FI

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

成日都話有自信嘅人最靚,歌仔都有得你唱:「不要低頭 光環會掉下來……」,不過美嘅定義從來都係因人而異,唔知道香港人公認嘅女神喺外國人眼中又係點嘅呢?

撰文:占士│圖片來源:連登、我的最佳球星、微博、Instagram│編輯:占士

外國麻甩佬點評亞洲女神

鬼佬覺得豆豉眼孖潤腸先係靚?

近年唔少香港人對美嘅標準越嚟越闊;對住飛機場一樣可以起機、超級「肥美」同樣嗒得杯落。嗱,成日有港人認為外國人對美嘅準則比起華人更闊,不過事實又係咪真係咁呢?我哋即刻睇吓「喺鬼佬心目中覺得最靚嘅華人女星」有邊個先!

元祖級𡃁模Angelababy

出道與文詠珊(Janice Man)齊齊以孖妹姿態出道嘅𡃁模始祖Angelababy,雖然經常俾人質疑整過容,不過佢嘅事業並未被負面報導影響,發展得越嚟越好!近年積極北上搵真銀嘅Angelababy唔單止係內地巴打同埋香港巴打公認嘅女神,就連喺外國人眼中都係一樣呀!

Victoria’s Secret內地超模劉雯

劉雯嘅美未必個個人都識得欣賞,不過喺一班外國男人眼中,劉雯似乎就符合哂鬼佬對亞洲靚女嘅標準。被譽為中國模特兒界「四大金剛」之一嘅劉雯除咗曾經參與Victoria’s Secret內衣騷,仲代言過唔少知名國際品牌,雖然喺香港唔一定個個人都識,但全球都有好高知名度。

C朗上內地節目揀女神 唔揀迪麗熱巴要劉雯

除咗啲白人巴打鍾意劉雯,C朗早前獲邀上內地綜藝節目《我的最佳球星》擔任嘉賓時,要喺其中一個遊戲環節由由三位內地女星中揀出一位最啱心水嗰陣,亦同大家一樣揀咗劉雯呀!C朗基本上第一眼就睇中劉雯,仲好肯定咁話「我覺得第三個漂亮」。其實C朗鍾情模特兒都唔係咩新鮮事,過往佢都同過多位唔同國藉的模特兒拍拖,果然眼光始終如一!

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

自信美唔係人人識欣賞? 呢兩位女星竟獲鬼佬俾最多負皮

講完鬼佬公認最靚嘅華人女星後,當然要數下獲得最多負皮㗎啦。有一位就係無數巴打心目中又靚又有身材,而有一位就以自信美行先嘅!你又估唔估到係邊兩位呢?

苟芸慧 「麻麻哋」

苟芸慧曾經奪得2008年多倫多華裔小姐以及2009年國際中華小姐冠軍,係網民公認又靚又有身材嘅大美人!2017年仲獲賽車手男朋友陸漢洋(William)送上鑽戒,男方仲話早已計劃好結婚。女神封盤,好多巴打都覺得非常可惜,不過啲鬼佬竟然覺得苟芸慧麻麻哋喎!

鄭欣宜:「唔太受落」

「不要低頭,光環會掉下來……」鄭欣宜經過多年被網民唾罵之後,終於憑一首《女神》奠定女神嘅地位,完全係「因有自信,所以美麗」嘅代表人物。不過鄭欣宜呢種自信美,一班鬼佬似乎就唔太受落啦。

巴打難以理解外國人審美觀

自信美又好、內在美又好、肥美都好,總之全部以字面解讀都有個「美」字,不過有個「美」字又未必係靚咁解,所以話個個人對美嘅睇法都好唔同囉!而了解完外國人嘅眼光之後,有啲巴打都話好難理解呀!

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?

【埋嚟睇埋嚟揀】外國麻甩佬點評亞洲女神 鬼佬覺得豆豉眼孖潤腸先係靚?