姜濤 mirror

姜濤叱咤演出後被狙擊 連登友開po狂數8宗罪 因樓主阿媽係姜糖?

影視娛樂

廣告

姜濤日前於《叱咤樂壇流行榜頒獎典禮2022》冧莊奪得「我最喜愛的歌曲大獎」,但他當晚演出時暴走落台兼亂咁嗌,惹來非議,近日有網友於連登投下震撼彈,po出一篇反姜濤的文章,寫足3000多字猶如論文一樣,針對他出道至今的言行及問題,可歸納出8大罪狀,引來激烈回應,樓主更自爆阿媽原來係「姜糖」,難怪才對姜B的一切瞭如指掌!

姜濤 mirror
(圖片來源:[email protected]商業電台)
姜濤 mirror 網友引發有關姜濤的討論,至少已開到第9個討論區
網友引發有關姜濤言行的討論,至少已開到第9個po(圖片來源:連登討論區)

網友為鄧紫棋平反

在這個時候也有網民幫鄧紫棋(G.E.M.)平反,指鄧紫棋當時與香港傳媒關係很差,所以才選擇到內地發展。那時候的鄧紫棋只有22歲,該名網友認為若大家用姜濤只是一個「孩子」,那鄧紫棋當年也是一位「孩子」,至少她沒有像姜濤在台上失控、歌藝亦非常了得。而鄧紫棋在香港市場不受落的原因是她在2014年參加內地節目《我是歌手2》爆紅後,即傳出有人「大頭症」發作。到台灣開騷時她亦以養聲為由腰斬採訪安排,但卻被發現跟好友何超蓮去歎麻辣火鍋。鄧紫棋香港傳媒關係也很差,其中她出席頒獎禮時遲大到,在慶功宴上只顧跟粉絲合照,要歌手及傳媒呆等,令眾人不滿,因此近年鄧紫棋也在內地發展。

姜濤 mirror 鄧紫棋16歲出道,baby fat加金魚嘴十分可愛。
鄧紫棋16歲出道,baby fat加金魚嘴十分可愛。(圖片來源:新傳聞資料庫)
姜濤 mirror 當年好勁㗎。
當年好勁㗎。(圖片來源:畫面截圖)
姜濤 mirror
(圖片來源:畫面截圖)
姜濤 mirror 鄧紫棋
鄧紫棋(G.E.M.)近年主攻內地市場,在內地人氣高企。(圖片來源:鄧紫棋 IG)

阿媽係姜糖 成屋貼滿姜濤個樣

該網友以「姜濤,其實你有冇諗過點解咁多人唔鍾意你?」為題於連登開po,幾日來群情汹湧,幾日內已開到第10個討論po,因為樓主於內文中間加插入了不少cap圖,讓網友重溫畫面,再加上對MIRROR以至姜濤有深入了解,於是有人問樓主是否忠實鏡粉,樓主便答道:

因為我老母係姜濤頭號
日x日用個電視播youtube
又俾團隊訪問片我睇
問我覺唔覺姜濤唔開心 俾AL排斥
成間屋都貼x哂姜濤個樣
食飯又講姜濤點點點
幾善良幾乖仔

姜濤 mirror 樓主被誤當是姜粉,他澄清自己的母親才是姜糖,所以才份外熟悉
樓主被誤當是姜粉,他澄清自己的母親才是姜糖,所以才份外熟悉(圖片來源:[email protected]姜濤香港後援會)

寫足3000字論文 詳述姜濤問題所在

樓主於文章中劈頭一句便說:「我都唔轉彎抹角,呢條友真係一啲都唔討好,我就真係好唔鍾意佢。」於洋洋3000字的論文中,他又鉅細分明羅列出MIRROR成員姜濤入行多年來的問題,並指他「聲色藝全無」,總結起來共有8點這麼多,認真誇張!

