彤聽話識氹高層開心,但論歌藝始終跑輸。