os_feat_1151_bop

MK POP界大師兄天堂鳥出巡 生活貼地買珍珠奶茶解渴

2014年出道至今五年,天堂鳥三子成功奠定MK POP界大師兄地位,唱得睇得又跳得吓,真係一啲都唔失禮人!

撰文、圖片:東方新地

天堂鳥MK POP界大師兄 照顧師妹有風度

今時今日要喺樂壇佔一席位真係唔容易,首先就要學吓天堂鳥咁,keep住個靚仔樣、保住少啲負面新聞、最緊要仲要勤力練舞啦!日前就見天堂鳥齊集北角上排舞室練舞,三子仲好有風度,順手車埋同公司Bingo兩個師妹夏子涓同陳康琪㖭!

天堂鳥三子(左起)Lincoln、Gordon、Tyrese,日前齊腳去到北角排舞室練舞。
既為同一唱片公司,天堂鳥夠晒風度又照顧小師妹,順 手用保母車車埋師妹Bingo成員夏子涓及陳康琪。
有師兄關照接送,夏子涓(左一)同陳康琪當然好開 心。

天堂鳥唔驚變肥仔 練舞前買珍珠奶茶解渴

臨上排舞室前三子一條心,齊齊走去一人買杯珍珠奶茶解吓渴先。珍珠奶茶一杯有幾多糖份,八姨太最清楚,怕肥盡量少飲。不 過天堂鳥排一次舞郁啲就由天光跳到天黑,飲多幾杯啲卡路里都話咁快消耗晒,難怪佢哋完全唔怕肥啦!

到達北角,三子唔係走上去練舞先,而係浩浩蕩蕩過馬路買杯珍珠奶茶解渴先。
等緊嘢飲期間,Liocoln爭取時間開機玩陣live。
Gordon就鍾意硬照,攞到杯嘢飲,企定定靚靚仔仔影番張相打卡。

關鍵詞
天堂鳥