林明禎著小白Tee晒腹肌！細數圈中愛著小白Tee女星

林明禎 著小白Tee晒腹肌

去年踏入三字頭的馬來西亞女神林明禎擁有32E驕人上圍和22吋螞蟻腰，曾被網友譽為「真人版娜美」，更稱呼她為「明禎BB」，雖然去年未能順利推出健身寫真集，但熱愛健身的她仍會不時大晒自己Fit爆的健身成果，日前她就在社交網上載了幾張靚相，相中她著上了一件短身小白Tee配牛仔褲，外罩一件灰色冷衫，凸顯出她那結實的11字腹肌。

平凡但十級噴血！細數圈中愛著小白Tee女星

高海寧激凸身材超吸睛

唔知大家有冇發現，有唔少女星都愛著緊身小白Tee，其實小白Tee表面看似簡單平凡，實際上可將美好身材表露無遺，養眼度十足！其中著上超緊身白色Tee嘅高Ling，毋須刻意露出事業線，已能輕易展現出激凸美好身材，非常吸睛。

胡定欣型格又性感

簡單以白Tee襯窄牛，為型格添上小性感，足見39歲嘅胡定欣依然Keep得好Fit。

何珮瑜34D得天獨厚

擁有34D魔鬼身材得天獨厚，Jeana何珮瑜輕易駕馭小白Tee大騷本錢。

譚凱琪素顏上陣唔輸蝕

人妻譚凱琪無懼素顏上陣，皮膚白晳一啲唔輸蝕畀班妹妹仔。

馮盈盈白Tee做Gym

言行作風一向大膽嘅馮盈盈，簡單著上白Tee做Gym，份外養眼。

張曦雯樣靚身材正

鬼妹仔張曦雯亦湊熱鬧換上貼身白色上衣，再次證明只要樣靚身材正，著咩都咁好睇。

鄭融騷在骨子裡

人稱 「小辣椒」 嘅鄭融身材勻稱，完全騷在骨子裡。

王卓淇露出小蠻腰

向來喜歡晒招牌長腿嘅王卓淇，今次改以白Tee露出小蠻腰上陣，同樣吸引。

鄭秀文若隱若現

出名係人肉衣架、著衫有型好睇嘅Sammi換上小白Tee，若隱若現透出內裡黑bra，散發另類性感。

唐詩詠白Tee襯𠝹波袋

早前拍攝《超能使者》時的唐詩詠，著上貼身衫加斜孭袋，上圍激凸。

方媛身材冇走樣

天王郭富城老婆方媛生咗兩個小朋友後，身材冇走樣依然Keep得好好，上圍亦有睇頭。

陳芷尤導彈身材

有34D導彈身材，陳芷尤盡情晒靚Body。

傅嘉莉大方騷身材

從不吝嗇展露美好身材，傅嘉莉不時喺IG上載各款性感相大派福利。

劉溫馨逼爆上圍

30歲劉溫馨早前在《香港愛情故事》及《愛美麗狂想曲》等劇中都有不俗表現，平時穿上白Tee嘅佢將逼爆上圍表露無遺。

龔嘉欣成熟韻味

步入三字頭嘅龔嘉欣開始搣甩少女味道，加添幾分成熟韻味。

陳婉衡令人賞心悅目

由擁有36E級導彈身材嘅陳婉衡去演繹緊身Tee，最令人賞心悅目！