《那些我愛過的人》6月首播！亞視CEO林文龍幫TVB宣傳、黃翠如挑戰做單親媽媽

撰文、圖片：東方新地

亞視副總裁林文龍亮相 為無綫宣傳新劇

先有由黃翠如、林文龍及連詩雅等主演嘅年度重頭劇《 那些我愛過的人 》，將於6月8日起在翡翠台播映。翠如首次同林文龍合作，仲要飾演單親媽媽，感覺新鮮！而劇集靈魂人物林文龍現已貴為亞視副總裁，今次亮相無綫更以佢息影前最後演出作品 為 賣 點， 林文龍冇抗拒之餘仲話會配合宣傳：「 問題係 TVB 需唔需要搵我！冇嘢好尷尬，我都要履行合約，配合宣傳，完全冇牴觸。」話晒林文龍為今次飾演嘅拳手角色花咗唔少心機時間日操夜操，相信呢位副總裁都唔想浪費自己嘅心血嘅！

馬貫東、連詩雅、王卓淇、林穎彤⋯⋯新面孔參演

劇集另一亮點係喺《愛．回家之開心速遞 》中飾演「 博士 」嘅馬貫東今次升呢第二男主角，挑戰自閉症角色，佢將會同連詩雅有感情發展，當中仲有唔少咀嘴鏡頭㖭！除咗連詩雅，本劇仲有多位新面孔參演，當中包括 As One 前成員蘇皓兒和陳苑澄、來自電影圈嘅李任燊、90後新演員顧定軒等等。再加上王卓淇、林穎彤、吳業坤等多位年輕演員，個個青春活力十足！

周柏豪、袁偉豪《兩個小生去Camping 》型男鬥「肌」

除一線劇外，另有周柏豪拍住袁偉豪嘅《兩個小生去Camping 》，兩大男神走入偏僻叢林大玩野外露營，挑戰「港版人在野」！節目中二人體驗堆營火、用柴火燒烤、煮咖啡、去山澗捉魚、喺瀑布下沖涼⋯⋯上山下海式嘅野人生活，淨係睇佢哋爆肌都值回票價啦！

至於想輕鬆開心嘅，可選擇 Do 姐鄭裕玲同佢嗰「 兩隻嘢 」農夫主持嘅《 Do 姐有問題 》，Do 姐繼續妙語連珠同陸永、C君齊齊搞笑，睇佢哋不斷添食拍到依家第四輯，就知有唔少捧場客啦！

必睇台灣神劇《想見你》都有得睇

另不得不提有兩部外購劇都非常吸引，一部係被封為2020年度台灣神劇《想見你》，由柯佳嬿配上許光漢、施柏宇兩位新生代演員，故事融合愛情、魔幻、靈魂穿越、推理等題材，當中更有唔少金句觸動萬千少男少女嘅心！至於另一部就係當年令人追到氣咳嘅《 延禧攻略 》，係呀，終於有得重溫
啦，足足70集有排你煲！