1_1151A_catc_P26_27

ViuTv藝員部大地震!獨捧「造星」幫 合約藝人慘被開刀

近年係威係勢狂搵外援拍劇的ViuTV,去年成功炮製選秀節目《全民造星》點石成金,捧紅組合Mirror一班小鮮肉,出道不久便狂接廣告及活動,幫公司賺到錢,亦帶挈埋《全民造星》監製花姐(黃慧君)上位,由監製插手入主經理人部門,做埋Mirror經理人,手揸王牌在經理人部門橫行,有指她將大部分資源投放到一班愛將身上,令其他藝人投閒置散,甚至有藝人整個月零工作,一將功成萬骨枯,據悉ViuTV已決定向賺唔到錢的藝人開刀,解散簽約大國文化經理人部門的大部分藝人,收到風隨時被解約的藝人個個人心惶惶,寒天飲雪水有苦自己知!

撰文、圖片:東方新地

靠捧《全民造星》小鮮肉上位 監製花姐橫行ViuTv

去年ViuTV就效法韓國人氣偶像選秀節目《 Produce 101》而炮製出選秀節目《全民造星》,因為有多間大型唱片公司力撐,節目和一班參賽者成功掀起話題,冠亞季軍姜濤、陳卓賢及楊樂文,加埋一班參賽者更組成跳唱組合Mirror 簽約ViuTV旗下發展,極速成為公司賺錢台柱,負責節目監製的花姐亦因此上位。據知情者透露:「《全民造星》爆咗,班𡃁仔參賽者吸納到唔少粉絲,ViuTV嗰邊即刻將佢哋分組成Mirror同Error兩個組合,全面力捧,特別係Mirror走韓仔鮮肉路線,組成無耐已經搶到唔少廣告,班仔出晒 位,監製花姐咪攞晒彩,本來佢只係做監製,未做過經理人,但佢揸住班鮮肉喺手,唔畀其他人沾手呢兩隊組合,自己仲做埋經理人,每每製作新節目都會預埋Mirror同Error,搞到原本喺經理人部門班藝人,變得投閒置散,冇演戲經驗的姜濤被安排拍劇做埋男主角, Error孭飛拍旅遊節目,反而一班舊合約嘅藝人,連主持節目嘅機會都少咗!」

去年 11 月,
ViuTV 炮製選秀節目《全民 造星》大受歡迎,一班出位參賽者比 賽後更被安排組成組合 Mirror 及 Error 入行,出道不久即成廣告商搶手貨的 Mirror ,已成為公司賺錢台柱。
去年 11 月,ViuTV 炮製選秀節目《全民造星》大受歡迎,一班出位參賽者比賽後更被安排組成組合 Mirror 及 Error 入行,出道不久即成廣告商搶手貨的 Mirror ,已成為公司賺錢台柱。
《造星》幫被力捧,除咗有偶像組合Mirror ,還有走騎呢路線突圍的組合Error ,四位成員近期就同節目監製兼經理人花姐,合作《花姐 Error 遊》旅遊節 目,演出機會不斷。
擔任《全民造星》監製的花姐,雖然是製作出身,不過近日就因捧紅 Mirror 成功上位,更踩埋入經理人 部門,權力獨大!

重整經理人部門 ViuTV一姐黃心美離巢全台收入大跌

一朝天子一朝臣,近日ViuTV盛傳會縮緊經理人部門,向舊一班藝人開刀。據知情者透露:「因為幫公司賺到錢,花姐喺經理人部門簡直打橫行,魯生(電盈PCCW interactive董事總經理魯庭暉)同金生(ViuTV製作部副總裁金廣誠)都好睇重佢,好多嘢都放手畀佢搞,近排佢話要重整經理人部門,想集中火力去捧Mirror同Error喎!其實以前藝員部有一姐黃心美都試過年賺千萬,但自一姐離巢,最做得嘢嘅經理人又走埋,一班藝人變咗孤兒仔冇人理,藝員部收入跌到七彩,先畀花姐攝到位上,依家花姐要換血,想叮走賺唔到錢嘅藝人,變相經理人部門嚟緊亦會縮窄,藝員同員工都人心惶惶!」

曾昰ViuTV 一姐兼最賺錢藝人的黃心美,去年做完《全民 造星》即與經理人雙雙離巢,令藝員部收入大幅下滑!
去年林敏驄和梁漢文主持《全民星戰》,陳俞希(左三)及 夏雨仔黃奕晨(右一)仍拍住一姐黃心美做主持。

孤兒仔藝人變犧牲品 有樣有身材都無得留低

ViuTV大部分藝人都係以部頭合約合作,即 一份合約只做一個節目,只有小部分出生自Now TV的合約藝人簽長約,由大國文化藝人管理有 限公司做經理人,而去年組成的組合Mirror和 Error,則直屬ViuTV經理人旗下,唱片合約則簽 約大國文化。

ViuTV唔少劇集及綜藝節目搵到大星如鄭少 秋、陶大宇、邵仲衡及郭政鴻等助陣演出,但全部均以部頭形式合作。

亦有另一批合約藝人由NowTV轉會,當中李佳芯男友陳炳銓,還有身材突出的Hailey(陳俞希),夏雨兒子黃奕晨,另外有選美出身的譚凱倫,不過近日盛傳公司會重整經理人部門,這班藝人成為被開刀對象。花姐獨大,齋捧《造星》幫無可厚非,最慘係一班孤兒仔藝人變成犧牲品!

李佳芯男友陳炳銓
身材突出的Hailey(陳俞希)
選美出身的譚凱倫
夏雨兒子黃奕晨