姜濤 mirror
(圖片來源:連登討論區)

1. 打波冇波品

樓主投訴姜濤打波經常出茅招,直言他打波經常「係自己出手推人、出腳攝人先,你自己交失波就發癲,趁人地跳起推人」,指他「連格都輸埋」。

有啲藝人確實才華有限

亦有啲球員技術粗糙只能做工兵

但都叫做勤勤力力敬業樂業

而你,專業精神係零。

姜濤 mirror 姜濤月前於903籃球賽上疑是步伐出錯而導致受傷
姜濤月前於903籃球賽上疑是步伐出錯而導致受傷(圖片來源:[email protected]商業電台)
姜濤 mirror 姜濤跟人打街場曾粗野地搶波
姜濤跟人打街場曾粗野地搶波(圖片來源:互聯網圖片)

2. 自我中心假大空

樓主以兩件事說明姜濤的自我中心,第一件事是今年叱咤姜濤於後台訪問時所講的說話,養傷沒做運動的姜濤被記者問到「公司有冇叫你節食」時,他就回應「控制唔到我」。

之前《季前賽》

已經好多人批評你時肥時瘦唔連戲

口口聲聲話任何意見都會接受、力求進步

但就依舊我行我素亂食野

完全覺得自己冇問題

就都知最根本個原因就係你連少少專業同自制能力都冇

姜濤 mirror 叱咤樂壇 頒獎典禮
姜濤於叱咤後台直指冇人可控制我(圖片來源:東方新地)

來回兩程當隊友透明

樓主又提到去年於叱咤發生的另一件事,當時姜濤跑到台下唱歌,但一班隊友想跟手拍掌握手,姜濤卻掂行掂過,樓主斥「叱咤你攞最男,成班隊友戥你開心諗住同你慶祝,你來回兩程都當人透明,目中無人。」更表示7月演唱會看到很多fans投訴他「團歌就x跳hea唱,到自己歌就出哂奶力」。

姜濤 mirror 姜濤掂行掂過
姜濤掂行掂過(圖片來源:my903.com 商業電台)

營造有志氣 為自己加分

至於姜濤曾經提過要做亞洲第一,樓主就批判他只是「假大空」,「由我第一次聽佢咁講,已經覺得佢呢番說話只係為咗營造自己好有志氣嘅形象出嚟,純粹借叱咤台同個氣氛幫自己加分」,缺乏實際行動支持。

想打贏日韓

但人地練舞練到五癆七傷嗰陣

你就食緊bigmac

想用作品講嘢

但當終於有機會展示製成品出嚟俾全香港人睇嗰陣

你就得過且過,

最叻就假大空。

姜濤 mirror 季前賽 姜濤為麥當勞拍攝宣傳
姜濤說自己的宗旨是「民以食為天」。( 圖片來源:麥當勞官方照片)
姜濤 mirror 姜濤曾講過要成為亞洲第一,樓主認為只是口號,贏了鎂光燈已完成任務
姜濤曾講過要成為亞洲第一,樓主認為只是口號,贏了鎂光燈已完成任務(圖片來源:my903.com 商業電台)

3. 太過作狀

樓主指姜濤經常表情多多,太過作狀:「睇返當年你攞最男,扮哂錯愕嗰個樣,你夠膽話呢個係真實反應,少少戲都冇?好造作呀!」又稱他經常歪嘴扮陳冠希,影相時又硬要嘟嘴,拍HPV廣告「唔知點解麥德羅上身咁扭幾下唔知同個子宮頸有咩關係嘅舞」。

作狀唔係淨係講思想言行

仲有外表

啲動作永遠扮哂cutie咁

永遠都咁多多餘嘅表情

成日覺得自己係焦點

其實四四正正做返個男人

擺返個正常樣

係咪真係咁難呀

姜濤 mirror 姜濤經常表情多多,兩年前他於叱咤拿叱咤樂壇我最喜愛的男歌手,就擺出難以置信的表情
姜濤經常表情多多,兩年前他於叱咤拿叱咤樂壇我最喜愛的男歌手,就擺出難以置信的表情(圖片來源:my903.com 商業電台)
姜濤 mirror 今年叱咤演出時,姜濤有傷在身,但仍唱到跪地,叫不少人擔心
今年叱咤演出時,姜濤有傷在身,但仍唱到跪地,叫不少人擔心(圖片來源:my903.com 商業電台)
姜濤 mirror
(圖片來源:ViuTV節目截圖)

