陳自瑤

經典重溫|結婚9年屢傳婚訊 重溫2013年王浩信趕做愛 陳自瑤鬧市買安全套

【娛樂考古台】陳自瑤(YoYo)台慶黑面對待老公王浩信再奪視帝,令二人婚變傳聞再度甚囂塵上!其實2011年陳自瑤(YoYo)與王浩信先註冊後求婚,全因搞出人命倉卒閃婚。2012年誕下女兒王靖喬後,王浩信表示會買車獎勵老婆,原因竟然係「等佢第時可以車個女返學!」又話最好生夠三個,老婆變豬乸都冇所謂,下令YoYo減產湊女,大男人至極。王浩信聲稱拍劇拍到天昏地暗,連瞓覺時間都無,本刊曾經目擊YoYo獨自行緊街突然「收call」買安全套,之後急急腳回家,睇嚟即買即用,難為YoYo要隨時候命,慘過做性奴!

圖、文:799期《東方新地》 |編:娛樂組

陳自瑤
結婚9年屢傳婚變,重溫2013年王浩信趕做愛,陳自瑤鬧市買安全套。

驚青見人即縮手

本刊曾直擊陳自瑤素顏到銅鑼灣萬寧購物,排隊付款時,突然接了一通電話,她「哦」了一聲後,就低頭折返,在售賣避孕套的貨架前徘徊良久,伸手拎起其中一盒安全套,突然有人經過,YoYo驚青縮手轉身看後面的洗甲水,期間不停四圍,左望右望確保無人,即轉身快手拎起一盒大包裝「至尊超薄裝」安全套,然後匆忙往付款,膠袋都唔要直接將貨掃入大袋中,然後急步離開。

陳自瑤
YoYo 拿起王浩信指定要買的超薄安全套,但一見有人即時驚到縮手。
陳自瑤
YoYo 本來隻買handcream 同痱子膏,爲了遮住安全套,隨手拎起大支裝洗頭水作掩護。
陳自瑤
杜蕾斯「至尊超薄裝」,標榜比一般安全套薄25%,能達更刺激貼身的享受。
陳自瑤
YoYo突然彈到後面扮睇其他日用品,以手遮臉之餘,不停偷望附近有無人。
陳自瑤
YoYo離開萬寧,第一時間致電王浩信匯報已買到手,呢個老婆超級聽話。
陳自瑤
陳自瑤婚後「封咪」,2012年8月爲女兒搞百日宴,YoYo才獲恩准稍作性感打扮。

損失產後纖體廣告

YoYo自2012年4月誕下女兒王靖喬後,工作量少之又少,原來是老公下令要留家湊女,知情人士透露:「YoYo生完之後,原本公司幫佢傾緊一個瘦身廣告,因為要著泳衣,王浩信一句唔俾就推咗,王浩信一向都好大男人㗎,唔俾YoYo著得性感,又唔俾佢拍親熱戲,連YoYo約朋友食飯都要管,控制慾好大,相反佢自己去蒲去玩,一定唔帶YoYo,不嬲YoYo都好遷就佢,生完之後,王浩信話湊女緊要啲,YoYo咪焗住減少工作!」本刊記者到電視城訪問王浩信,他不停推說因近日忙於拍《傳愛事務所》,表示兩公婆不用分得咁清楚,連男人基本責任都叫老婆代勞,冇時間買套但有時間行埋,真係男人之恥。

陳自瑤
YoYo誕下女兒王靖喬後,工作量少之又少,原來是老公下令要留家湊女。
陳自瑤
陳自瑤當年懷孕3個月,同王浩信到峇里度蜜月,5日4夜幾乎足不出戶,王浩信直認有做蜜月做嘅事,爲了一己私慾,不顧大肚禁忌。期間,二人撐枱腳,本來好浪漫, 但王浩信掛住玩手機,要YoYo 餵食,成個大爺咁!
陳自瑤
有次陳自瑤和王浩信在將軍澳中心超市掃貨,截的士回家時,王浩信一個箭步標上車,唔理拎住大抽細抽的YoYo,一啲男士應有的風度都冇。
陳自瑤
本刊記者到電視城訪問王浩信。

王浩信得戚:我呢排好忙!

記:本刊記者 王:王浩信

記:有冇計劃追多個小朋友?

王:暫時未有呢個計劃,依家湊個女先知好辛苦,所以唔諗住。

記:最近好忙?

王:都係拍緊劇啦!

記:我哋影到YoYo幫你去買安全套,忙到咁?

王:我呢排好忙,套劇又趕緊埋尾,日日都要開工,連瞓覺時間都冇!

記:呢啲嘢唔係應該男人買?YoYo買嗰時好尷尬吓!

王:因為我忙,平時係我處理嘅!

記:周圍都有便利店好方便,你都唔自己去買?

王:佢好精打細算會周圍格價,入開貨買好多嘢,就順便幫我買!

記:唔係喎,佢買咗幾樣嘢咋喎!

王:呢排我真係忙啲,要老婆幫我買,真係唔好意思!不過兩公婆冇所謂嘅,佢呢排主力顧屋企啲嘢!

讀者留言