麥明詩

金宵大廈2丨麥明詩唔撐TVB用黃婉華演菲傭 舊愛林作唱反調:完全不應該道歉

影視娛樂

TVB劇集《金宵大廈2》原本是重點劇集,除了《金宵》大廈原班人馬演出,亦加入新血,其中在「姐姐」單元演活菲傭Louisa的新演員黃婉華(Franchesca),完全唔似新手上路,而且為了入型入格,主動學習菲律賓口音,又以化妝品將皮膚塗啡,完全做到入型入格。可惜劇集出街之後,卻被指涉及歧視,連真正嘅Louisa麥明詩都建議應該改劇本!

麥明詩 黃婉華在《金宵大廈2》將皮膚塗啡演菲傭,被批評是歧視及不尊重。
黃婉華在《金宵大廈2》將皮膚塗啡演菲傭,被批評是歧視及不尊重。(圖片來源:[email protected]黃婉華)

TVB道歉:無意不尊重任何國籍

不過黃婉華日前就被法新社港台澳主管Jerome Taylor指責,塗啡皮膚涉及歧視,有在港的華裔菲律賓籍模特兒覺得,黃婉華對外傭極不尊重,行為非常惡劣(appalling)。TVB當晚回覆傳媒,稱讚黃婉華演技精湛,成功刻劃出角色,而「姐姐」單元旨在講述家庭傭工與僱主之間的情節:「本台強調絕無意在任何節目中表達不尊重或歧視任何國籍,並向任何可能受此事影響之人士表達歉意。」

麥明詩 TVB讚黃婉華演技精湛。
TVB讚黃婉華演技精湛。(圖片來源:《金宵大廈2》劇照)

麥明詩建議改埋劇本遷就演員

一向有「國際視野」的港姐麥明詩亦有一套睇法,她在IG說近年外國有好多製作都選擇「忠於角色」(true to character),用華人演員演出華人角色,令梁朝偉都有機會到荷里活發展:「香港如果能夠俾多啲機會少數族裔演出,represent(代表)返自己種族,而唔係由另一個種族去represent,唔係更好咩?」又指如果找不到講純正廣東話的菲律賓演員,可以將角色改做印傭,再去物色印尼演員。

麥明詩指外國好多製作已經選擇「忠於角色」。
麥明詩指外國好多製作已經選擇「忠於角色」。(圖片來源:[email protected]_mak)
麥明詩想俾機會少數族裔演出。
麥明詩想俾機會少數族裔演出。(圖片來源:[email protected]_mak)
麥明詩 菲律賓演員唔啱用,可以改角色做印傭,得咗!
菲律賓演員唔啱用,可以改角色做印傭,得咗!(圖片來源:[email protected]_mak)

林作唱反調

麥明詩前男友林作的想法就調返轉,大撐TVB:「完全不應該道歉,甚至應該理直氣壯地解釋。」林作以Netflix英倫古裝劇《柏捷頓家族:名門韻事》(Bridgerton)做例子:「睇唔落係因為我認為黑人冇可能喺當時出現並成為英國上流份子,因此我無法代入個戲嘅劇情。英文叫做not believable.」早前TVB劇集《愛‧回家之開心速遞》角色「佐治」,就明顯參考林作的招牌蓬鬆髮型及認叻個性,林作亦有借「佐治」做證說:「唔通林作就要搵林作扮咩。」

林作又同麥明詩唱反調。
林作又同麥明詩唱反調。(圖片來源:[email protected]
麥明詩 張明偉在《愛回家》造型似足林作。
張明偉在《愛回家》造型似足林作。(圖片來源:[email protected]
麥明詩 林作認為TVB完全不需道歉。
林作認為TVB完全不需道歉。(圖片來源:[email protected]

網民翻炒麥明詩演過視障人士

網民今次唔多支持麥明詩,有人直接指出她曾在劇集《殺手》中演過視障人士,反晌麥明詩:「唔係佢當年不如唔好演盲人,揾失明人士演一定好過佢呢?」,同類情況還有:「死屍就拖條屍出來嗎?」、「咁發哥演英雄本色係咪真係要打跛隻腳,華仔演盲探係咪真係要整盲雙眼?」、「所有警匪電影或電視劇,應該要搵真警察同埋真匪徒演出?」。網民又比較黃婉華與麥明詩的演技,「我菲傭姐姐都覺得佢演得好喎」、「麥明詩知唔知咩叫演戲?雞蛋裏挑骨頭。」

麥明詩都演過盲人,被網民質問角色是否要由盲人演出。
麥明詩都演過盲人,被網民質問角色是否要由盲人演出。(圖片來源:《殺手》劇照)
麥明詩 黃婉華都鍾意到戶口曬太陽。
黃婉華都鍾意到戶外曬太陽。(圖片來源:[email protected]_wong)
麥明詩 其實黃婉華膚色本身都比較黑。
其實黃婉華膚色本身都比較黑。(圖片來源:[email protected]_wong)

撰文:東方新地圖片來源:《殺手》劇照、《金宵大廈2》劇照、[email protected][email protected]_mak、[email protected][email protected]_wong、[email protected]黃婉華

讀者留言