4. 思想不夠成熟

樓主認為姜濤不應叫「姜man」,因為思想還很幼稚,樓主重提姜濤去年11月跟《季前賽》導演袁劍偉接受Do姐鄭裕玲的電台訪問來作證,當Do姐提到劇中姜濤整個人又肥又瘦,出現不連戲,姜濤笑言:「冇咩好解釋,我衰食太多嘢,嗰時冇諗太多,但拍拍下去到中間唔係好對路,到中間fit番,問題又出嚟啦,可能係同一間房嘅出入,呢間房入去係肥嘅,但嗰頭出嚟就瘦番。」而當導演指睇演出為主,唔係身形,姜濤竟說「所以我好鍾意佢」,對此樓主狠批:

你可摸耳咪扮成熟扮長大

乜嘢姜man

其實思想仲好幼稚

好多地方都睇得出你根本仲係隻小學雞

導演俾個下台階你

話「我睇戲嘅,唔睇呢啲」

跟住你就即刻插嘴話「所以我好鍾意佢」

講到自己冇責任保持專業咁

導演縱我、就我就得

姜濤 mirror 季前賽 鄭裕玲笑言姜濤在劇中有肥有瘦
Do姐笑言姜濤在劇中有肥有瘦不連戲,姜濤暗示幸好導演沒批評他。(圖片來源:[email protected]口水多過浪花)
姜濤 mirror 季前賽 姜濤直言自己打波好自我
姜濤於《季前賽》入面時肥時瘦(圖片來源:[email protected]_show)
姜濤 mirror 季前賽 眼神與原版十分相似
( 圖片來源:[email protected]截圖)

5. 演出不夠認真

樓主指無論是今年或是去年叱咜的表演中,姜濤都玩衝落台,去年又試過唱《Dear My Friend,》唱到喊,而今年得獎獻唱團歌《We All Are》第一句也甩嘴入到key,於公眾場合演唱經常未能完成一首歌的演出:

睇咗十幾年叱咤都未見過有得獎者唱唱下衝落台,仲要連續兩年

其實你係咪分唔清『表演嘉賓』同『得獎表演』?

同埋幾次叱咤表演都唔知你做乜X嘢

上年就唱到喊左,好感動

今年鏡中鏡就唱到high左,好有台風

其實你可唔可以正正常常完成一首歌…

姜濤 mirror 叱咤樂壇 頒獎典禮 姜濤不斷大叫「let’s go」「I’m back!」
姜濤今年叱咤演出衝落台兼不斷大叫「let’s go」「I’m back!」,令人側目(圖片來源:my903.com 商業電台)
姜濤 mirror 姜濤去年叱咤也曾唱到衝落台
姜濤去年叱咤也曾唱到衝落台(圖片來源:my903.com 商業電台)
姜濤 mirror 姜濤去年演唱《Dear My Friend,》因憶起亡友而喊
姜濤去年演唱《Dear My Friend,》因憶起亡友而喊(圖片來源:my903.com 商業電台)

6. 《Dear My Friend,》MV大龍鳳做多咗

樓主認為姜濤借一首歌曲去悼念故友是無可厚非,甚至歌曲用來「派台、出歌、賣碟、賺錢,有幾商業變到幾商業」,他仍覺得可當作「致敬」看待,不過MV如像案件重演一樣,樓主認為「珍重呢段友誼嘅,就唔會做得出任何侮辱呢段感情嘅行為。」

我諗我呢世都唔會理解到

點解有個所謂咁重要嘅人離開咗

自己仲可以演場大龍鳳

你過到自己嗰關咩?

要我搵人扮佢當日點死

要我扮多一去佢喪禮

要我用假嘅情感扮喊

我永遠都做唔出

因為我地嘅感情同故事係真實存在過

唔係攞嚟做大戲。

姜濤 mirror
(圖片來源:《Dear My Friend,》MV截圖)
姜濤 mirror
(圖片來源:《Dear My Friend,》MV截圖)

7. 展示脆弱面扮可憐

未知是否壓力太大所致,姜濤經常會出現情緒問題,有意無意向公眾展示了自己脆弱的一面,樓主則覺得姜濤經常扮可憐,更懷疑姜濤是誇大傷勢:「你條acl(十字韌帶)究竟有幾傷,斷acl七個禮拜可以好返?叱咤嗰晚有記者問你係咪好返哂,你竟然夠薑話好返哂。AK都打個突,呆一呆再問咗幾聲「好返哂?」

跟咗香港樂壇十幾年

從未見過個男星咁鍾意扮慘

一時又冇人關心自己

一時又要退休

一時又「請真的給我一點空間」

一時又暈低

姜濤 mirror 成員們都很擔心姜濤。
姜濤出席公開活動時曾經暈倒。(圖片來源:More編輯部)
姜濤 mirror 姜濤曾於IG出po,要求fans給他一點私人空間
姜濤曾於IG出po,要求fans給他一點私人空間(圖片來源:[email protected]

8. 鬧埋姜糖唔理性

樓主指「班姜糖每次見到有批評聲音就起哂鋼,覺得人地妒忌惡意攻擊」,指他們也是害得姜濤唔討好的原因,稱「唔係妒忌就解釋哂,怪人地點解係hater之前,不如認真問下你偶像有乜野可以令人變成佢liker」,還以林家謙及MC張天賦二人跟姜濤情況作對比,解釋為何二人相對較少haters:

因為佢地唔會假大空囉

因為佢地唔會X冇人關心佢音樂囉

因為佢地唔會目中無人囉

因為佢地專業自律囉

因為佢地唔會咁X多多餘表情囉

因為佢地會認真對待每個表演囉

姜濤 mirror
(圖片來源:my903.com 商業電台)
姜濤 mirror
(圖片來源:my903.com 商業電台)

健吾嘲娛圈前輩跟紅頂白盲撐MIRROR

除了有網民開po插姜濤外,近日KOL健吾在社交網發文「看到一些自稱是資傳媒人的人,為了討好鏡粉而寫的Mirror baiting真的覺得這一行很難撈」,火速引起網民激烈討論大表認同,有網民留言「好多資歌手都係咁啦」,健吾即回覆:「個個痴埋去話幫年輕人,有時我都會諗,你依家好紅好多嘢撈?哈哈哈」,又再留言「跟紅頂白,我明。」不少網民畀like。

姜濤 mirror MIRROR
(圖片來源:FB@健吾)
姜濤 mirror MIRROR
(圖片來源:FB@健吾)

「啲前輩仲還過粉絲,係唔係都讚一餐」

又有網民寫道:「呢班所謂前輩仲衰過啲粉絲,係唔係都讚一餐,個個都讚到好似天才咁,又話佢地乖,又話佢哋勤力,又話佢哋捱得,乜呢啲唔係基本嘢嚟咩?重點係佢哋淨係選擇性幫ViuTV嘅年輕人,TVB夠大把年輕人啦,又唔見班資深前輩提攜下?」。不少網民和應:「果班所謂歌影視前輩真係好肉酸。」、「初初以為佢哋幫年輕人,但後來原來借人地人氣谷自己人氣,下下為讚而讚,搞到自己咩卡都無晒」、「成班女資深前輩仲恐怖,好似如狼似虎咁。」

姜濤 mirror MIRROR 姚焯菲和鍾柔美亦有出席叱咤頒獎禮,後者今年競新人獎,最後食白果坐足全晚。
姚焯菲和鍾柔美亦有出席叱咤頒獎禮,後者今年競新人獎,最後食白果坐足全晚。(圖片來源:IG@chantelyiu)
姜濤 mirror MIRROR After Class在其他頒獎禮上都有獎攞。
After Class在其他頒獎禮上都有獎攞。(圖片來源:IG@chantelyiu)

撰文:東方新地圖片來源:FB@商台903、ViuTV影片截圖、FB@健吾

讀者留言